|
|
أثناء تصفحي لاحدى المنتديات الكويتية الشهيرة …. ساءني ماقرأته من ردود تهاجم وبشدة الزوجة الكويتية بل وتعدى التهجم على الزوجة الكويتية إلى التحريض عليها يعني أشكرة في ناس كانت ردودهم خلو الكويتية تعنس !! هذا فيه ظلم لكثير من البنات القنوعات والراغبات بالستر خربوا عليهم المتزوجات !!اعرف شكثر بنات على مستوى عال من الجمال والأخلاق كل طلباتهم بس الستر والزواج ! هذول راحو بجريرة "النسرة الكويتية" !
الردود كانت ردا على موضوع دراسة الحكومة الكويتية لمنع زواج الكويتيين من الخارج ….. وأنا بصراحة مالومهم ولكن ….. وحطوا تحت ولكن مليون خط ! ….. ولكن هل تختلف الزوجة الكويتية عن بنات جيلها من الجنسيات الأخرى ؟ وهل من يهرب من الزوجة الكويتية يعتقد بانه بيلقى النعيم عند الأجنبية ؟!
أنا أدش مدونة مصرية وسعودية ولبنانية وغيرها ….. أحيانا لما أشوف "عوابتهم" ونوعية مشاكلهم أتحسر على الكويتية الي مو عاجبتنا ….. هل يعتقد من يشجع على الزواج من خارج الكويت . هل يعتقد أن الزوجة الخليجية أو العربية أو حتى الأجنبية تختلف عن الزوجة الكويتية ؟! وان رجالهم عايشين عيشة الهنا ؟! لو رجعنا لاحصائيات هذه الدول جان لقيناها جميعها تعاني من تزايد معدلات الطلاق والعنوسة !!!والعنوسة قاعدة تتزايد في جميع الدول العربية يعني ما حدا أحسن من حدا !
لما نشوف الزوجة الأجنبية كثقافة مجتمع … خلونا نشوف مثلا :
في مصر … والمصرية معروفة بقوة الشخصية وسلاطة اللسان … في مصر هناك رابطة للأزواج الذين تعرضوا للضرب من قبل نسائهم … عندنا بالكويت ماعمرنا سمعنا بزوجة تضرب زوجها أو تقطعه وتوزع لحمه بأكياس ؟! ويقولون حريمنا قشران ونسرات؟!
– الزوجة الأمريكية والأوربية صاحبات أعلى احصائية في ضرب الأزواج وذوات الشخصية القوية والمستقلة والمتعودات منذ صغرهن على الاستقلالية والتمرد وضرب الأعراف عرض الحائط والتمرد على المجتمع الذكوري حتى أنها أصبحت في مجتمعاتها الند للرجل وأتحدى تلقى أوروبية أو أمريكية تخضع لرجل هي متعودة منذ صغرها وعلى أيدي رجال بيتها على الاستقلالية عن الرجل … بالله كيف تكون من تربت على هذه القيم وفي هكذا مجتمعات كيف تكون هذه النوعية من النساء نعيم الهاربين من "عوابة" الكويتية !
حسب الاحصائيات العالمية :
1- الأمريكية تحتل المرتبة الأولى في ضرب الأزواج
2- تليها المصرية
3- ثم البريطانية
4- ثم الهندية
في العراق .. نعرف جيدا قوة شخصية العراقية القوية والجبارة وسلاطة لسانها وهو مافرضته عليها بيئتها القاسية وثقافة مجتمعها .. وأعتقد الأقرب لشخصية العراقية هي المرأة المصرية " هصوّت والم عليك الحارة " !! ولا عجب أن أكثر من يطلق عليه صفة " سكانه مرته" يكون في الغالب لزوج العراقية !
في دول المغرب وفي المغرب تحديدا والي حازت مركزا متقدما في الدعارة على مستوى العالم حسب احصائيات عالمية ! هناك العنوسة مرتفعة عندهم وشبابهم عازفون عن الزواج بهم وأكثر شبابهم يتزوجون من الفرنسيات والأوروبيات ! وفي المغرب تتعدى نسبة الطلاق الخلعي " المرأة تخلع زوجها وتطلقه " .. تعدت نسبة الطلاق الخلعي نسبة الطلاق الرجعي ! ويقولون حريمنا عوب ؟!
