|
|
السلام عليكم
بنات أنا اليوم كملت 9 شهور بالكمال والتمام الحمدلله
وللحين ما ولدت
تخيلوا كل يوم يجيني عوار والثقل ذابحني وبطني بآخر أسبوعين كبر حجمها حيل
ورغم كل هذا
اليوم لما فحصتني الدكتورة قالت لي ما عندج توسعات
عيل العوار اللي كل يوم يجيني شنوو ؟؟
نفسيتي حيل تعبت لدرجة اني من طلعة من الدكتورة اليوم صاكه فيني الدنيا وقاعده بداري مالي خلق أسوي شي
دكتورتي قالت اذا ليوم الأثنين ما ولدتي روحي المستشفى خلاص لازم تولدين.gif "Eh S(1)")
زين أروح شسوي اذا الرحم ما كان مفتوح ولا ربع سانتي
شنو بيدهم يسوون لي
أخاف يعطوني طلق صناعي ولا يلعبون فيني
عفيه بنات كل وحده دخلت العاشر تقولي شنو سوت وشلون ولدت ؟؟
على فكره انا بجر
وشغله ثانيه مثل ما قلت لكم بطني كبرت حيل وصارت حيل تحكني خاصه حول السره وصار اللون يلوع الجبد
شسوي بهالحاله ؟؟
ناطرتكم
وادعولي الله يخليكم
انا المره حدها تسعه شهور بس
مستحيله المره تحمل عشره شهور
تلاقينهم اكيد غلطوا بالحساب
او ما صار حمل بالموعد اللي عطوج اياه
الدكتوره تقول نطرح اسبوعين من موعد الدوره
يعني اشدراج ان ما صار الحمل بالاسبوع الثالث مثلا
وءأكد ان المره مستحيل تدخل الشهر العاشر
وحتى القران يقول الحمل بس 9 شهور
الله يهون عليج ويارب تولدين بالسلامه
خوفج تتأخرين ولا سمح الله يأثر على الجنين و الدكتورة ابخص بشغلها
وانشالله تبشرينا بولادة طبيعية ومتعافية
روحي يطعونج طلق صناعي وايد احسن لان اختي خلصت شهرها ودخلت من العاشر سبوعين ووايد تعذبت
فنصيحتي لج شربي بطل خروع اخلطيه مع عصير عشان تتقبلين طعمه وبعد ساعتين راح تحسين باشياء
واذا ما حسيتي روحي طلبي طلق صناعي لان اختي صبرت واشفطو بنتها لما فجرو شراين الرحم والحين قاعدين نعابل فيها عند الدكتور وكل ساع مراجعات مع العلم اختي توها والده صار لها 14يوملله يقومج بالسلامه
امشي عالبحر وشربي خروع مع عصير المانجا وااايد زين
والسهالة من رب العالمين أولا وأخيرا
فمااعليج انتي حاولي تمشين اشوي
واكلي تمر والدارسين لا تكثرين منه داام ماافتح الرحم عندج لان الدارسين يحمي الطلق بس
ولا تستعجلين تروحين للمستشفى انا ولدت بأخر اسبوعين من المهله الي عطونياها بعد الشهر التاسع
وعلى قولت امي حسبتج غلط سبحاان الله المره حدهاا 9 فلا تستعجليين
انا كنت اشب واطفي وامي تقولي مااعليج الله يبي يعطيج سااعه تولدين فيهاا
داام كل شي في الجاهل تماام الحمدالله لا تستعجلين وخااصه البجر ماايسون لج شي يخلونج على راااحتج
والله يسهل عليج يااقلبي ان شااءالله واتبشرينى ياارب بالمولد اي كاان بنت او ولد بس اهم شي الصحه والعافيه ياارب
|
المشاركة الأصلية كتبت بواسطة ألماس الكويت
 السلام عليكم
بنات أنا اليوم كملت 9 شهور بالكمال والتمام الحمدلله وللحين ما ولدت تخيلوا كل يوم يجيني عوار والثقل ذابحني وبطني بآخر أسبوعين كبر حجمها حيل ورغم كل هذا اليوم لما فحصتني الدكتورة قالت لي ما عندج توسعات عيل العوار اللي كل يوم يجيني شنوو ؟؟ نفسيتي حيل تعبت لدرجة اني من طلعة من الدكتورة اليوم صاكه فيني الدنيا وقاعده بداري مالي خلق أسوي شي دكتورتي قالت اذا ليوم الأثنين ما ولدتي روحي المستشفى خلاص لازم تولدين زين أروح شسوي اذا الرحم ما كان مفتوح ولا ربع سانتي أخاف يعطوني طلق صناعي ولا يلعبون فيني عفيه بنات كل وحده دخلت العاشر تقولي شنو سوت وشلون ولدت ؟؟ على فكره انا بجر وشغله ثانيه مثل ما قلت لكم بطني كبرت حيل وصارت حيل تحكني خاصه حول السره وصار اللون يلوع الجبد ناطرتكم |
ههههههههههههههههههههههه من صجج العشر مرة وحدة لاحياتى أنتى بس مخربطه بالحسبه بعدين عمرى ليش مستعجله له وقت بينولد فيه الله كاتبه لا لايقدم ولايأخر بس أنتى موتظلين منسدحه روحى تمشى وأسفه بس كثرى من الجماع ترى الحيوانات المنويه توسع عنق الرحم ودمتى وياربى تقومين بالسلامه انتى والبيبى
الغلط بالحسبه بس وروحي امشي وعفوا كثري الجماع عشان يتبطل عنق الرحم
انا قالت لي الدكتورة اني طايفه موعدي 4 ايام رحت مشيت وشربت دارسين لأني مليت
وياني طلق خفيييييف الفير بس ما تبطل الرحم الا 1سم وولدوني غصب بطلت جيس الماي ووسعوني اربع مرات
وعطوني طلق صناعي واااااااي بغيت اموت لعبوا فيني نصيييييحه لا تروحين ولا تستعجلين خليها على ربج
دام مافي البيبي ولا فيج شي ولا تروحين الا اذا لا سمح الله في خطر على حياتج وحياة البيبي ..
