خلطة الحليب لتسهيل الولاده باذن الله

(بسم الله الرحمن الرحيم)
قصه منقوله من احد المواقع النسائيه الخاصه تكشف عن سر الخلطه في تسهيل الولاده
نقلا عن لسان صاحبة القصه:ـ

ام جمانه (صاحبة القصه)تقول:ـ

اليوم جايبه لكم خلطه رهيبه لتسهيل الولاده باذن الله تعالى
في يوم من الايام كنت رايحه لاحد قريباتي والده
والمعروووووف عنها ان امها دايه معروفه
فقالت لي عن خلطه مفيده حيل وقلت ابجربها ماراح اخسر شي
لاني دايما بولاداتي اتعذب من الطلق والعوار فاول مادشيت التاسع سويت
هالخلطه وشربتها كل اربع ايام ولما قربت ولادتي جاني
عوار خفيف قلت ابروح افحص عند الدكتوره ولما رحت افحصتني
الدكتوره وقالت لي انتي بتولدين بالساعت القريبه بس الغريبه
ان العوار راح بالمره وقلت لها دقايق وارجع
وكان ع اذان المغرب
وصليت
دشت علي الدكتوره معصبه انتي بتولدين وقاعده تصليت؟؟؟؟؟؟؟؟؟
يمكن يصير فيج شي قلت عادي مافيني عوار
قالت رحمج مفتوح 7 سانتي والماي مانبط باخذت ابره وبطت الماي
وماشالله ع طووووووووووول طلع البيبي
قمت ادعي ربي حيل واشكره ع تسهيل ولادتي
والحمدالله ع كل حال

ولكم حبايبي هذي الخلطه
المقادير :ـ
كوب حليب سائل
5 اعواد قرفه كبيره (دارسين)
5 اعواد قرنفل (مسمار)
ملعقتين عسل للتحليه
نصف فنجان شاي زيت سمسم

تخلط المقادير وتغلى عالنار لمدة دقائق وتترك قليلا ثم تشرب دافيه
وادعولي بالذريه الصالحه

من متى المفروض نبتدي فيها واهم شي مالها اضرار
ربي ي رزقك بالذريه الصالحه

مرحباً حبيبتي انتي كنتي مجربه الخلطه وفادت معاج لأني بكريه وخايفه وقاعده احاتي

حبيبتي اول ماتدشين التاسع
تشربين كل اربع ايام

انا بصراحه ابسويها
اختي اشربتها وتقول ماحسيت بشي
وبنت عمي اشربتها وهي بجر والله ان اول ماجاها الطلق وراحت انفتح
معاها 7ونص سانتي وساعه ولدت

ماضنتي لها اضرار الدارسين معروف والحليب والعسل مايضرون
بجربها ان شاء الله

مشكوره حبيبتي

العفو
حياج

يبييييله باجر اسويها

يعني بس اسويها الاربع الايام الاولى من التاسع بس ولا كيف لاني والله مافهمت عليك

تسلمين الله يعطيج العآفيه ويجعلهآ بميزآن حسنآتج

اول ماتدشين التاسع
تشربينها كل اربع ايام

مشكوره

العفو
حبيبتي

اللهم احفظ لي زوجي وابنائي
من كل شر
امين

يمه حدي خايفه من الولاده يارب سهلها علي