خوااااتي المتزوجااات تعالوا شوي:)

السلام عليكم بنااات
ابي رايكم باللي صاير معاي

انا من فتره كشفت عند زوجي جهاز بالسياره والرقم ذهبي..
وصارت سالفه وانقص وجهه واعتذر ولله الحمد ماناقش لأنه عارف انه صج غلط بحقي..
المهم بعد النفسيه والقهر والحره…..و و و و

الحين من بعد السالفه وهو يحاول كثر مايقدر يرضيني ويعوضني عن اللي صار ..بس ..

المشكله:
اني من هالسالفه انعدمت الثقه مع انه فتحلي جهازه ويحاول يكون واضح معاي بس الثقه رااااااحت
واي كلمه او تصرف يشككني وصايره اغاااااار بشكل مو طبيعي.. من كثر التفكير احس مالي خلق نفسي

اتعوذ من ابليس واحاول انسى بس اللي صار هز ثقتي فيه
بلييييز ياخواتي مالي غيركم اقترحوا علي حل!!
ابي ارتااااح من الافكار والشك !

ومشكوووورييين لو عالأقل دعوه بظهر الغيب لأختكم>>اللي هي أنا

عندنا وعندج خير!

الثقه اذا انعدمت مو شي هين وماترجع بسهووله

بس عطيه فرصه وحسسيه انج بلشتي تثقين فيه, بس بينج وبين نفسج خلج حريصه ومفتحه عييينج

والله يهدي سركم

صاجة الدلال انا الحين زوجي مو واثقة فيه كلش
بس اطنش عشان ما اتعب باعصابي لان مليت
من قلب مليت وهذا انا بس اولى سنة زواج الحين
وهذا اول حمل لي عشان اللي بطني بتحمل
واحاول قد ما اقدر استانس واطلع واهو احطه اخر اهتماماتي

مع الايام راح يرجع كل شي مثل قبل وراح تردين تثقين فيه
اللي صاير لج من الصدمه بس

صرااحه صدمه قووويه وعفيه عليج تحملتيها

ياقليبي مو سهل انج تنسين
وبتقعدين تشكين بكل رنة تليفون
ولامسج يوصل
ولا طلعة مو بوقتها
اوتاخير عن الرجعه للبيت
وبتعيشين في دوامه
نصيحه اتجهي للي ماخاب من رجاه
ادعي ربج يهديه ويصلحه ويبعد عنه اصدقاء السو وبنات ابليس ويسخره لج
واسالي رب العالمين انه يمسح على قلبج ويصرف عنج اللي يشغلج عن طاعته
صدقيني اذا اخلصتي الدعاء والنية بترتاحين

الله يعينك افتحي صفحه جديده

حاوولي قد ماتقدرين

آنج تناسيين

الله يهون عليج

حبيبتي صدمتج بالتيلفون اجل ماشفتي مووضع ام كاميرا صدمتها شكبرها

شوي شوي راح ترد الثقه وراح تناسين المووضع

لانج ماتبين تخربين على حياتج

كافي ان الرجال انقص وجه ويحاول يتسامح منج

انتي سامحيه بس خليج شوي ثقيله معاه لمده معينه

خليه يندم اكثر خصوصن اذا انتي مو مقصره معاه

وزاه الشيطان وندم

الله يهديه ويسخره لج يارب

ادري انه انعدمت الثقه بالنسبه لج بس والله نصيحه نيحه قضبي الريال الحين دام اهوه قاعد يشتري رضاج ويحاول يعطيج كل شي بس عشان ما تشكين أدري انج ليلحين ما وثقتي فيه حاولي حتى لو اتمثلين انج واثقه عشان تكسبينه لأنه الريال له حد معين وينفجر يعني لا تشوفينه قاعد يراضيج ويراضيج ويراضيج باجر يزهق ويقول خلاص ما ينفع فيج ويقول المقوله الشهيره الوسواسيه (( اهيه شكاكه سواء خنتها والا صنتها خل اخونها احسن لأنها ما تثق ل شنو اسويلها ))
كسبي وعطي الثقه
نصيحه عن تجربه (( عطيه الثقه )) والله ما يفكر يشوف غيرج وتكبرين ابعينه لأنج نسيتي غلطته سامحتيه ويتحسف قد شعر راسه على حركته معاج وعلى كثر ما اتصيرين زينه معاه على كثر ما تكبرين ابعينه واتنسينه ابو البنات اللي يكلمهم عليج

الله يعينج
ومع الايام راح تنسين بس يبيلج صبر

حاولي تناسين مثل ماقالوولج البنات ..

وغلطة اليوم باجر تمسحها مافي احد معصوم من الخطا …

هذا الي ينبش ورى الريال يمعودة دعي الخلق للخالق

وربي ماراح تحصلين ورى التنبش غير المغثة والكدر

الا اذا هالشي طاح بيدج بالصدفة