خلصي شغلج ويا ريلج في فراشكم وتالي طلعوا اختلطوا بالناس

هاي بنات
انا هالموضوع ما كتبته بقسم المشكلات الاجتماعيه
لانه يخص المتزوجات الا اذا كان اللي شفتهم مو متزوجين ترى على ديرتنا السلام
عنوان الموضوع صريح جدا ومافيه تجريح الا للفئه اللي بقولكم قصتة وحده منهم

اولت امس كنت ويا ريلي بسينما الافنيوز عرض الساعه تسع وربع

المهم سطرتنا على جنب فيها بس خمس كراسي يم بعض وجدامنا ناس بس ما ورانا احد
باب الطلعه والدخله ورانا على طول
الزبده ييت بقعد والا صوب الطوفه قاعده وحده ويمها واحد وبعدين كرسي فاضي بينا وبعدين كرسييي انا قعدت وقعد ريلي بالطرف لان على طول يم ريلي ممر صغير وعقب قاعدين شباب

المشكله وين؟
المشكله انها نايمه على جتف اللي معاها وحاطه ايدها على ماله ولا اهتمت لي اني قاعده اشوفها
و اللي معاها يطالعني عااااااادي جنه ما سوى شي واهو يمسح على ذراعها

انا بعرف يعني ماكو طوفه وسقف يلم بلاويهم

والا الحب امقطع بعضه حتى بالسينما جدام الله وخلقه

سايحه سايحه عليه لدرجه بغيت ازفها بس خفت من ريلي يقول انتي ما حشمتي وجودي ومديتي السانج وانا ريال يمج

قعدت يا بنات اوارص بروحي ولايعه جبدي منهم جان اقول حق ريلي شوف هالخمه شيسوون
قالي تعالي ابدل معاج يمكن يستحون

والله ما استحت من ريلي وقاعده وحاطه ايدها على مال اللي يمها واتكاسر ريلي واللي معاها ما تعدل ولا اهتم

حتى ريلي قالي يمكن صاحبته مو مرته
قطع قطع

انا اللي بوصله من هالسالفه ان الوحده اذا عرست خل تحط في بالها انها حاله طبيعيه يعني مو لاقيه واحد من المريخ ولا طايحه على الامله جنه محد عرس غيرها ترى وايد متزوجين حواليها فعيب الحركات اللي شفتها الصراحه ريلي لما ردينا البيت تحسف انه ما بلغ عنهم

انا ما اقصدكم كلكم يا بنات وايد منكم والنعم فيكم واتعرفون السنع بس اللي شفته خلاني غصب اكتب عنه وودي تقرا يمكن تذكر ويهي
انا اللي قاهرني زياده انها متجبه
شوهت الحجاب …انا قلت اكيد شعرها يعد والا قرعه علشان جذيه حطت الحجاب على راسها
يعني ما خلوا شي للمسيح والاجانب

جنهم قطاوه شغلهم جدام الناس وبالسكه

جنه يانه الزمن اللي يصير فيه الجنس بالشارع واييهم انسان دين وملتزم يقولهم روحوا سووها ورا الشيره مو جدام الناس
والله قرب هالزمن وهذي بوادره
اعوذ بالله

بنات انا مادري اشكتبت بس ترى حدي منقهره لين الحين
ودي اعرف انتو اشرايكم وشنو تقولون حق هالاشكال؟

تم التعديل من قبل مشرفة القسم نفيشه

أمبيه قطيعه تقطعهم والله لو انا ما أتكلم ولا أقول شي على طووووول أبلغ الأمن واييون يشوفونهم ويتصرفون معاهم انزين احنه كبار اذا كان في يهال معانه ويشوفون جذي ؟ّ!!!!! استغفر الله الله يستر عليهم

هذى مسكينه حسبالها الريال طير وبيطير اذا ما سوت جذى الحمد لله والشكر
بس المفروض ريلج ينادى المسئول ويبلغه علشان الناس ما يتشجعون على الغلط

