دكاترة التجميل الانف في الكويت

السلام عليكم

أنا حاب اسوي تجميل حق خشمي بس سمعت الدكتور جمال الحربي مو موجود … شنو احسن دكتور بالكويت يسوي تجميل حق الانف ؟؟

انطر ردودكم

ودمتم سالمين

منو انت ؟؟؟

تاريخ 5_3 في دكتور تجميل اسمه اريك بلو راح ايي زياره حق مستشفى المواساة روحله
انا مفكره اسوي عنده
لاني سويت عند الدكتور روجيه الخوري وما ضبطه بس احسن من قبل

سويته عند إسماعيل ندا في مستشفى دار الشفا و ما ضبطلي اياه

دكتور خالد الصبيح زين

انا ماادري شلووون انتا داش اهني بمنتدى بنات لوووووووووووووووول
المهم الدكتور خالد الصبيح مسوي لرفيجتي وايد حلووووو خشمهااااا وانتا استخييير والله يكتب اللي فيه الخير …..

لووول .. انا داش هني لانه العموم لابسين حجابات ..
انا بروح حق الدكتور عندالعزيز عطية استشاري اذن و انف و حنجرة .. لانه المشكله انا تضخم بغضاريف الانف ..
اذا خشمي بيتعدل بعد العملية خلاص مالاداعي بتجميل س اذا ماراح يتعدل اروح حق دكتور تجميل .. جذي او جذي انا قاط فلوس..
يعني اساسا اهو الموضوع علاج ما ابي اغير فيه خمشي شي … عندي تضخم في جهة وحدة بس ..

لاري من يعرف رقمة ؟؟

السلام عليكم ..
هااي حبيباتي شلوونكم ..
بصراحه انا ابي اسوي حق خشمي عملية تجميل وبصراحه متردده ومو عارفه عند منو بسوي !! انا خشمي فيه كسره وابي اعدلها ..
في بنات قالولي عن خالد الصبيح وعبد المحسن جعفر ان هذول احسن دكاترة تجميل بالكويت وبصراحه رحت لهم وكل واحد فيهم يقول السعر ب 2400 وطبعا هذا غير فتح ملف ب 40 و30 دينار وغير المراجعات بعد العمليه وغير المستشفى يعني صك ال 3000 دينار بصراحه ما تسوى ..
الحين سمعت عن دكتور ماجد التقي ودي لو تفيدوني يا بنات الي مسويه خشمها عنده او شايفه احد مسويه عنده تفيدني بليز لان بصراحه حدي مستعيله على العمليه فبليييز ابي رد سريييع ..

وشكراا

هلوووووووو بنات ….
أنا بعد وياكم …أبي دكتور زين ….زين إني لحقت عليكم …منذر العجمي يعني ضبط وخرب خشوم …إذا ما في شكلي ماراح أسوي …بس انطركم ….بصراحة الخشم يلعب دووور ….نصيحة اللي خشمها لايق مع ويهها لاتسوي والله أنا نتحدة كبير وفيه كسرة لو إنه مو كبير ونا خذ حجم والله ما فكرت أسويه ….لكن يبله تعديل وخصوصا الويه ضعيف نفس سبعة …أنتظركم

منذر العجمي مسويلي خشمي و صراحه لا بأس لكن مو معدل الانحراف وفتحه غير عن الثانيه و فوق هذا في غرز من خمس سنين مو شايلي اياها لي الحين يعني باختصار بهدلنب و الحين برد اعدل اللي خربه

لاتفكرووووون بمنذر العجمي بنووووب بنوووووي

جمال الحربي قبل كان شغله حلو بس الحين خالد الصبيح احسن منه بس خالد مايلعب بشكل الخشم وايد ترى

انا عندي انت قاط فلوس قاط سولك نيولوك مرة وحده

ماجد تقي جربت الابر عنده مو الجراحه بس احس مادي بصراحه
يعني قطيت ١٥٠٠ فلر وقالي يقعد سنه والله حتى شهر ماقعد
اول اسبوعين مورمه وبعدين ماعاد فيه شي جنك يابوزيد ماغزيت

السلام عليكم سمعت أن خالد صبيح زين عليه زحمه أنا سويت عند دكتور محمد معروف مصري بالمواساه عيادته ياريتني ماسويت تعبت وعمليه آخر شئ خشمي نفسه ماتغير وسويت عنده بشرة فاشل وسوت عمدة رفيجتي شفايفها جنها موتافخه وخذت حبوب تخسيس اطلعت موزينه يعني فاشل حسبي الله عليه أنا ماهمني الفلوس كثر ماهمني التعب حرام ماكو نتيجه ومشكله عنده زحمه نصاب نما رحت عنده كل شوي يقولي الخشم راح يفش صارلي 5 اشهر خشمي ماتغير جني ماسويت عمليه غضبت ربي عالفاضي صج الله شديد العقاب بس توبه أروح لدكتور مصري وتوبه أسوي تجميل الآل لضرورة بس فاشل محمد معروف بالمواساه سالميه لحد يروح نصيحه أخت 🙌حسبي الله عليه

نصيحه لاتسوين عمليه تجميل خشم الانما اتشوفين بعينج بنات مسوين مالج شغل بكلام دكتور انه شاطر شوفي بعينج أنا عمليتي فشلت عند دكتور محمد معروف المواساة مشكله ماخذة قرض وتعب العمليه ومسويتها غصب عن أهلي ومعاناه وآخر شئ مت قهر ماستفدت شئ هذا خشمي ماتغير وأنا سجلت بالمنتدا عشان انصح بنات لاتتسرعون ترا عمليه موسهله يبيلها دكتور شاطر هذا خشم بالوجه والوجه اهم شئ بالإنسان ديروبالكم نصيحه مجرب ماتدرون شكثر ندمانه وأهني ماكو رقابه عالدكاترة كل واحد يقص علا البنات علا أساس انه دكتور وهو مايعرف شي ياما بنات تشوهوا بسبب تجميل ياريت في رقابه عليهم ماكان صار جذي

السلام عليكم…
بنات انا سامعة عن دكتور زوران وقاعده اراجع عنده لان سويت خشمي من زماااان عند هشام النصف بس تابع للحكومه وبعد العمليه باسبوع اخواني قاعدين يلعبون وطاحوا علي وخربوا الشغل ….
وعقب فتره هم بنتي نايمه وموحاسه بنفسها جان اطق خشمي براسها…
ويوم رحتله قالي خشمج وايد في انحرافات واصابات تحتاجين علاج مو تجميل وطلب مني اشعه مقطعيه حق خشمي وان شاء الله ابلغكم بالنتيجه…
بس اهوا قالي شغله الوحيييد من الدكاتره الي انتبه عليها محد راضي يصدقني لمن اقول بروفايل خشمي من اليمين غير من اليسار الا اهوا لاحظ قبل لا اقوله…ف ارتحت اشوي ان فاهمني