دكتور محمد الشمالي جهاز هضمي

سلام عليكم … شلونكم بنات ؟؟؟؟

بنات بليز أبي تجاربكم مع د.محمد عايش الشمالي جهاز هضمي …

اللي عالجت عنده القولون .. شلون علاجه ؟؟

واللي سوت عنده منظار .. شلون يعور ؟ حسيتي بشي ؟؟

ووين سويتيه بالعيادة و الا مستشفى ؟؟؟

روحي وانتي مغمضة لان هالدكتور كلمة روعة شوي علية … شاطر وفاهم شغلة عدل و وايد ايدة خفية بالمنظار

عيادة بالجابرية فوق مطعم مستر صبز

يعني ما يعور المنظار ؟؟؟ وين سوتي بالعيادة والا مستشغى ؟

اب اب اب

امي سوت عنه منظار
خووووووش دكتور
والله يشافيج

شااطر توكلي على الله

اختي كان معاها قرحه وعالجها وبنت عمتي تعالج معاها قولون وارتاااحت من علاجه

اببببببببببببببببببببببببببببببببببببببببببببببببب بب

يهبل هالدكتور شاطر واخلاق. كنت اعالج عنده انزيمات الكبد

امي معاناه ثلاث شهور معا ارتجاع المعده وتكرمون الماي ترجعه لما طحنا على دكتور من بعد الله وبعده الحمدالله ربي لك الفضل امي رجعت صحتها

روحي وانتي مغمضه للدكتور المخيزيم بالجابريه والله انه من برا يزورونه ومعروف بقطر لانه اهل قطر ايون له ودول الخليج
وربي ماعرفه ولادعايه له بس هذي تجربة الوالده والدكتور اللي قلتي عنه مو استخفاف فيه بس انا ماعرفه عفوا يمكن نفس مستوى اللي قلت لج عنه او افضل منه بس انا ذكرت اللي عشناه

مشكورين بنات ماقصرتوا

ما انصحكم بالدكتور محمد عايش الشمالى مال الجهاز هضمى

عن سابق تجربه منى شخصيا الدكتور محمد فترة علاجه طويله جدا والمنظار والعلاج عنده غالى جدا والنتيجه صفر
بالعكس الالم زاد عندى بعد المنظار الى سواه لى
شيئ تافهه مثل التهاب بسيط بفم المعده
فتح ملف زائد استشاره طبيه زائد منظار زائد ادويه فوق 350 دينار
مع المراجعات وباقى الادويه تعدت التكلفه 550 دينار
الحمدالله تركته
غالى على الفاضى ماشفت اى نتيجه منه

الناس يمدحون المخيزيم والعصفور والسريع

الدكتور محمد الشمالي روووووعه شوي عليه

وللعلم ترى أحسن دكتور على مستوى الكويت ومعروفين هم اثنين فؤاد العلي في مستشفى السيف والدكتور محمد الشمالي عنده عياده خاصه هذول الاثنين أحسن أطباء للجهاز الهضمي

أنا ما جربت العلي لكن يمدحونه حيل

أما الشمالي فهذا دكتوري الدائم

وحسب تجربتي مع دكاترة آخرين مااا لقيت أحد أحسن من الشمالي

واللي تقول مادي أم نك جديد ؟!!!! بالعكس أنا أعالج عنده من زمااان وأسعاره مناسبه وعلاجاته من أفضل الأدويه وسعرها مناسب

روحي شوفي الدكاترة الثانيين وأسعارهم ونظامهم بعدين قارني بينهم وبين الشمالي !

والله العظيم ما أعرفه ولا أبي أسوي له دعايه لكن صج صج ماشفت مثل هالدكتور محترم ويفهمج شنو حالتج بالضبط ويعطيج علاج مناسب

أنا سويت عنده منظار المعده ومن غبائي استحيت أسوي عنده منظار القولون ورحت مستشفى خاص وقلت أبسوي المنظار بعدين أروح أودي النتيجه للشمالي وأكمل معاه وفعلا" رحت للخاص ويا ليتني مااا رحت عذبوني وما استفدت شيء والدكتور لما راجعته أبي آخذ أوراق المنظار ما عطاني وجه ولا فهمني ولما سألته سؤال واااحد بس جان يقول المره الجايه تعالي وأنا أقولج شنو سبب هاللي تقولين !!! وعطاني علاجات غاااليه يعني طلعت من الصيدليه وأنا دافعه حوالي 35 دينار وما كنت أدري شنو قاعده آكل ولما رحت للشمالي قالي في كرتونين هذول حبوب للقلق والعصبيه !!!!!! شكو يعطوني الخاص هالحبوب ؟!! كان بخاطري أروح أزف الدكتور اللي بالخاص وعطاني الشمالي أدويه ارتحت عليه

في دكاترة طماعين لو جبتي له منظار مسويته عند دكتور ثاني يقول خلني اعيد لج المنظار ويتحجج بأي حجه وهالشيء طبعا مااا يسويه الشمالي

ع العموم الظليمه شينه وأتمنى كل وحده تخاف ربها قبل تنتقد أي أحد

هاذي تجربتي حبيبتي الله يوفقج

استغربت لم قلتى انج استحيتى تسوين فحص القولون عند الشمالى
مع العلم ان الى يسوون فحص المنظار فلبينيات حريم ليش ماسويته عنده اذا كنتى تعرفينه عدل
ليش ماسويته عنده

حياة الناس ومصلحه الناس وفلوس الناس ماهى لعبه اتمنى انا نخاف الله فى نصيحه الناس
خصوصا بالامراض

ماشاء الله عليكم خواتي ردودكم قمة الابدااااع حبيت اشارك معكم وتعطوني رايكم في جرثومة المعده وشنوعلاجها ومنو احسن دكتور لهاوش رايكم في الثوووووم

حبيبتي أنا استحيت أسوي منظار القولون عند الشمالي وعند كل الدكاتره لأني أبي حرمه وما لقيت
وقلت حق نفسي اذا سويت منظار عند دكتور ما راح يشوف رقعة وجهي بعد المنظار من كثر ما أنا مستحيه علشان جذي رحت سويت المنظار عند دكتور وأخذت النتيجة ورحت للشمالي اللي اهو دكتوري الدائم وما أستغني عنه فهمتي ألحين ؟!
وبعدين شنو فلبينيات يسوون المنظار ؟؟!!!! وين هذا يصير ؟!!
اللي يسوي المنظار الأطباء وبس
هذا منظار مووو لعبه

كلامج عدل لازم نخاف الله في نصح الناس وفي تقييم الأطباء

وأنصح الكل يروح للشمالي وهو مغمض