خواااتي الدين نصيحة والكلمة الطيبة صدقة عسى الله يحفظنا من شر الفتن

يا اهل الكويت .. وحدوا صفكم ولاتشمتون الحساد فينا

خلنا نتعظ بغيرنا وما نكون عظة .. وليش ما نكون قدوة

خل يتعلمون منا ويقولون شوفوا " الكويتيين .. شيعة .. وسنة .. بدو .. وحضر ..

شلون على قلب واحد " لا تفتحون باب للفتنة والقيل والقال ..

اللي قعد يصير بالبحرين وتحيزنا لفئة ضد ثانية ممكن تسوي فتنة وتفتح باب

احنا بغنى عنا .. وهذا غلط .. لا تكونون مثل اللي ينفخ بالنار ولا يصب بنزين

والرسول – عليه الصلاة والسلام قال : من كان يؤمن بالله واليوم الآخر فليقل خيرا أو ليصمت "

خل كلمتكم وحدة .. خل ندعيلهم الله يفرج كربتهم ويجمع شملهم اللي قعد يصيرلهم ابتلاء

يا عرب .. يا مسلمين .. قعد نتعايش مع الكفار واللي مالهم ملة ولا دين
وعاجزين نتعايش مع بعض ..؟!!! لييييش …

لا تعطون حاقد او حاسد فرصة يدخل بينا .. كونوا قدوة واتعظوا للمرة الألف من غيركم

خسرنا من قبل ومانبي نخسر بعد .. وين كنا ياعرب يا مسلمين ووين صرنا

تعوذوا من ابليس واللي له حق بياخذه .. ما يضيع حق عند رب العالمين

وخلوا كلمتنا (( شيعة .. سنة .. بدو .. حضر .. كلنا للكويت ))

وعسى الله يحفظنا ..و يرد كيد كل حاقد وحاسد عنا يارب

نبي البرودكستات كلها باب خير ومحبة ..

واللي يوصله برودكاست يفتح باب فتنة يمسحه ولاينشره

"الفتنة نائمة لعن الله من أيقظها"

وبالنسبة لقضية البدون والمظاهرات اللي قعد تصير >> خواتي الدين نصيحة

و الظلم ظلمات يوم القيامة .. لاتشمتون وخاطبوهم بالكلمة الحسنى

ماله داعي الشماتة .. بالنصح واللين عشان نوصلهم انه اللي قعد يسونه غلط

((اخوااانه البدون ))

والله نحس بمعناتكم ومستعدين نوقف معاكم بعد

ونطالب بحقوقكم المعيشية وفي فئة تستحق الجنسية وفي فئة دخيلة

هذا شي ما نختلف عليه

لكن الاسلووب غلط عمر الغاية ما تبرر الوسيلة

المظاهرات هذي راح تنحسب عليكم موو لكم

ولو لها فايدة جان استفادوا اللي قبلنا

للحين مصر والجزائر فوضى وباجي الدول اللي يستر

وهالموضوع بدأ بشرارة ما ندري فيها خير ألحين ولا شر

الخلاصة المظاهرات هاذي ماراح تعود بفايدة غير الشوشرة

والبلبة وطلعتكم بصورة مو حلوة – ومافي شي يتحصل بهالاسلوب

سوو ندوة منظمة قولوا يا اهل الكويت انتصفوا لنا

بينوا معناتكم وايد منا مو فاهمين .. اختلطت المواضيع علينا

منوا لصادق من الجذاب فيكم

الاسلوب الهمجي والعنف ما راح يقدم شي

واللي له حق بياخذه بحول الله

ويا بنات يا كويتيات الكلمة الطيبة صدقة لا تضحكون ولا تنكتون

على حساب مشاعر ناس .. الواحد ينام مظلوم ولا ينام ظالم

كافي ذنوبنا .. خل تهدا النفوس والله المستعاان ..

والله كل كلمة كتبتها من قلبي من خوفي وحبي لكم
" ما نبي فتنة "

والموضوع راجع لك

شنو تبي تشهد عليك ا يدك بالخير أو بالشر يوم القيامة؟

انا معاج100%
ولاتخافين حبيبتي الكويت ع قلب واحد ومافي اي شي يفرقنا الله يحفظها ويحفظ شعبها من كل مكرووه ياارب ياكريم

الله يحفظ ديرتنا ..ويبعد عنا الفتن ..

الله يجزاج الف خير

ماقصرتي

مشكوره يالغلا اللع يحفظ ديرتنااااااااا

الله يحفظ الكويت ياااااااااارب من كل شر

يعطيج العافية على هالموضوع

ويا ريت العضوات يقرونه

بارك الله فيج

يعطيج العافيه حبيبتي وعسى ربي يحفظ ديرتنا من كل مكروه

الله يجزاج خير .. ويهدي الجميع ان شاءالله

ما اقول الا عسى ربي يحفظج على هالكلام الطيب

الفتنة نائمة لعن الله موقضها

لاحول ولا قوة الا بالله

دار ما دارنا فتن وكل يوم تزيد وكلها في بلاد المسلمين الله يحفظها

الله يستر علينا ويحفظنا بحفظة ويديم علينا الامن والامان ويكفينا شر الفتن ما ظهر منها وما بطن

يزاج الله الف خير .. كل حرف كل كلمه قلتيها اتفق فيها معاج .. درر فديتج