|
|
السلام عليكم
شلونكم بنات وشخباركم؟؟؟؟
شرايكم نحط موضوع متخصص بالاسئله عشان اغلب الاسئله تكون متكرره خاصه بخصوص التربيه والعنايه والمسلتزمات
شرايكم نحط اسئلتنا هني عشان يكون هالشي مرجع للبنات وما يتطشرون بباجي القسم يدرورون
وان شاء الله انا بجاوب باللي اقدر عليه من خلال خبرتي وقرايتي هني وهناك وانا متاكده ان باجي البنات ما يقصرون بالاجوبة ان شاء الله
وان شاء الله انا كل ما اقدر بنزل موضوع .. لان عندي وايد وااااااااااايد مواضيع مفيده بهالمجال ومابي منكم الا الدعاء بالرحمه والمغفره حق امي والصحه وطوله العمر حق ابوي واخواني
اي والله نبي هالموضوع انا ابي استفسسر من وين اشتري سوالف القطوه من الى لاني بشتري قطو بس ماعرف من وين اييب سوالفه من سريره وتربته واكله مشطه مقراضه وكل مستلزماته لاني كلش ماعرف واهم شي اي عياده بيطريه اسجله ووين اماكن هالعيادات بليز ساعدونيييييييييييييييييييييييييييييي حبيبتي سهم وردي… شوفي كل المستلزمات اللي تبينها تحصلينها بسيتي سنتر و لولو ماركت وكارفور وتروفاليو ومركز سلطان>>> هذيل تحصلين اماكن الاكل والعاب والذي منه
تحصلين بعد بسوق الحمام
وبيطريه الري عندكم كورنر صغير يبيع هالسوالف
شوفي لا تكودين بالاغراض.. انتي تحتاجين الصحن المقسم للكل و اهم شي ليتر بوكس (( حمام)) و شامبو واكل ولعبه او لعبتين ومشط … الاشياء الثانيه اشتريها اذا احتجتيها… وانا ما انصح انج تقرضين القطو بنفسج اذا ما عندج خبره وديه البيطري احسن
في كان محل اسمه بت هاوس بس سكر وان شاء الله اذا البنات يعرفون وين بيفتح يقولون لنا
والاكل تحصلينه باغلب الجمعيات مع تراب الليتر بوكس
بالنسبه للتسجيل في عيادات وايد في صوب مينا عبدالله ووحده صوب الوفره و2 بالري وحده اسمها الدهماء والثانيه الري قبال سوق الحمام
بالنسبه لي افضل الدهماء… اسعارهم مو غاليه ومستوى البيطريه وايد زين
اهم بيفحصونه وبيطعمونه وبيعطونج كرت
وانا اطلب انهم يحطون لهم الشيب عشان اذا ضاع كرتهم او ضاعو وهالشي انتي حره فيه
واي استفسار بخصوص اي شي انا حاضره 
لو تسمحي لي راح انقل موضوعج ؟؟
Gap^^الكبيرة
على هالموضوع وفعلا وايد نحتاجة وانا اذا اقدر بعد بساعدج لأنه عندي خبرة بتربية القطاوة وتوني امس شارية بعد قطوة يديدة وشريت كل مستلزماتها من محل اسمة ((ايس)) بالري
ناطرين يديدكم
ام مساااااااااعد صح كلامج ايس يهبل اغراضه ما تلقينها بره انا ماخذه منه فراش كيتي وتكرمون حمامها
انا عتويي عمره 3 أشهر و ماني عارفه شوكله !!
اعطيه بسكوت بس ما يحبه و اعطيه المعلبات الصغار اللي لونهم أبيض يمووووت عليهم .. بس ضعيفونو ودي بشي يتفخه !!
و فيه فطريات وديته البيطري قالي يروح وليلحين مسكين ماكو شي صاير في مكان فيه فراغات ماكو شعر !!
توته الحلوة… حبيبتي ايس بالري تلقينه صوب الغانم
وهذي الخريطه
نواره… حبيبتي عطيه الدراي مال الكيتين وتاكدي ان المعلبات مالت الكيتن… وجربي تعطينه روب خالي الدسم مع خبز هذا يمتن القطاوة..وصبري عليه لانه صغير باجر بياكل ويتبب واذا ما فاد وديه البيطري يعطيه فيتامينات تفتح شهيته
بالنسبة للفطريات.. حبيبتي التزمي بالعلاج لانه يطول ساعات حسب حاله القطو… و لا تحاتين بعدين شعره بيطلع وما ببين الفرق
واذا مو عاجبج شكله تقدرين تقصين شعره وتخلينهم كلهم يطولون مع بعض
اهني عرفت ان مخصي و بعته
ولا تخافين ماراح يرش بول .. بس نثيتكم اذا ما كانت امعقمه ممكن اتلاحق قطوكم لأنها ما تدري ان مخصي بس ماراح يصير تزاوج
بنات انا القطو اللي عندي صاير مينوووون !! ما يبي أحد يمسكه ولا أحد يشيله عساني ما اقرب منه الا و يشمخني ولا يعضني !! و صاير يدور ريولنا و يعضها !! شسالفته !! يعني يلعب ولا فيه شي !!
لانهم ابهالعمر شياطييييييين و مايتحكمون اب اظافرهم دايما تكون بره و اسنانهم صغيره و حاده بعد
و اغلب الاوقات لعب و تنقز خصوصا اذا كانوا قطوين خوان مع بعض .. اففففففف يقلبون البيت فوق تحت
بس يونسون ^__^
اذا امجربه من قبل قرظي اظافره حتى لا ياذيكم