تبقى المنافسة الحقيقة كزوجات بين الشامية والخليجية … وأرى الزوجة الشامية "كثقافة مجتمع" هي الأقرب لشخصية الخليجية العايشة تحت جناج الزوج والي تقدس الزوج والزواج والانكسار أمام الزوج ووجوب الخضوع له وطاعته وإدارة المنزل والتفنن في الطبخ والترتيب والتنظيف محاولة لإرضاء الزوج ..لكن كحالنا تماما يتحسر الشوام على المرأة الشامية القديمة قبل الحداثة والتطور وخروجها للعمل ومطالباتها المستمرة للمزيد من الحقوق! كما نتحسر نحن مثلهم على جيل أمهاتنا اللاتي يقدسن الزوج والزواج والحياة الزوجية … و ما إشادة الكثير من الشوام بباب الحارة والصورة التي قدمتها للمرأة الشامية القديمة المطيعة لزوجها والحافظة لبيتها ماهو هو في الواقع الا تحسر على التحول في شخصية الزوجة والتحسر على الزوجة الشامية القديمة !! فهل تختلف الزوجة الشامية عن الكويتية والخليجية كثقافة مجتمع ؟؟! لا أتحدث عن الجمال وانما كشخصية زوجة وثقافة مجتمع … هل تختلف الزوجة الشامية في العصر الحالي عن الزوجة الكويتية في نوعية علاقتها بزوجها وأبنائها وأنواع المشاكل التي تواجه زواجهم ؟!
للأسف أكثر من 99% من الردود كانت ضد الزوجة الكويتية !! هذا مؤشر خطير وليت الزوجات العزيزات وربات البيوت الجميلات ينتبهون للصورة السيئة الي قاعدين عطونها عن بنات بلدهم … شنو الي عطاهم هلنظرة السلبية عن البنت الكويتية ؟!
انتقدنا كثيرا الزوجة الكويتية ….. لكن تبقى بنت بلدي أفضل من غيرها مليون مرة ! ومالك الا خشمك ولو كان عوج ! وأضعف الإيمان أن زواجك ببنت بلدك لايقوم على المصلحة ! … يتركون بناتنا وخواتنا يعنسون ويتجهون للمغرب أو لبنان للمساهمة في حل تزايد عنوسة بناتها .. يتزوج من المغربية أو اللبنانية هاربا من جحيم الكويتية ليقع في جحيم أخرى ! ياعزيزي الحريم كلها مثل بعضها ! والعقلية هني هي نفسها هناك كلهم حريم ! اذا كانت شخصيتك ضعيفة لاتعتقد أن العربية أو الأجنبية بتفرق عن الكويتية !
انا أدش مدونة سعودية ومصرية ولبنانية وكويتية….. وعلى يقين 100% أن المرأة الكويتية لاتختلف عن بنات جيلها من الجنسيات المختلفة الأخرى من نوعية المشاكل الي أقراها في المنتديات المختلفة … عقلية المرأة هنا هي نفسها عقلية المراة في السعودية وفي لبنان وفي المغرب …(( الغيرة ،الشك، الطلبات المتزايدة ، تأثير الخروج للعمل على واجبات الزوجة المنزلية ، مشاكل اهل الزوج ، المادة الخ من مشاكل الحريم)) …. أحيانا لما تقرأ لشكوى زوج مصري في احد المنتديات تتساءل مو كأني سمعت هلشكوى نفسها من احد اقاربي الكويتيين ؟! ولو يقراها سعودي تروالي بيتذكر مشكلة أحد أقربائه السعوديين ! وكذا الحال للشامي ! … الواقع ان المشاكل الي هني هي نفسها في السعودية ومصر والشام ! عقلية المرأة هي هي والمشاكل هي هي ! والي يحدد نوع الحياة في الغالب هو الزوج !
