دام مو قد الزواج ليش يتزوجون ويبلشون بنات الناس

اشلونكم يا بنات
السالفه ومافيها بنت اخت رفيجتي تزوجت باول شهر يناير ماعليها قاصر عمرها 22 توها متوظفه والي خذته عمره عمره 27
اصر الا يبي الزواج لان شبع راح وسافر واستانس ويبي الاسقرار ويصلي واخلاق ودبلوم تجاري مادري تكنولوجيا المهم ان وظيته ومعاشه زين واهي بعد دبلوم تجاري وموظفه
وشافته وارتاحت له قعدوا فتره خطوبه وملجه تعرفوا فيها على بعض اهي قالت له بالخطوبه والملجه سالفه ان تسافر مع ربعك تنساها ما احب اوكي تطلع وتروح معاهم اهني بالديره بس تسافر ريلي على ريلك وقال لها لا لاتحاتين انا بس رحت وسافرت وشبعت ابي الاستقرار المهم باواخر ايام الملجه قال لها وبكل حماس تصدقين ربعي يحنون عليي بيروحون تايلاند يبوني اروح معاهم جان تقول له تبي تروح دربك خضر بس قبلها تطلقني دام ليلحين عالبر جان يقول لها شدعوه عاد جان تقول بعد كملت تايلند ديره الخراب انا اعرفها ورايحه لها مع اهلي وشفت بلاوي جان يقول بس انا رايح لها وايد قبل لا اخذج ماتخافين اني كنت مخربط هناك جان تقول له والتحاليل الي سويناها اثبتت سلامتك وما احاسبك على ماضي لكن انااحاسبك على عقب ما ملجنا جان يقول لا تحاتين انا وعدي لج وعطاها من الكلام الحلو المصفصف عساس ترتاح المهم تزوجوا وراحوا 5 ايام دبي لان قال لها دوامه ما رضوا يعطونه اجازه قال لها نعوضها بالصيف بسفره لاوربا عقب ما رجعوا من دبي بثلاثه ايام راحت عند اهلها تزورهم واتصل عليها قال لها حبيبتي انا رايح تايلند مع ربعي شسوي اصروا عليي وما حبيت اردهم قاموا يعايروني وفيه منهم متزوجين وهدوا حريمهم اهي طبعا عصبت وقامت تبجي وتصارخ وقالت له والاتفاق الي بينا قال لها يلا عاد انا ماتمشيني مره كلها اسبوعين وراجع سمعي ترى وقت ما طقت براسي اسافر مع ربعي بسافر عاجبج ولا كيفج يلا بركب الطياره وبس اوصل اكلمج يبيلي 7 ساعات يلا باي ورقعه في ويهها طبعا انهارت وراحت خذت اغراضها كلهم وردت بيت اهلها واصرت على الطلاق واهي بعد اشوهخذت احتاياطاتها حبوب منع حمل عساس تشوف ماهيته اول شهرين والابو انقهر عليها اهي بالذات ما يرضى عليها لانها يت عقب 3 صبيان وقال لها ماتبينه غصبن عليه يطلق ويوم كلموا امه وابوه وخوانه الام حظرتها قالت اي شنو خو عادي يبي يستانس خلاص وداها دبي خله يستانس وقالوا لها اهلها زوجته اولى قص عليها قال ماعندي اجازه وداها دبى واخرتها ذلف تايلند ان رجع يطلقها غصبن عليه والام ماعجبها طبعا تحامي حق ولدها بس حمواتها غلطوا اخوهم وراحوا لها يطخخونها وشنو بيقولون الناس تكفين لا تطلبين الطلاق واحنا لنا كلام ثاني معاه ابوي وخواني بيشرشحونه بس اهي قالت لا يطلقني مابيه حلفت حلف ما يلمسني المهم امه كلمته قال لها لا بس تهايط وتدلع خلاص هقوتي اذا حملت مني ماظن راح تطلب الطلاق وانا هريتها ( طع الاسلوب بس ) اهي رايحه قايله هالحجي حق رفيجتها ولدي هراها واكيد بتحمل ورفيجتها وصلت الحجي للام البنت حريم لازم ينقلون الحجي البنت سكتت ماقالت انها خذت مانع ويطرش لها واتس اب حبيبتي ولهت عليج جان تقول له موعدنا بالمحمه عشان تطلق ويا ويلك ان طرشت لي مسج وحطته بلوك ويطرش لها مسجات عاديه غيرت خطها وما رجع حظرته الا اول اسبوع من فراير قعد 3 اسابيع الجذاب مو اسبوعين وراح يراضيها وقال لها خلاص اخر مره بس ظلت مصره عالطلاق وقا لها تردين لي المهر جان تقول له اوكي طالب فيه وانا بطلب ان يسوون لك تحليل وان طلع فيك مرض راح يطلقوني للضرر جان يقول لها خلاص فكيني راح اطلقج من غير فضايح جان تقول اشكره مخربط مع بنات جان يقول لها حبيبتي اخر مره اوعدج ما كررها جان تقول له طلق انا مصره جان يقول لها بالاول حللي يمكن تطلعين حامل ما تتطلقين وانتي حامل مايصير جان تقول له لاتخاف مو حامل يتني الدوره يعني انسى وطلق وانت متطمن جان يعصب وقال لها ماراح اطلق واعلى مافي خيلج ركبيه جان تقول له اصبر وعطته الاشياء الي شراهم لها من دبي والهدايا قالت هذيل الي عندي اما المهر انسى هذا حقي وانت دخلت عليي ماراح يرجع لك قانونيا وراحت رفعت قضيه طلاق للضرر وطلبوا يسوون له تحليل اهي مصره عالطلاق وانا ما الومها بس مقهوره عليها انحسب عليها زواج والي يقهر دام مو قد الزواج ليش تبلشون بنات الناس
البنت الحين تقول خلاص ماراح اتزوج بقعد عند اهلي ابوي الله يخليه لي وخواني شايليني وحريمهم ذهبه
واهي راحت لبنان بعطله العيد الوطني مع رفيجتي الي اهي خالتها و رفيجاتها واختها الي اصغر منها وعشتو عصب قال مرتي شلون تسافر من غير ما تستئذن وقال له ابوها اعتبر انك مطلقها ولاتقرب صوبها ولا يا ويلك
ورفيجتي مقهوووره عليها مهما كان بنت اختها
الله كريم الله يعوضها ادعوا ان تتسهل سالفه طلاقها وترتاح اهي محتاجه للدعاء عشان جذي نزلت الموضوع

