|
|
…………………………….
السلام عليكم ورحمة الله وبركاته
خواتي بدخل بالموضوع على طووول بقوللكم اللي بقلبي وياريت تردون علي
محتااااجتكم ومحتاجه ردودكم قاعده اكتب وعيوني مو قادره افتحها من البجي ومن قلة النوم .gif "Eh S(2)")
انا كنت مطلقة وتجربتي بالطلاق وايد كانت صعبة وشفت امور الحين طلعت الظاهر مفعولها على نفسيتي
باختصار شفت الخيانة والمرض بطليقي والمحاتاة معاه والسحر وكل شي ممكن تتوقعونه
وغير انا شبه يتيمة ماعندي سند الي من بعد الله بهالدنيا بنيت احلامي مع طليقي وتركني والحمدلله على كل حال
خلاص ماضي وانتهى بالنسبة الي بس مثل ماذكرت أأثاره الحين طلعت فيني ..
الحين انا مخطوبه مالجه على شخص الله عوضني فيه مطلق نفسي وعايش ببلد مو نفسها اللي انا عايشه فيها وزواجنا اذا الله اراد بعد 10 ايام تقريبا … الحين تقولون وين المشكله ؟
المشكله فيني انا خواتي الوسواس موتني قضى علي مااقدر اناااااااااااااام ماقدر صارلي شهر تقريبا كل مايصير الليل واروح انام احط راسي على المخده ويشتغل عندي الارق والضيق والخفقان وحرارة جسمي ترتفع من كثر الارق اللي يصير فيني
افكر بزوجي لا اخسره او لا سمح الله الله يطول بعمره يموت ويتركني ادري الاعمار بيد الله بس ماادري شفيني
هو شغله يبدي الساعه 5 الفجر وبمعمل فيه اجهزه خطره اليوم ابسط شي اخاف ناقصني اتصل فيني قالي واحد بالشغل طاحت عليه المكينه ومات قدامهم لو بيدي اقوله بطللللل من الشغل ماابي شي لو بيدي اقوله غير الشغل بس ماكو خيار ثاني 
لو بيدي اروح اعيش معاه من اليوم ومااخليه يروح مكان
بس انا لان عندي امتحانات ومانقدر نقرب المده اكثر … خواتي كل تفكيري ان اخسره او يصير فيه شي او يتركني
مووووو قادره اتخيل بيوم اعيش بدوووونة مو قادره ياربي دخيلك لا تفجعني فيه خسرت اللي خسرته بتجربة طلاقي مو قادره اخسر اكثر ياااااااارب ارحمني برحمتك ….
صحتي احس قاعده اخسرها يوم عن يوم صايره مثل المريضه نفسيا اذا ماصرت مريضة نفسيا وياخوفي تستمر حالتي حتى بالزواج والجأ للدكاتره النفسيين والادوية النفسية
لو بيدي اخذ حبوب منومه تنومني مني ليوم الزواج لو بيدي اقوله تعال يمي ولا تخليني تعبانه بكل معنى الكلمة
ماادري شسوي وشلون اساعد نفسي ,, على فكره ترى انا تاركه سماع الاغاني ومتقربة لرب العالمين اسمع سورة البقرة
يوميا ومحافظه على الاذكار ….
الله يخليكم ردوا علي منتظرتكم ولا تبخلون علي بدعواتكم ان الله يحفظه لي من كل شر ويبعد عني هالوسواس
ربى يسخرلج زوجك ويزيد حبج فى قلبه يارب
ويقر عينج ويفرح قلبج ويعوضج كل مافاتج ياررررب
حاولي تستغفرين باليوم 1000 مرة
كثري من الاستغفار
ووكلي امرج لربج حاولي تكثرين من قيام الليل
حاولي تتصدقين قوي قلبج وخلي ايمانج بالله اقوى
ادعيله ان الله يحميه
ترا الدعاء شي كبير
لا تستهينين فيه
وخلي الي كاتبه الله بيصير
واذا جاتج مثل ها الافكار …… العبد بتفكير ورب بتدبيير والي الله كاتبه بيصيير
واذا الله كاتب لج شي بيصيير
محد يعرف يومه
ويمكن علشان تجربتج شوي ماثره عليج
ومافيه زوج يبقي زوجته كذا زوج يحب زوجته قويه تقوم فيه وتفرحه مش تغمه
الله يسر امورج ان شاء الله وتفائلي بزيين الله يهديج
ونفرح فيج وطمنيين عليج
الله يسخركم البعض ..
وبالتوفيق
حبوبه لاتخلين شي يخرب عليج ونااستج
المفروض الحين انتي اتعيشين احلى ايام حياتج و وناستج
شغلي نفسج بتجهيزتج وفكري بايجابيه ..
هذي وساوس الشيطان
ولايحس الريال انج وحده نكديه وحزينه و كله ضايق خلقج خلج متفائله بالمستقبل وعيشي كل لحظه بيومها
والاعمار بيد الله
عسى الله يوفقج ويسخره لج ويعوضج خير يارب
وايران الشقيقه والخليه الي توهم صااادوهااا يالحوثيه الرافضيه..
والبدل العسكريه الكويتيه الي اشكالج هروبها لايران
صج احسه لاعت جبده من كثر ماخايفه عليه انا لو بيدي حتى بنص الليل اتصل فيه
عسى الله لا يوريكم مكروه بازواجكم واهلكم ولا ويوريني مكروة بزوجي ولا باهلي
ويبعد عني هالوسواس يارب
حسبي الله ونعم الوكيل فيها انا ناقصتها
يروح يتسكر موضوعي من وراهااااااااا
بليز بنات لا تردون عليها وتقلبون موضوعي لهوشه ويتسكر
لان صج محتاجه لردودكم ووقفتكم معاي
اقري الرقية الشرعيه كل يوم وقبل لا تنامين ومايصير الا الخير
وكل شي مقدر ولو كل واحد او وحدة فكرت مثلج ما راح تنام لان حتى السيارة خطرة على
زوجها واعيالها و راح اذكر لج قصة عن ام كان ولدها بيسافر وحلمت ليلتها ان الطايرة طاحت بولدها ومات
وحلفت عليه ان ما يسافر ووبعدين حطو بالاخبار ان الطيارة طاحت ففرحت الام ان ولدها ما سافر وراحت تركض
تقعده وتقوله احسن انك ما سافرت لقت ولدها ميت بالفراش
يعني اذا صار المكتوب ما يرده شي
وكل شي مقدر ولو كل واحد او وحدة فكرت مثلج ما راح تنام لان حتى السيارة خطرة على
زوجها واعيالها و راح اذكر لج قصة عن ام كان ولدها بيسافر وحلمت ليلتها ان الطايرة طاحت بولدها ومات
وحلفت عليه ان ما يسافر ووبعدين حطو بالاخبار ان الطيارة طاحت ففرحت الام ان ولدها ما سافر وراحت تركض
تقعده وتقوله احسن انك ما سافرت لقت ولدها ميت بالفراش
يعني اذا صار المكتوب ما يرده شي
تعوذي من ابليس وخلي الوساوس عنك .. حرام تاكلين نفسك بنفسك و ودعيه ربك وربك ان شالله مايخيب رجاك والله يحفظه لك ان شالله ..