راح أرجعلهكم بعينات من ردود الأزواج الكويتيين من نفس المنتدى ومن مدونة مختلفة لكن بعد ما ارد الدوام !لعل وعسى كل مقصرة وكل من ساهمت بتشويه صورة الزوجة الكويتية تنتبه لتقصيرها وتراجع نفسها لأنه بالنهاية الي تسويه ضررها مو عليها بروحها على بنات مجمتعها وعلى خواتها وبناتها مستقبلا ! خلص دوامي ياحلوين .. أشوفكم بعدين !
ماكو على الكويتيه سنع واصل وفصل وتحافظ على بيتها وتربي العيال وتهتم بريلها وغير هذا جمال وسنع وذوق وترتيب وكشخه
وكل بنات الخليج يتمنون يجهزون ولا يلبسون من الكويت ولا حتى يشوفونها
واللي يتزوج من بره يدور الرخص مع احترامي للمصريات الي يتزوج منهم يدور الرخص ولاتقولولي مرتاح بحياته .. طل
ولا الي متزوج امريكيه ولا اسيويه ولا هنديه مرتاح .. خير انشاءلله
الي ماخذ اسيويه الله يخلي السحور اللهم ياكافي
أغلب الرياييل الكويتين قاموا ياخذون من بره
وشنوووو السبب!!! مادري هل تقليد اعمي أو تغييير أو شنو بالضبط مادري!!
صج هالشي مو حرام ولا الأصل والفصل مهم ابموضوع الزواج .. اهم شي الدين والخلق
بس اللي اشوووفة ان الرياييل يبون ملكات جمال وشقر وفوووق هذا طرمات بس يبونهم للخدمة والانصياع للأوامر فقط !
هذا لللي اشوفه.. والله بنات الكويت اشزينهم اشحلاتهم .. والوحدة اذا اتقيدت بالدين وعرفت ربها خلاص ماتخاف العنوووسة 
وانا اشوف صج حلات الثوب رقعته منه وفيه
و
|
المشاركة الأصلية كتبت بواسطة ام طلال
 حبيبتي الكويتيه مافيه مثلها سواء بالنظافه ولا السنع ولو يلف العالم كله مايحصل نفسها وانا ملاحظه ان الكويتي لي خذا الكويتيه يصير فرعون ومايعجبه العجب طبعا الا من رحم ربي ولي خذا الاجنبيه يصير خروووف وفي امه خير ينتقد ولايعلق موناقص الا يقول امباع .
|
100% ليش مادري
عشان جذي ياخذله وحده اجنبيه تتحمل بلاويه
|
المشاركة الأصلية كتبت بواسطة ام طلال
حبيبتي الكويتيه مافيه مثلها سواء بالنظافه ولا السنع ولو يلف العالم كله مايحصل نفسها وانا ملاحظه ان الكويتي لي خذا الكويتيه يصير فرعون ومايعجبه العجب طبعا الا من رحم ربي ولي خذا الاجنبيه يصير خروووف وفي امه خير ينتقد ولايعلق موناقص الا يقول امباع .
