خليها بالقلب تجرح ولا تطلع برا وتفضح

اشلووووووونكم بنات

انا حيييييل مصدومه من زوجي

بقولكم القصه توها الحين صايره ومدري شسوي

انا اليوم رحت بيت اهلي الصبح وقعدت عندهم

وزوجي طلع من الدوام الساعه2 وتغدا عند اهلي

المهم زوجي سهران من امس وقالي بروح انام

والساعه 12 بليل قعديني امرج انا عندي سيارتي

قلتله انا ارد قالي لا انا امرج جت الساعه 11

انا نعست دقيت عليه مايرد قلت لاخوي اردني البيت

رديت البيت ودخلت شقتي لقيت زوجي نايم ويمه

اللاب يوب طافي مافي شحن قلت ابحط على الشحن

عشان اذا قعد اكون مشحون وركبت الشحن واشتغل

اللاب توب وياليت مااشتغل

لقيت زوجي شابك بالماسنجر وقاعد اكلم بنت

ومو اي بنت قاعد اقول لها احبج موووووت

ومشغل الكاميرا واقولهل ابقعد اكلمج لين

ما انام عشان اكون نايم بحضنج

وكلام رومانسي

ودري شسوي اهو الحين نايم وشوي يقعد

مدري اواجهه ولا لأ ولا اطوف الموضوع

عادي

شوروا علي

…..لا تعليق …….
و عسى تنحل مشكلتش..

اولا تعوذي من ابليس

ثانيا لا تعتقدين اذا قال حق بنت احبج بالمسنجر يعني يحبها البنت صيده و ريلج يمكن مقزرها عليها

يعني لا تعطينها اكبر من حجمها وانا لو بمكانج اسوي التالي

اولا ما اكلم اهلي و اهله بالموضوع

ثانيا لا تخلينه و تروحين بيت اهلج

ثالثا صرخي و عصبي و طلعي حرتج بس لا تخوريهها وايد يعني خرعيه حسسيه انه مسوي شي حيل كبير لا يغفر عشان لا يفكر يعيدها

رابعا بعد ما تخرعينه و تصرخين و تبينين له انج منصدمه حيل كلميه بالدين قوليله ما تخاف من ربك هذي بنت ناس عندها اهل (بيني و بينج

اهلها ما ربيوها و احنا عارفين هالشي) بس لا تقوليله جذي حسسيه بالذنب قوليله هالبنت عندها ابو و باجر انت يمكن تصير ابو ترضا لو احد

يسوي جذي ببنتك ؟ خليه يخاف مو بس منج من الله و قوليله انا مو متاكده اذا اقدر اكمل معاك ولا لا مو متخيله زوجي عاصي لربه وبكون ابو لعيالي قوليله جذي حسسيه بالذنب خليه يكره الساعه الي كلم فيها

لاتحرين نفسج وايد ادري شي يبط الجبد بس لاااااااااااااااااااا تهدينه و تطلعين عن الشقه كلش كلش كلش اوكي كوني صبوره وقوي قلبج و استخدمي دهائج عشان تحافظين على بيتج والله يوفقج مع زوجج و يبعد عنكم الحثاله يا رب

لا تواجهينه اخذي ايميل البنت وانتي ضيفيها بايميلج وكلميها وسحبي منها حجي كلش كلش اذا ما فادتج اكيد بتقوله وبحس على دمه وانتي سوي روحج ماتدرين شسالفه

الله يهديييه ……….

الله يعينج والله الرياييل يخرعون هذي الايام

بصراااحه ماقمت انصدم من اي ريال والله والله والله يمكن 90% من ريايلنا عندهم خرابيط ..

وشي يحر ياقلبي حاسه باحساسج وجربته والله يعينج بس تعوذي من الشيطان وسوي اللي تشوووفينه ينااااسبج البنات مراح يفيدووونج ..

بس نصيحه لا تروحين عند اهلج وتزعلين لانه ماراح ينفع راح تخلين له البيت فااااضي واعتقد انج فاهمتني ..

الله يهون عليج ويفرجلج ..

والله مادري شقولج ..الله يعينج ..المواجهه صعبه

انا مادري شقوولج!
هدي اعصااابج الحين و تعوذي من ابلييس
و بااجر قولي له اللي صاار و واجهيه بهدوء و شوفي ردة فعله

ادري انا ما راح ادَعي اني حاسه فيج لاني ما مريت بالي مريتي فيه بس ما اقوول الا الله يصبر قلبج و يهديه ان شاء الله و يسخره لج

ياربي ليش مالهم امان . .

قلبي معاج ..

شنو تتوقعين اذا واجهتيه بيتاسف ويتو ب والا اذا زعلتى بيهتم اذا الشيطان براسه
حبيبتى خلج حكيمه وقولي له السالفه علي انها سالفة رفيجتج و سفلي فيه عدل طبعا انتى سبي ريل رفيجتج وقولي له كل اللي بخاطرج بس على انه ريل رفيجتج
لعبي باعصابه خليه اهو يشك بحاله اذا اهو عنه او عن ريل رفيجتج ولاتطينه مجال للتبرير
الله يهديه

الله يهديه

اسال الله العظيم رب العرش العظيم يهدى جميع الازواج

حبيبتي آلله يهديه ويصلح بينكم

شفيهم بعض الريايييل استخفوا واقعدوا المنتدى متروس علاقات من خلال النت , حبيتبى اذا هذى اول مرة , نصيحه لاتكلمينه بس راقبيه
وايميل البنت خشيه لوقت الحاجه , بس ابدا لاتظهرين نفسج ولا تخلينه يحس انج عرفتى , عشان اتشوفين اخرتها لان ترى خرابيط النت كلها نزوات موووووجادة بس الواحد يتحرص انها ماتوصل جسديه حق الامراض والبلاوى
وان شاء الله مافى الا العافيه