والله يسهل عليج ان شالله
اول شي انسي سالفة الخروع تماما ….. اهو يهيج البطن ويعفس لج اياه وما تدرين منو طقاقج بالفصحى الطلق ولا عوار الاسهال اللي يسويه الخروع …
اذا الرحم مو فاتح … فيه جل يحطونه علشان يساعد على فتح الرحم ويبدي الطلق … بس انتي وتقبل جسمج … في ناس يحطون لهم الجل مرة واحدة ، يسمونها بعد تحميله … وناس مرتين … واللي مثلي ثلاث مرات يالله يشتغل معاهم …
انا ولدت لي 40 اسبوع و4 ايام … فتح الماي الفجر … وماكو طلق ولا بطيخ … ومثل ما قلتلج حطوا لي الجل 3 مرات ، كل ست ساعات مرة … الساعة سبع ونص بالليل يالله بدى معاي الطلق …. وطلق خفيف … كل هذا وانا طول التاسع الرحم فاتح معاي 2 سانتي … الساعة تسع ونص حطوا لي طلق صناعي …. نصييييييييييييييييييحة اخذي ابرة الظهر عن الشجاعة اللي مالها داعي … لأن مع الطلق الصناعي الألم يصير غير .. وما تدرين اشكثر اتطولين … فليش العذاب؟؟؟؟ خليج مرتاحة واخذي ابرة الظهر … طبعا انا كنت بصير سبعة وما خذيتها من اول شي …
بعدين قمت اطلبها ويحقروني هههههههههههه
المهم … عقب بنتي واهي داخل الرحم سوت الإخراج الأول … بطنها يخرجها داخل الرحم .. لو كانت برة عادي .. بس اهي داخل .. يعني الجو حوالينها صار ملوث … وبعديها بجم ساعة … يتني الدكتورة تفحص قالت لي تو بدا عنق الرحم يفتح ويليييين … بس البيبي تعبانة … قلت لها … قيصريييييييييييييييييييييييييييييييةةةةةةةةةةةةةةة ةةةةةةةةةةةةة هههههههههههههههههههههه قالت لي اييي سوري … قلت لها ليش سورييييييييييييييي خلصينيييييييييييييييييييييييييي هههههههههههههههه
وركض تخدير عام واطلعت بنتي حبيبتي والحمدلله … ربي لك الحمد … انه في قيصرية علشان بنتي تطلع وانا واياها انكون ابصحة وعافية … ومن حكمة رب العالمين ان الرحم ما فتح ان الحبل السري كان زانطها وكل ما يدفعها الطلق ليه تحت يشدها الحبل السري ليه فوق … تخيلي لو ان الرحم فاتح وتتنزل …. جان سبحان الله … الله يعلم بحالنا
المهم يا محفوظة السلامة …. اهم شي صحتج وصحة البيبي … اشلون يطلع مو مشكلة …. المهم ان انتوا الاثنين صحتكم تمام …
واللي يقول احنا حاسبين غلط … اقول لكم التالي … بنتي اطلعت جسمها متعرفط من كثر ما طولت داخل الرحم … حتى الدكاترة يسمونها over due baby … يعني طبخت زيادة عن اللزوم … طولت بالفرن ههههههه وجسمها كله تقشر … الجلد فج وطلع جلد ثاني … لا تخافين عادي … ههههههههه
فيا حبيبتي السلامة من رب العالمين … شلون يطلع البيبي هذي حكمة رب العالمين … احنا ناخذ بالاسباب وسبحانه عليه النتايج … شيصير تقبليه بصدر رحب