|
بالعون صدقتي
وتعالي شوفي حمى اختي ماخذ فلبينيه ويابت بنيه عشتوا حظرتها ماتعرف تغسلها وتلبسها وتسبحها اهو الي يسوي كل شي ولا تبي تتعلم ويوم راحت اختي وزوجها وعيالهم يباركون لها بشقتها عشان البيبي راحوا لهم الاخت نايمه ما نزلت الاعقب ساعه وحمى اختي اهو الي قعد معاهم وضيفهم على قوله اختي تقول نقعتنا احنا قلنا بتنزل عروس مكياج ولبس كشخه مردها عبايه وشيله والويه اصفر
اي صاجين البنات
وعليه عالكويتية مسكينه ماكو حظ
الله كريم
| قانون فاشل وانا اقول لكل كويتى والله بنات ديرتنا مايعجبهم العجب ولاصيام برجب الا مارحم ربى وانا متزوج وعندى اولاد من كويتيه والله وبالله الكريم لو ماعندى اولاد منها لاحذفها بالشارع فناقر بعد كل ماقالو حلات الثوب رقعته من وفيه خل اول شى يرقعون انفسهم ولا فوق هذا اذا تبى تتزوج عليها قالت طلقنى حتى الشرع ماترضى فيه مالت على بنات هالوقت من زينهم كشخه بره البيت عند الدوام ورفيجاتها وداخل البيت معفنه قوطى معفوس ولا لو تشوف الكرش بعد الولاده تلوع جبدك تقول قرطاس معفوس وقاطينيه بالزباله خلو الكويتى يتزوج على راحته واهو حر بزواجه ان شاءالله يتزوج سيلانيه اهم شى يكون مرتاح مو كويتيه تنكد عليه حياته بالطلبات اللى ماتخلص واخر شى تلقى الزوج مديون من كثر القروض عشان يراضيها وماكو فايده ويدخل السجن واهى مستانسه تاخذ حريتها وتطلب الطلاق لما يدخل السجن بسبها عينها ماتنترس لا بارك الله فيهم وانا والله ناوى اتزوج غير كويتيه وعندها خبر انى بتزوج عليها ومو عاجبها غصبن على ابوها اللى جابها راح اتزوج عليها بيتها عندها شتبى بعد تبينى مااستانس بحياتى مو بكيفها وان شاء الله زواجى الثانى قريب من غير كويتيه طبعا ولا خليجيه وراح اعزمكم على حفله صغيره لكم بمناسبه الزواج الثانى ابى الحين تنطق اى كويتيه بالمنتدى وتقول حرام عشان اعرف شلون ارد عليها يحق لى اتزوج اربع حريم مالت عليكم بس تحبون المظاهر وتنسون انفسكم |
| (بسم الله الرحمن الرحيم)
السلام على سيدنا محمد(ص) وعلى آله وصحبه أجمعين: امابعد: اقسم بالله لما قريت الخبر جاني مقص وصداع وقشعريره وقلت لآلآلآلآلآلآلآلآلآلآلآلآلآلآلآلآلآلآلآلآلآلآلآلا مستحيييييييييييييييييييييييييييييييييييييييييييييي يييييييييييييييييييييييييييييييييييييييييييل هالخبر صح واذا صح الخبر راح اروح حق منظمة هيومن رايتس وأرفع دعوى بمحكمة العدل الدوليه وراح انظم مظاهرات تطالب بطلان هذا القرار الدكتاتوري الي يحرم الشاب الكويتي من ابسط حقوقه وهي البعد عن (النار) الا وهي الزواج من الكويتيه السيئة الذكر والسيئة المعشر واثناء قرائتي للخبر تخيلت اني متزوج من فتاة كويتيه وطرى على بالي المحاكم والبهدله والنفقه والتعويض والجكر والدفاشه والخساسه الي تمتاز فيها الكويتيه وقانون الاحوال الشخصيه وطول لسان الكويتيات وقذارتهم وانا عن نفسي لو امنعو عني الهوى ولو قطعوني ولوعذبوني ماراح اتزوج اسفل بنات الكره الارضيه البعد عنهم غنيمه وراحت بال واستقرار والقرب منهم جهنم وزارة العدل اكدت كلامي الي يحتجون عليه البنات دايماً فعلاً الكويتين بكثره قامو يتوزجون بره الكويت واسقروا وتهنو اما الي متزوجين من كويتيات الي مطلق وراتبه مقصوص ولي صابر صبر ايوب وبالنسبه للقرار قريب انشالله يلغونه وراح ابشركم…. وبالنسبه (للشواذي) اقول لاتفرحون … |
| والله ماحطو هالقوانون الا محد يبيهم وطاحين بجبود اهلم من تشرطهم وفلفسفتهم الزايده والطلبات اللى ماتنتهى الله والناس تعبت وعانت من المحلى تبى المستورد اجود واحلى من المحلى ههههههههههههههههه الله لا يبلانا حتى الشرع معاجبهم |
| بنات الكويت ….هذيلا تسميهم نساأ ……إناث…….الوحده ما همها إلى المولات ويل حفلة….ويل قهاوي ….سينمات …..الخ…الخ….
