|
|
شلونكم انشالله طيبين؟..
بنات انا اراجع عند دكتوره فوزيه وطبعا سألت اول حمالي منو احسن دكتوره عشان ابلش معاها ومراجعاتي تكون معاها وجذي المهم امدحولي فوزيه بنت خالتي والده عندها مرتين و وحده نعرفها هم كانت عندها ومرت ولد خالتي هم عندها الكل مدحها لي..
المهم انا رحت عندها و اراجع عندها و خووووش دكتوره الحمدلله اعجبتني بس المشكله!!
انا توني اسأل بنت خالتي قتلها الحين انشالله اذا قرب شهري وياني الطلق شلون ابلغ الدكتوره تيني؟ يعني انا اطلب رقمها لما اروحلها وانا بالتاسع ولا المستشفي يكون عندهم رقمها ويدقون عليها؟؟ 
جان تقولي لا انتي ليي رحتي وشافو ان فيج ولاده بيدقون عليها بس اهيا راح تييلج لما تنفتحين 7سانتي!! 
بس في بنات اسمعهم يقولون الدكتوره اول شي كل شوي تمرها من لما تكون 3 او 4 سانتي وكل شوي تمر عليها وتوسها لما تنفتح 10
زين شلون دكتورتي بتيني لما اكون 7سانتي!! 
بنات خاايفه ان ماتمرني ولا تتأخر ولا شلفايده بس تيي اخر شي؟ ماتسوي ولاشي معاي من البدايه؟ مادري محتاره شلون جذي بكون بروحي مع السسترات؟ ومن غيرها ولا دكتوره ثانيه بتكون مكانها ليين تيلي؟ ماااااادري .gif "Eh S(16)")
وبسسس اتمني تفيدوني
ادري بتقولين عيل شنو استفيد منها انا اقولج الخيااااط اذا خياطها اوكي عليها بالعافيه بالفلوس
يعني السسترات اهم الي يتعبون ويراقبون حالتج ولمن توصلين حدج ينادون الدكتوره بس علشان تسحب البيبي وتخيطج هذي وظيفتها بس
حبيبتي انا والده عند فوزيه وهي من يقولون لها اني دخلت الولاده وهي متابعه حالتي مع السسترات بالتليفون وتقولهم شنو يعطوني وشنو يسوون بالضبط مو تهدج لين اخرر شي
وانا اذكر مرت علي 3 مرات اول شي كنت حوال5 سانتي وراحت لان عندها ولاده ورجعت وتروح وترجع بس لي وصلت 7 او 8 لا تتم ويااج لين باذن الله تولدين بالسلامه وهي دكتوره ماشاءالله عليها شااطره وفاهمهم وخيااطهت ماشاءالله فضيع وتنضفج عدل بعد الولاده يعني تضغط على الرحم وتطلع اغلب الوصخ
والحين انا حاامل وهم عندها
وسلامتج والله يهون عليج
|
المشاركة الأصلية كتبت بواسطة wedifeek
 بنات وين فيه د فوزيه القطان؟ اي مستشفى؟
|
السلام عليكم
الدكتورة فوزية القطان لها عيادة خاصة
"الحياة كلينك"
ميدان حولي-ق11-شارع واصل بن عطاء-عمارة رقم4-خلف فندق المنتزة
تليفون:25665408 -25665358
راح تابعج مع السسترات من التليفون وتي على طول
توكلي على الله وخلي الوسواس عنج
والله يهون عليج ويسهل ولادتج آآمين
والله يقومج بالسلالامه :>
ايكون عندج سسترات ودكتوره واذا قربت الولاده الدكتوره ادق عليها واهيا تييلج لاااااااااااا تحاتين
سهلااااااااااااااات ان شالله
انا همن الولاده هذي بولد عندها والله يسهل علي وعليج
سمعت وايد بنات يقولون انها تيي علي طلعه الرااااااس
بس بين السسترات تيلفون تشوف وضعج
والله يسهل عليج يارب
,,,
انا يتني الصبح حطتلي تحاميل الطلق الصناعي بنفسها لأن ماياني طلق ،
وراحت العيادة وتتواصل مع دكاترة وسسترات المستشفى بالتلفون وتعرف التطورات منهم لأنهم كل شوي يفحصوني ويشوفوني جم فتحت ويوم فتحت 3سم ودوني غرفة الوضع لين فتحت 6سم او 7 ما اتدكر لقيتها جدامي داخلة بكل هدوء وبلشت شغلها
الدكتورة وايد زينة ولدتني انا وخواتي ماتأخرت علينا لاتحاتين ونفس ماقالولج البنات بالتاسع تعطيج ظرف لي حسيتي بالطلق تروحين المستشفى وتعطينهم الظرف