خوى الرحم . شنو يعني . وشلون تعرفينه . وعلاجه .

شلون تعرفين انج خويانه :
1- اول شي دايما تحسين معاج افرازات بيضه وساعات اتميل للصفار
2- اثناء الجماع تكثر الافرازات وتكون محرجه بالنسبه للمرى في الحالات المتقدمه من الخوى مو البدايه
3- بالجماع الزوج يحس ان في توسع بالمنطقه وما يكون استمتاع من هذي الناحيه
4- في بعض الحريم واثناء الجماع يخرج من الرحم هوا مو غازات لا من المهبل
العــــــلاج :

طبعا الخوى ما يصيب إلا المهمله في نفسها وخاصه فترت الدوره
نبتدي الخطوات

1- اول ما تيج الدوره لازم لازم لازم وحطي تحتهااااا ميت خط
اتدفين لبسي بنطرون طويل قطن ودلاق ثقيل مو نايلون لا قطن
ومو تلبسين علاق ترى الهوا يدخل من كل جهه

2- لا تيوعين لان اليوع ايدخل الهوا

3- يبيلج تمره وشلي الطعام الي داخلها وحطيها في صحن وحطي عليها المقادير هذي
حلبه مطحونه + حبه سوده ( حبه البركه ) + رشاد مطحون او حب مو مشكله + عنزروت مطحون
وصبي عليها زيت زيتون وعفسيها وخلطيها مع بعض
صراحه طعمها حلوووووو والله
واكليها طووول مدة الدوره كل ما يعتي اكليها

3- ابتعدي عن البارد والحوامض والرقي

4- يبيلج حلبه وماش ورشاد وطبخيهم بأكلج او حطي حلبه ورشاد مطحونين بأكلج إذا من الإيدام

5- شربي الصبح حليب بزنجبيل ترى روعه شويه عليه
لانه يطلع الهوا الي بالجسم

6- الوصفه هذي حلوه للتضيق
عسل طبيعي + قشر الرمان مطحون ومجفف
خلطيهم واكلي قفشه الصبح وعصر وبليل

7- إذا زوجج مو عندج تبخري بليل بقشر بصل ترى روعه يطلع هوا الرحم

8-اخر يوم من الدوره وقبل ما تنامين حطي تحأميل السودا تلقينها بالصيدليه لون الكرتونه وردي وايد حلوه تسحب الماي الي بالرحم والبلاوي الي ما نزلت
هذا كله شي عن الخوى
وان شاء الله كفيت ووفيت
وناطره منكم الدعوه الحلوه