خال يشوفون الغربية…ويل شرقية…….من أمريكا لي آسيا …..شلون يهتمون في بيوتهم ……مو ليكوايتيات …..ما يبون: يهتمون في تربية الأطفال ….ولا العناية بال منزل …ولا غسيل ملابس ولا كوي…لا طبخ ….لا تنظيف……. الشرهه مو عليهم لكن على رجال مثل السعدون و غيره إلي ركن لل ظغط و وافقو على الحقوق السياسية لهم ……. النساء في دول العالم…….استاهل حقوق لكن مو بنات و نساء الكويت الحاليين …….ذيلا كفو خايازريين ….مو حقوق سياسية ……قال سياسية قال ……..تاخسوون ……أقول ….. |
| لو هو زين .. ما عافه الطير … انا تزوجت مرتين كويتيات .. والله العظيم .. اني هلكت وتعبت منهم ..
فعلا ما ينفعون للأسف .. طبعا يكثر الطلاق … وتكثر العوانس … والله لو يحطون 1000 قرار … هم بعد نتزوج من بره … وانا الحمدالله متزوج من الخارج ولله الحمد .. ووايد مرتاااااح ومستانس … الله يخليها لي … وانا انصح الشباب .. الزواج من الخارج وايد اريح لكم .. وراح تدعولي .. جمال ودلال وفكر ومنطق .. |
| وقف زواج الكويتيين ليش شنو مسوين الكويتيين حتى يطبق عليهم اغرب القوانين و اعجبها حتى بالزواج يبون يتحكمون في الناس واحد حر يبي يتزوج لبنانيه لانه ما فيه كويتيه حلوه تقبل فيه يبي يتمتع بالحلال يمنعونه شهالديره الغريبه مو كافي الكويتيه مغروره و شروطها تهد الحيل نروح لبنان او مصر او سوريا بناتهم حلوين و بسيطين و مسلمين و متواضعين يقبلون في واحد بنات ديرته ما يبونه شنو المشكله بدال مشكلة العنوسه رايح يصير مشكلة عزاب و تشوفون |
| الظاهر بيوقفون تحسين النسل انا اعرف واحد وجهه "ركبه" وأخوه من ام عراقيه "اجمل منه ومني بست ميتة الف مره" استقدنا من السبعينات من التجربه الدانماركيه اقصد "العراقيه والمصريه " وتغيير نسل عائلة صاحبنا الركبه ليش توقف الحكومه تحسين النسل على حساب التنميه ..؟؟ هذا من ناحية النسل .. امانه في احسن من اليابانيه والسوريه باحترام الزوج شوفوا المحاكم…. عاشت التنميه بفحص النسل .. اقصد التربه ب 300 مليون دينار ..عوافي يالخرافي |
| الكويتيه غرامها النكد ، وتحب ضيقة الخلق ،، وكل يوم نجره وحنه
هالقانون هذا ظالم ميه بالميه ،، لان الكويتي حر ،، يتزوج اللي يبي مافي احد يفرض عليه شي ويستاهلون انشالله الكويتيات باجر مايلاقون اللي ياخذهم عشان يحسون بقيمة الكويتي اذا تزوجته |
| انا اقول ياريت الحكومة تلطف على الرياجيل وتسوي دعاية للكويتية ..تزوج كويتية واحصل على كويتية اخرى مجانا وعرض وقت الصيف فقط
هذه القرارات الطيبة مو خنق 4 الاف ماياخذها الكويتي اللي يتزوج من برى وفوق هذا عنوسه …مابقى الا تقولون مالك بيت بعد ؟؟؟؟؟ وتطرد من الوظيفه وتحرم من المميزات اللي يكفلها لك الدستور ..عشان منووو عشان كويتية شكاية في المحاكم عشان كويتية تطارد ورى الخلاجين عشان كويتية ماتعرف الا مطاعم عشان كويتية ماتعرف الا فلانه راحت وفلانه سوت وبسوي مثلهم ؟؟؟ عشان كويتية ابي اسوق وابي وظيفه وابي خدامه قبل الدخله ؟؟؟ عشان كويتية غرفة نومها كلها خياش مساحيق وكريمات تبيض الاكواع والركب ؟؟ الحمدالله انا لحقنا وتزوجنا قبل القرار |
