|
|
السلام عليكم
بنات قبل فترة نزلت لكم موضوعي عن زوجي وان دريت بالغلط ا نه يشبك بمواقع حشاكم زبالة وصور وافلام
وعصبت وبجيت وصارت مشاكل واستغفر الله اهملت كل شي المشاكل قاعدة تصير ورا بعضها
استغفر الله قعدت بيني وبين نفسي اقول ليش جذي انا صليت ودعيت ليش يصير كل هذا
الله يلعنك يا ابليس لاهني حتى عن ربي واستوعبت ان هذا الي صار بلاء واختبار من ربي المفروض احمد ربي على ابتلائه بس انا سويت العكس اسهر على بجي وارد اشوف المواقع الي دخلها واتذكر الي سواه زوجي
وانا قبل اذا الفجر استغفر بشوي وما اقعد الا متى وتطفني صلاة ودعاء
الحين من قبل يومين احس بنغزة واحس ان في شي بيصير قلبي نغزني
بس مادري شنو هالشي وللحين مادري بس مجرد احساس ان في مشكله صايرة
امس وقبل لا اطلع من الدوام حدي متضايقه
ركبت السيارة ولا زوجي داق علي
اقول الو الو محد يرد بس انا قاعدة اسمع صوته
وياليتني ما سمعته
سمعته سوالف مع وحدة حسبي الله عليها بالدوام معاهم
اسمعها هي تقول شدعوة دزو هالورقة ومن هالخرابيط قلت عادي اتكلم بشغل حالها حال الموظفين الي معاي
بس هي للاسف انها اتكلم بطريقه عارفين طريقة بنات هالايام شلون بدلع ولقافه
واسمعها قاعدة تطيح الميانة مع زوجي شنو هالمرحلة الي وصلت فيها هذه ما تدري اذا هذا متزوج او يحب او اي شي
اخر كلمه سمعتها قالتها حق زوجي شدعوة شفيك منفس
ماحبيت اسمع باقي الكلام عالشان ما انصدم واكره اكثر من جذي
بنات انا مو قاعدة اقولكم هالسالفة عالشان اعتبرها مشكله لا
قلت لكم ياها ابي اذكركم بربكم اذكروا ربكم عالشان ربكم يذكركم
انا الحين احمد ربي ان سمعت وانتبهت على هالاشياء خلتني ارد حق صوابي وذكرتني بربي
ادعوا يا بنات وكثروا من الدعاء ولو صارت لكم مصيبة قولوا اللهم اجرني في مصيبتي واخلف لي خيرا منها
بنات انا قريت ان في يوم القيامة تجي المرا توقف وتنزل عليها حسنات تقول حق ربها يارب من وين هذيل
يقولها انتي دعيت وانا ما استجبت دعائج
ربي مايضيع اجر احد
وادعوا لي الله يوفقني معم زوجي وويجعلني الزوجة الوحيده له ويصب محبتي في قلبه ويستر على بنتي
الله يصبرج و يعطيج القوة و الحكمه في التصرف يا رب
الله يعينج والله مشكله ياربي ماندري شنسوي …حق هالرياجيل نربطهم ونخشهم !!!
الصبر مفتاح الفرج .. الله معاج وربج ماينسى عبده ..
بس انتي اقري قرآن وادعي وربج وانشالله اذا لج حق بيطلع ..
والله يرزقج على قد نيتج ويستر على بنتج يارب ..