تطلب الطلاق عشانه سافر مع ربعه ترى كل رياجيل الكويت يسافرون مع ربعهم ماشوف حريمهم طلبو الطلاق

اب اب
مشكله اللي يتزوج وهو مو قد المسؤليه

اوكي ما اختلفنا يقص عليها يقول لها ماعندي اجازه نروح دبي 5 ايام وبس يرجعون عقبها بجم يوم طس تايلند هذا جذااااب

اي والله ماااالت

شفيها اذا سافر !!

بس اهيا المفروووض ماتكبر السالفه جذي

اهوا صح غلط يوم انه سافر واهما توهم متزوجين

بس المفروض تصبر عليه

موحلوه كلمة مطلقه كلش … على سبب تاافه

اهي مبداها ان الي يجذب من اولها يجذب بعدين خصوصا ان شبه اعترف ان خربط هناك مو راضي يسوي تحليل ويوم قالت له رفضك معناه انك مخربط قال لها اخر مره حبيبتي وما اسويها ترى قووويه

يوووووووه ياكثر مايجذبون انتي بتمسكين هالجذبه ولا شي عند جذبات اكبر
بنات ليش ماتفهمون ان الزوج مايجي تفصال على هواج لا الزواج كفاح اذا الرجال طايش تكون المره راكده وتحاول تصلح بيتها وتحافظ عليه ترى يبيلها سنين عشان تثبت قواعدها مو من اول سالفه تتزعل وتروح بيت اهلها
اوكي اهلها ماعليهم بس لو تمر السنين وهي مطلقه لا ولد ولا زوج حياتها شلون بتكون روتين ممل و بعد عين ابوها بتكون ثقل على اخوها ومرته حزتها بتتحسف اذا مو متحسفه قبل
احنا لازم نعيش الواقع مجتمعنا شرقي خليجي خل تشوف وتبطل عينها المتزوجه لو هي شنو محد يتكلم عليها دام عند زوجها والمطلقه مهما خذت حريه عليها قيود وحدود ضيجه
وهذه من اولها مو عاجبها اللي تاكل حبوب لها نيه والله اعلم بالنيات

مالومها شنو هالريال اللي هاد مرته ومسافر من وراها مابلغها الا يوم ركب الطياره

هادها عروس ورايح تايلند !!!

الله يعوضها بللي احسن منه ان شاءالله

والله على راسي اذا شفتيها بوسيها عني

الله يوفقها ان شالله ويفكها منه الجذاب الخربوطي

مابط جبدي الا امه ويع

زين سوت ما خلت عمرها واكيد انه صج مو قد المسوليه لان البنت ماتهدم بيتها بسهوله
وصاجه شباب ها الوقت مو كفو اسره وبيت وعيال

حسبي الله و نعم الوكيل

الصبي مو كفو
انا احتقر الي يوعد ويخلف ويجذب ويطيح من عيني
واهو طاير ورى وناسته وماهمته زوجته
ولا عروس يهدها صج مو كفو

الله يرزقها باللي احسن منه يارب

الله يعينها والله
موقفه يفشل هذا من اولها ماينفع زوج
الله يعوضها خير

يمه. قهر بس زين سوت فيه. الله يعوضها بابرك منه