| أنا من وجهة نظري ضد هذا القانون .. يعني مو كافيهم المحاكم والقضايا اللي فيها .. الزواج من الكويتيه يعني الذهاب الى المحكمة .. قانون الأحوال الشخصية في الكويت يقف مع المرأة حتى أصبحن بعض البنات في الكويت يفكرن بالطلاق قبل الزواج … لماذا لأن هناك قوانين شخصية في الكويت تجعل الكويتي يراجع الطب النفسي بعد الطلاق وأنا أقول هذا الكلام ليس من باب الدعابه بالعكس أرجو من الجميع البحث عن ذلك في الطب النفسي ستجد ما ذكرت وربما أكثر… والمصيبه أنك في الكويت لا تتزوج البنت فقط بل تتزوج البنت والأم في وقت واحد (إلا من رحم ربي)… فتجد من يقوم بحشد المشاكل هي الأم ولسان حالها يقول الله يخلي قانون الأحوال الشخصية بالكويت وتوصي بنتها بس يوصل ولي العهد ببداية الهجوم وترويض الرجل … ولا ننسى بأن نسبة مكاتب المحامين في الكويت فوق 70 ٪ قائمه على قضايا الطلاق وهم من يشعلون الفتيل في الحطب… كلمة أخيرة أنا لست من مؤيدي هذا القرار وأنصح كل من يتزوج غير كويتيه بأن يكتب عقد الزواج حسب الدولة اللتي يريد الزواج منها (وهنا تكمن الحياة السعيدة)… أي لا يتبع القانون الكويتي … |
| شسالفة التعليم العالي موقف الجامعات اللي بره والعدل موقف الزواج من بره يعني يا ناس درسو تزوجو من الداخل عشان تفيدون البلد وتدفعون اللي جدامكم ووراكم واذا تزوجت الكويتية اليوم تصير مثل الغزال الشارد وباجر تصير متينة مثل البقرة وعقبه تصير نسره وتجرجرك بالمحاكم واخرتها تتحسف عالزواج اذا جذي انا بقعد عزوبي وخلي الكويتية تبور في بيت اهلها دام الدلع الزايد ينفعها وتتزوج اجنبي وتبجي على طمام المرحوم |
| هالقرار ما راح يغير شي من الواقع الكويتيه جربناها الاغلي اقول الاغلب دلع ماصخ وطلبات تعجيزيه ومهور عاليه وياليتها تطبخ وتنفخ كله علي الخادمه ما عندها من المهن الا الصراخ وكشتها الي ما تعرف تمشطها الا عند الكوافير وفن رفع الضغط والسكري وفوق هذا ما يعجبها العجب ولا الصيام في رجب وعلي اقل كلمه الطيبه منهم الي تقولك ودني بيت هلي والثانيه رايحه بدون علمك والكويتيه حرمه بثوب رجال تبي السيطره والقرار لها وكلمتها هي الي تمشي واذا بغي الزوج اموره اللجوستيه تحجج لك بمية عله مره مريضه ومره تعبانه ومره مالي خلق الخ الخ وان تكرمت جاتك من غير نفس و كانك تغسل بطانيه بسطل من الجسم الرشيق الي كله شحوم ولحوم مهدرجه من الطلبات الجاهزه فراره الاسواق وقهاوي العصر حدث ولا حراج ويا ويلك ان ناقشتها تسمع كلام قاسي وتشوف لسان حاد حرمه ناعمه لما يسمعها الغريب يقول يا سلام شنو هالادب شنو هالنعومه شنو هالذرابه بس بالبيت ثور اسباني غاضب لاعلي درجاته شوفوا نسبة الطلاق واسئلوا قضاة الاحوال الشخصيه ومن المتسبب هذي هو اغلب الكويتيات |
| للعلم القرار مطبق بالسعودية من زمان ومستثنى منه حالات " المعاق , الشايب " ولازم تصريح وواسطات !!