الله يا رب يرده احسن من اول وذكريه بالله وان هالاشياء حرام عليه هو عنده الحلال لا يصير فيه شيء بيوم يندم لا حلال ولا حرام
لا حول ولا قوة الا بالله
كثري من الاستغفار
احس زووجج بالنسبة لج هو محيط الكون
خلاص ان راح تموتين روحج
شوفي يالغاليه دام زووجج راعي خرابيط
لاتخلينه محور حياتج
اشغلي روحج شوي خليه يحس شوي انه لاقام ولاقعد
يلعب بذيله ويقهرج وانتي ماكلة بروحج ومقهورة وبالاخر شالفايدة ؟
حاولي تفجين عنه تغيرين تفكيرج
يبيلج نفضة شوي لتفكيرج
اقعدي اول شي مع روحج وشوفي شنو سبب هالمشاكل وليش انتي تعبانة نفسيا
شيليه من بالج وشوفي شنو في بحياتج بعد بتسوينه
بيتج عيالج اهلج
فجي شوي عنه ودقي الثقل عليه
من زينه اهو ومواقعه وقلة ادبه حتى التلفون داق غلط وهو يكلم بنات
يمكن مو داق غلط
يمكن متعمد يسمعج صوت البنت الي تتدلع عليه انتي شدراج
عطيه تجاهل شوي وشوفي لج حل لتعبج بس بدون ما توضحين له انج سمعتيه
لو بنشوف ونفتش وراهم بنلاقي البلاوي
انتي خليج طبيعيه
والله
شنسوي بعد
والله يسخره لج يا رب
ويبعد عنه بنات الحرام
ياربي وين نفتك من بنات بليس اللي يخربون بين المره وزوجها
وترى كل ابتلاء تكون فيه الزوجه يكون لها اجر باذن الله
ويهون عليج ويصبرج
ويسخر لج زوجج
المشاكل الي من هالنوع زايده هاليومين
وصج مالها حل الا الدعاء والصبر
الحمدالله ان سمعتي باذنج ان زوجج مو متجاوب وياها صح؟
عرفتي ان ريلج مو رااعي خرابيط
لان لو راعي خرابيط جان سمعتي شي ثاني
شوفي حبايبي
الدنيا فيها الردي والزين
مو كل الناس اخلاقها توب
ومو كل انسان عايش نفس بيئتكم ويتعامل باخلاق عاليه
هالبنت يمكن انتي تشوفين ان اسلوبها مياعه
بس موشرط انها حاذفه نفسها علي ريلج للتنبيه علشان ماناخذ اثامها هذا شغل غصبا علي البنات يحتكون برايييل
وماتحسبونهم لانهم غير ترا مو كل البنات يدعون الدلع ولا كل البنات يرسمون علي الرياييل فماراح اسمح لاي وحده تسب او تدعي هالبنت وتاخذ اثمها وتخلينا نشارك
احترم صاحبه الموضوع وعقلها لانها ماخلت ابليس بدش بيتها ولاتهمت البنت انها قاعده ترسم علي الريال ولاراحت بذاك الراي
الحين شنو مطلوب؟
انتي تنبهتي
ان الريال في بيئه مفتوحه يعني في بنات بمحيطه وابليس شاطر
يمكن يزين بعينه شي
بس اللي مكتفي ابيته ماتهزه الف عارضه ازياء وملكه جمال
وفي ناس لي الحين ربي لك الحمد تدور الحلال وتحترم الزواج والزوجه
حافظي علي بيتج التنبيه يهه بوقته
وعندي شغله اخيره احب اضيفها
ريلج يشوف مواقع اباحيه؟
يشوف صور وصخه؟
افلام وصخه؟
انتي مو ربه تحاسبينه ولا تنفذين القصاص
تبين تحلين هالمشكله
يا انج تواجهينه وتتغفلين عقبها وتسحبينه من هالجو
يا انج تتصرفين بذكاء وتلفين عليها
الريال عنده فضول ويبي يشبعه
انتي موجوده؟
عالجي هالمشكله اللي يحب يعيش بهالجو عطيه اياه بالحلال ماراح يدوره بالحرام
يحب يشوف ويعيش قصه؟
عيشيه قصه
خلقيله بيئه الفلم والصوره
اهتمي بنفسج
نوعي بالعلاقه الجنسيه وياه لاتصيرين تقليديه
حطي مرايا بالغرفه باماكن مناسبه ولفتي نظره لها قوليله احب شكلك معاي
شبعي جانب الخيال فيه
ماراح يدوره بمواقع عقب صدقيني
ويبعد عنا اعيال الحرام
الله يصلح الحال يارب ومثل ماقتلتي لا يرد القضاء غير الدعاء
الله يصلحه ويهدييييييييييييه ويبارك فيه ويرده لج