خمول بالغده الدرقية

يعطيكم العافية .. شلونكم صبايا ..

انا قبل فتره تزوجت وصرت امتن بشكل مو طبيعي لي الحين 7 شهور متزوجه ومتنانه 20 كيلو ..!

وتعبت من رجيم لرجيم وهم ماكو فايده .. لااخر شي قلت بس للحد هني وخلاص مو قادره اتحمل اكثر …

رحت سويت لي تحاليل هرمونات واللى هي الغدد والصدمه طلع عندي خمول بالغده الدرقية وعلى الاغلب خمول دائم .. على كلام الدكتور ..

وعطاني علاج .. حبه اكلها على معده فاضيه وما اكل بعدها الا بعد مرور ساعه على الاقل ..

قالي ان ما راح تكفي .. وطلب مني اسوي تحليل بعد شهر ونص ..

انا ما احس انها نفعتني . للحين الخمول موجود والحين وزني ما نزل …!!

بغيت اسال منو للى نفس حالتي .
وجم يبي لها الغده على ما اتعدل وترد وضعها الطبيعي ….. لان هم قالي ما راح احمل !!

فابي اتطمن

يعطيكم العافية

up up

ما شاء الله الله يعطييكم الصحه ,, ما في ولا وحده تعرف شي عن الغده ..

هلا حبيبتي
سلامتك ماتشوفين شر يارب
انا مثلك لي شهرين بديت حبوب الغده قبل ماكنت ادري انه عندي خمول
الشهر الاول اخذت جرعة 50
وبعدها بشهر سويت تحليل ومازالت خامله زادني 25
صرت اخذ 75 وباقي اسبوع واراجع الطبيب ويشوف التحليل احتاج زيادة جرعه ولا مناسب 75

يبي لك تتابعين مع الطبيب والتحاليل والله يشفيك يارب ويقر عينك بالولد الصالح

حبيبتي انا من 5 سنين فيني الغدة
اول شي ما كنت احمل بس يمشيلج الحبة و ينتظم عندج الهرمون انشالله تحملين … ويصير كل شي عادي ..
بس مشكلة نزول الوزن وايد صعب …. الحركة والرياضة ممكن تفيدج … او نظام الوجبات من الشركات الي اتييلج لي البيت راح تنزل وزنج انشالله

راح تنتظم الغدة عندج بس الوزن راح يثبت لاينزل ولايصعد

يااا حيااتي .. انتي ..يسلموو على الرد حبيبي انتي .. بس انا ما صاار لي شهرر وهو قايل ما اتوقع راح يكفيج بس راح نبي بسييط .. وبعدين نزيد …!

الله يجزااج خييرر

هلا حيااتي .. يعني انتي الحيين حملتي ؟!

ااناااا سويت رجيم شهرين وما نزلت الا نص كيلوو ووبعدها دريت ان عندي غده .!.

ووصج ضااق خلقي .. اذا ما انزل بسرعه .. لان وزني وصل رقم يخررع وموو حابته .. وزوجي يحب الضعيفه ..

شكلي اذا انتضمت بسوي عمليه ..

شكرا على المرووور ..

ضيقتي خلقي بصراحه انا ماا احب المتن .. وزاايده حييل .. ومتضاايقه من هالسالفه ..

هلا حبيتي لاتشيلين هم ووقولي الحمدلله هذا رحمه من الله ان هذا مرضنا وولنا علاج
من تزوجت ماحملت ووحللت طلع عندي غده اكلت العلاج ووحملت الحمدلله وجبت بنت وولد
ووعقب تركت العلاج انتظمت الغده
ووردت المهم رديت على العلاج والوزن مع الرياضه والرجيم ينزل لا تحاتين اهم شي الاستمرار

حبيبتي انا قبل شهرين تقريبا قالت لي دكتورة بمستشفى الاميري ان معاي خمول بالغدة و لازم اخذ دواء عطتني دواء الغدة 50 و عقب جم يوم رحت حق دكتور خاص و قالي لا تاخذين هالدوة انتي ما تحتاجين هالعلاج و سوالي تحاليل ثانية عشان يشوف شنو سبب الخمول و عقبها يحددلي العلاج لان يمكن يكون في التهاب او شي مخلي الغدة تخمل عندي..
ومن ناحية الوزن انا ليلحين وزني ثابت و واااايد متنانة عن قبل بس انشاءالله اضعف عقب ما يحددلي الدكتور العلاج بعد ما تخلص التحاليل
ما تشوفين شر انشاءالله و اجر وعافية

حبيبتي الله يطمنج ان شااء الله

وااي استاناست من كلاامج .. والحمد الله على كل شي ووعلى ان المرض هذاا له علاج ..

بس يقولوون ان اقل شي للعلااج 6 شهوور وانا ما ادري .. احس ما استانست بعرسي وهرموناتي تخربطت .. ووالغده .. وكل شب تغير بعد الزواج .. ودي ارد نفس اوول

الله يسمع منج واقدر اونس زوجي وخالتي واونس نفسي ياارب

المفرووض ما تسلمين نفسج اي دكتور على كلام امي ان الغده والهرمونات .. خربطتها تجي بسررعه اماا علاجهاا بطيئ جدا .. وبعدين انا رايحه لدكتور عبدالناصر العثمان .. ووخوش دكتور باين عليه
انا للىر حت سويت تحلييل وورحت له وقلت انا عندي مشكله بالغده .. ووعطااني علاج 50 .. ووعطاني موعده بعد شهر ونص وهم بروح له .. هو اصلا جنه بالصباح او الاميري .. رئيس الغدد الصماء .. ووكبيرر مو صغير يعني فاهم

حتى لما عطاني العلاج قالي ادري ان 50 ما راح تكفي بس ما نبلش بالقووي بسررعه حبه حبه على قوولتهم

والوووزن مشكله ماا ادري شلون احلها

روحي لله ثم دكتور الانصاري
الحمدالله لي 3 سنين اراجع عنده واللحين اكل نص حبه مدى الحياه وابشرج الوزن تزحزح بس موواجد بس ارحم من قبل وعادي حملت ماله شغل والحمدالله وحتى بالحمل زادلي الجرعه عشان البيبي مايفقدها وتخمل عنده الغده وعقب الولاده رحت له وضبط لي الجرعه نفس قبل الحمل والحمدالله لاتخافين ولا يقصون عليج ويروعونج الامر بسيط ولا له شغل بالحمل ابد ابد العايله كلهم فيهم وعيالهم للسكه ماشالله

انا امي عسكج..اهيا فيها النشيطه

كانت تعالج عند الانصاري..ونصحها تسوي الاشعاع او شغله جذي..بس امي ما رضت

السلام عليكم.
ألف سلام على الجميع.
لك عندي شيء وطبعا مع الاطباء والعلاج وهي.
الحجامة مهما جدا وتعطي مفعول جيد.
الاعشاب :الغدة الدرقية
العلاج : 1ك عسل و150غرام طلع النخل و50 غرام حبة البركة مطحون و45 غرام غذاء ملكة النحل تعجن جميعا وكل يوم على الريق خذ ملعقة صغيرة – وتسف يوميا ملعقة صغيرة من حبة الرشاد مع الماء أو منقوع البابونج , وهو افضل , ثلاث مرات
( أعشاب المناعة ) نصف ملعقة كركرم وملعقة بركة مع عسل .