دار الشفا ولا الهادي ؟؟

السلام عليكم وصباح ومساء الخير عليكم

آنه محتاره بين دار الشفا والهادي وودي آخذ راي المجربين والسامعين منو الأفضل من ناحيه:
– الخدمه الطبية ؟
– العناية خلال وبعد الولاده؟
– الخياط- الكمام- التجميل- الطلق الصناعي ؟
-الأسعار؟
يعني ودي أعرف كل شي واللي مجربه تقولي
ومنو الدكاتره اللي تنصحوني فيهم وبأي مستشفى
وشنو تفضلون مثلا جناح الهادي ولا الأمبراطوري من خلال الخدمه المتميزه ؟ يعني الشغل اللي يريحج بالإستقبال وماتحاتين وايد
آنه أمس رحت دار الشفا وعطوني مميزات الأمبراطوري بصراحه شي بس مادري عن جناح الهادي شنو ميزاته ؟
ياريت تساعدوني خواتي آنه بجر وماني عارفه وين اروح ولي الحين ماراجعت عند اي مستشفى خاص عشان الولاده

وتسلمووووووووووون مقدماً

انا مو مجربه بس عندي جم وحده من رفيجاتي يولودن بدار الشفا ويمدحون بولاداتهم و العنايه الطبيه عندهم

رفيجاتي عاده ياخذون السويت اللي فيه غرفتين اثاثه حلو ما علامه شي وهمن الغرف راهيه ماادري عاد شنو اسمه

أنا والده بالهادي رعايتهم الطبيه والكمام والخياط وايد زينين وأسعارهم أرخص من دار الشفا وبجناح الهادي 2 خدم يرافقون الغرفه بس بصراحه وكوني مهندسه ديكورات الأمبراطوري دار الشفا أحلى وأضخم من جناح الهادي بس كل شي بسعره الأمبراطوري الليله 450 والهادي 325 بالليله بس أنا سويت استخاره على دار الشفا وطلعت مو زينه علشان جذي ولدت بالهادي

تسلمين كلي غلا
اتوقع اللي تتكلمين عنه الملكي مو الأمبراطوري بس ماقصرتي

عيش وملاس
امبيه حبيبتي مشكووووووووووووره وتسلمين تصدقين نبهتيني على شي آنه ماصليت إستخارة!
تصدقين الحل الوحيد اني أصلي إستخاره وأشوف شنو أرتاح له لأني في البدايه كنت بروح دار الشفا تالي شفت جناح الهادي هم عجبني عموما الله يسهل إن شاء الله

انا مو مجربه غير رويال حياة
بس كل الناس تمدح و تذم كل المستشفيات و كلمن حسب التجربه الي يمر فيها

اذا جذي انتي روحي الهادي و شوفي غرفهم و اسعارهم

بعدين استخيري
والله يكتبلج الي فيه الخير

والله ياحبيبتي آنه دار الشفا شفت غرفهم والهادي هم شفت غرفهم واحس اني محتاره والمشكله إني بهالشهر بدخل السابع يعني لازم اروح اراجع بالمستشفى اللي ناويه اولد فيها إن شاء الله
عموما ماكو إلا انطر شوي لين ادخل السابع تالي اصلي إستخاره واشوف شيصير معاي
ومشكووووره ماقصرتي على الرد

الامبراطوري .. ممتاز خدماتهم والعناية .. عندهم السيرفيز وعصاير فرش للزوار واذا تبين استكاناتهم واقلاصاتهم ..
كل شي يوفروون لج

هلا والله
إي آنه قريت بروشورهم وااااايد يفرون عليج ويريحونج يعني تحسين صج امبراطوري بصراحه آنه مايعجبني الخشب وايد بس يعني فكرت بالخدمات اللي يقدمونها
مشكوره حبيبتي على المشاركه

رفع ..

ما عندي فكره ..(:

تسلميــــن حبيبتي

انا ولدت بالشفا بس مو ماخذه لا الامبراطوري و لا الملكي و دكتورتي من برا بس عنايه السسترات واااااااااااااااايد زينه لدرجه اني ما الحق اطق الجرس الا يايه ركض

انا كل ولاداتي بالشفا الامبراطوري عنايه ممتاااااااااااااااااازه و خدمه راقيه تريحج بالسلالالامه