اما بالنسبة لتطبيقة بالكويت فـ لسببين اولا الكويتية الى توهقو فيها اهلها وقامو الاجانب " مصري, سوري , باكستاني , هندي " ياخذونهم ويصير عله هو وعياله خصوصاً مع بركات معصومة المبارك "زوجها بحريني" والحقوق الجديدة لهم وشلون استذبحت بمجلس الأمة لحد ما اقروها اما السبب الثاني هو الحد من زواج الشباب بالخارج الشباب الحين يقول طز بـ4 الأف دام بصرف فوقها 10 ألاف وبالنهاية تطلع مو راعية بيت وتبي بيت مثل بيت ابوها والمشكلة بنات هل وقت ماتفرق بين نظام حياتها عند اهلها وعند زوجها " تبي فلوس , تبي اكل مطاعم , تبي سفرات , تبي خدامتين , سيارة , كل 6 شهور تجدد عفش , هدايا وزوارة لفلانه وعلانه , حفل استقبل , مستشفى خاص للولادة , …. ألخ ألخ ألخ والشباب صارو مو بعيد عنهم ما يتحمل المسؤليه بس تقوله طلقني طلقها وما يعرف يتعامل مع البنت ويخضعها شوي شوي |
| انزين واذا كانوا بنات الديره اهما مو مسؤولين عن نفسهم ؟
ومو هامتهم الحياه الزوجيه ؟ تذكر حريم اول شلون ،؟ لو زوجها يسوي فيها شنو ، ماتعلم اهلها ولا تطلب الطلاق منه والحين الطلاق ، صار شي عادي عند بناتنا وللأسف لو مايطلع وياها بالويك اند قالتله طلقني انا اشوف الزوجه الاجنبيه ابرك من الكويتيه بوايد حتى لو كانت ماخذته عشان فلوسه عادي مو مشكله بس اهم شي اهوا لاقي الراحه وياها ،، الراحه اللي مالقاها مع بنت ديرته |
من زين رياجيل هالوقت اكل ومرعي وقلة صنعه
معتمدين اعتماد كلي علي حريمهم مالت عليهم وفوق هذا مو عاجبهم
الله يعين الحريم بس عليهم
كل واحد يفكر بروحة وراحته ووناسته..
آخاف بس اهمة اللي شادين الظهر
الحمدالله الله رزقني ابريال عن مليون ريال زين ..
شوفوا هذا اللي متزوج ويتكلم عن مرته طاح حظ مرتك عليك ….
الصراااحة مثل مافي بنات على قولتهم مو زينين في مثلهم ضعفهم رياييل مو زينين مايعرفون الحلال من الحرام.. ولا بس بتعدد الزوجات فالحين يتكلمون بالحلال
كاهم شكثرهم البنات اللي زينين وقاعدين في بيوتهم..وكل مكان في الزين والشين واذا انت ريال علم مرتك الصح من الغلط وامسكها اذا فيها شي مو زين … وصدقوني حتى لو الكويتية فيها شي موزين واتموت على ريلها بتسوي الزين قصبن عليها
عدلوا من نفسكم اول بعدين تعالوا تكلموا.. لو الناس تعرف دينها عدل واتحط بحسابها ان فوق في رب العالمين يشوفهم جان كل المتزوجين واللي يبون يتزوجون ابسلام ..
واذا بيتزوج من برا عليه بالعافيه وكل ساقط وله لاقط لو فيه خير جان اخذ كويتيه بس اكيد طايح حظ مع احترامي للكل ياراعي خرابيط ياراعي شرب ومخدرات يااما انه لف بيوت الكويتيين وطردوه