|
|
شلونكم خواتي .. عساكم بخير ؟!
والله حدي متضايقة من هالسالفة ,, ومادري شسوي ؟!
بنات آنا إن شاء الله عرسي شهر 9 ..
وأملجت الأسبوع اللي طاف .. وبلشت أجهز هاليومين ..
آنا قاعدة ببيت أهل زوجي .. بس البيت فاضي .. بس ريلي وأمه ..
وآنا ستايلي كلش مو دراعات
كل لبسي قصير وجينزات ..
الكل قالي ما يسير عروسة تلبس جذي
قلت أوكي ؟
رحت فصلت لي 5 دراعات الشانيل
و3 طوال
بس
طبعا هذول إذا بنزل حق خالتي
وشريت لي بدلة رااقية لونها أوف وايد نظام نفنوف طويل
ألحين شسوي ؟؟
شنو أشتري الباجي ؟
مو قادرة أتقبل فكرة بدلات اللي نظام دراعة
أصلاً ما حب
حتى شريت لي نفنوفين قصار وااااايد راااقين وتنورة قصيرة وقميص جم طويل
وشريت لي بنطلون هاي ويست مع القميص المكشكش
وااااي ذرابة صج
عادي ألبسهم يوم أروح حق العزايم ولا لا ؟
وعادي ألبسهم يوم يتيمعون خواته أول الأيام ؟؟ ولا لا ؟؟
زين لو سوّوا إستقبال شنو ألبس بالضبط ؟؟
أختي اللي تزوّجت قبلي فـ بيت أبروحها فـ مو محتارة كلش باللبس
شرايكم خواتي ؟؟
ومشكورين وما قصرتوا مقدما .gif "Eh S(7)")
وانا ساكنه عند حموله وماردني شي جهزت جذي وجذي بس كثر من الدراريع
موفقه
اذا سوو استقبال البسي دراعه كشخه او نفنوف مو حلوه تلبسين قصير
والعروس تلبس كله دراريع كشخه ونفانيف بعدين لاحقه عالقصير والبناطيل
وانتى شوفى اللى يريحج
أنــاا نفسج مآحب آلطويل ,,
آلقصيــر أذرب بس هم آلطوييل أنااقه ورزه 
,,
إنتي لآتجبريين نفسج علئئ نمط معيــن ,,
عآدي أخذي قصيــر حتئ لوو جهآزج كله يرووح علئ آلبدل آلقصيــره بس أخذي شي يستآهل مثلآ يكوون فيهــآ شغل شي يدل إنج عرووسه لووول
يعني تكوون بدله إستقبــآل صح ,,
شووفي آلمشــآغل عندهم بدل حلووه ,,
بخصووص سؤآلج عن الهآي ويست طبعآ لآ تلبسينه أول الأيــآم بالعزآيم ,,
رآح يصيير شكلج عآدي مثل أي وحده موجووده (( مرآهقه )) ,,
خليهم حق بعديــن بعد شهر مثلآ ,,
ودآم إنتي وريلج وأمه بآلبيت وبس لآتحكرين نفسج بالدرآريع عآدي لبسي نفآنييف وآللي بخآطرج ,,
وموووفقه يآعرووسه ,,
لا تجبرين نفسج على شيء انتي مو حابته
اصلاً راح تحسين انج متقيدة ولا عارفة شتسوين بالحركة
لبسي كل إلي خاطرج فيه بس أكيد بتغيرين الاستايل
حلو الجينز وحلو الكوارتر والكت والحفر والتيشيرت
بس مو بكل وقت عرفتي
وإذا حابة راسليني على الخاص آنة بييب ملابس من برة
بما اني على سفر ووايد ينفعون لج حبوبة
ويصلحون للبيت وذربين وممكن تلبسينهم وإنتي مرتاحة
وكنوع من التغيير
أي شيء من اعيوني وراسليني على الخاص
أدز لج كل التفاصيل
موفقة ان شاء الله لا ترتبكين
ايام وتعدي
مادري شكووو يعني لازم المتزوجه تلبس دراعه شنو هالعرف الي ماشين عليه ..
كل وحده لها الستايل تبعهاااا تمشي عليه .. لو شنو مالبس دراعه او شي طووووويل
بس اذا انتي تتقبلين تلبسين خووو لبسي عن الحجي والقيل والقاااال ..
ومبرووووووووك والله يوفقج يااارب ..
انا اشووف انا العرروس لبسها يكون دراريع طوال ومع بدلات رااااااااااقيه
لان راح ييووون لكم حرريم يشووفوونج بعد العرررررررررس
ع قوولتهم يقهوونج يعني عشششان يشووفوونج عددددددددددل
عررررررررفتي شلوون
الله يسسعدج
حلاتج تدشين بشي غريب تحملي كلها كم شهر وبتلاحظين انج تغيريتي حتى شخصيتج بتتغير بعد الزواج وتقولين اشلوون كنت البس هاللبس قبل الزواج
وهذي وجهة نظري ويارب تتقبلينهااا
بس اكيد اذا حسيتي او دريتي انه احد بيي او زوارة او طلعه لا لازم بدلة او تعرفين سوالف القمصان الي بالمشاغل جذي بس اول فترة حق رزة العروس
والله يوفقج يارب
بآخذ بحجيكم .. وبسوّي لي جم بدلة طوال .. وأمري لـ الله 
..
| شلون ساكنه عند زوجج وللحين ماصار عرسج؟ اعذريني بس مافهمت |
لووول
قاعدة ببيت أهل ريلي يعني يوم أتزوج أسكن عندهم … ووووبس ..
تلقييين واجد وخيطي سوالف النفانيف الكشخه بعد
اذا مضايقتج سوالف لبس القصير, بالنسبه لي انا عادي لبسي قصير ^__^ مولازم ستايل كل عروس دراريع
انا بالنسبه لي ما عندي هالسوالف لا دراريع ولا ذهب هههههههه