وووووووووووووووووووووووووووع

الله يلوع جبدها

حسبالها الحلوة انها بسينما بلاس فيغاس

استغفر الله ياربى لادين ولاحيا ولا مستحى
ماكو خوف والمشكله محد يقدر يكلمهم السانهم طوويل ويفضحونج قبل لااتفضحينهم المفروض فى شرطة رقااابه بكل مكان الله يعين الشرطه بس
ان شاءالله اول واخر مره تشوفين مثل هالاشكااال
واذا بتقعدين اخذى اول صف عشان لاتشوفين الا الفيلم
صراحه ماادرى شققولج انا مره مطلعه اليهال الصغار عيال عمى الكتاكيت اسم الله عليهم شقولج ولااثنين ريايل واحد مغتر والثانى بدله ماسكين ايد بعض وتبوس هالحجى صار بحديقة الحيوان بالعيد
استغفرالله ولا احد قال عيب ولا خافوا الله انا شنو لاعت جبدى الياهل قالوا اشفيهم جنه واحد ومرته امبييييه ماعرفت شقول توهقت الله يستر على ديرتنا من هالاشكال
وماادرى ناطره تعليقات باجى البنات

فديتج مالومج لو تعصبين هاذي قلت حيااا
ماتستحي حسبي الله عليها
ماعليج انتي ياقلبلي

يا بنت الحلال اللي اللي تستحي تقعد في بيتها احسن الانه المناظر اللي اتشوفينها اتشيب الراس والله

الشرها على اللي وياها ما يستحي والله الظاهر انه اتفاخر بهالشي حسبي الله عليهم

ما اتشوفين البلاوي والمصايب اللي يايتنا من اشوي و العياذ بالله

الله يستر علينا و على حبايبنا

لاحول ولا قوه الا بالله

لا حول ولا قوة الا بالله

الله يستر علينا من غضب الله

حسبي الله ونعم الوكيل

ياربي

لا ما اقعد في بيتنا واحرم نفسي وريلي من الطلعه والوناسه
اهم اللي لازم يستحون على ويوهم

بس الواحد شيسوي؟ المفروض انا احن على ريلي يبلغ عنهم لان هذول ما ينسكت عنهم
بس ان صادفت ناس جذيه وان شاء الله ما اصادف
مار اح اسكت لهم خلاص

اموله اخذ اول صف واكسر ارقبتي واطلع من الفلم فيني شد عظل والا لتبه علشانهم؟
اسليمه اتصكهم
والله بحجز بالمكان اللي ابيه وتوبه ان سكت عن هالاشكال والله ليلحين منقثه

وبعدين موقفج اللي شفتيه ويع ويع شكو لابسين غتره جان البسوا بواريك احسن

شاكره مرورج

ستغفر اللع العظيم

مشكورين بنات وايد على تفاعلكم السريع مع الموضوع

وناطره باجي الردود

ليش متضايقه هالكثر ومسويه موضوع ومكدرة خاطرج، حبوبه ماعليج من الناس.
جان جابلتي السينما وخليتي راسج جدام، ليش لافه ويهج عليهم حبوبه !!! حتى لو يات عينج مره وحده، مو معناته ما تقدرين تشوفين الفلم !!! عيشي وقتج والشاشه جدامج

وللي شفتيه مايعتبر الا 1% من الناس / وهذا مو شي منتشر والكل قاعد يشوف هالشي (لا). في ناس ماتستحي، وانتي شفتي هالنوعية،، والسالفه ماتسوى انج تعصبين هالكثر

وسالفه متحجبة او غير متحجبة الاخلاق تبقى الاخلاق بغض النظر عن اللي بالراس في شعر او مافي.

الله يستر عليهم ويهديهم.

جان كتبتي ورقة وعطيتها هالدعاء، يمكن تستحي وتخاف

(اللهم استرني فوق الارض و تحت الارض و يوم العرض)

عالعموم انا لو كنت في موقفج / مالي شغل بأحد، بقعد استانس واشوف الفلم ولا أخلي مؤثرات خارجية تعكر يومي

يعطيج العافية

bsmik alahom eni kont mn althalmeen

لا اختي اسمحيلي انتي غلطانه
اصلا الموقف غصب تلتفتين عليهم وشي يضايق
ويع تخيلي احد يمج يسوي شي غلط تقدرين تقعدين عادي واتابعين الفلم؟
انا ترى مقدمة الفلم ما شفتها كانت عيني على الشاشه بس بالي مو مع الفلم
تدودهت واستحيت ولاعت جبدي وفورت واحس دخنت ماكو احترام ابد

انتي لو تطبين بهالموقف غصبن عليج ما ترتاحين لانه شي شاذ عن المألوف واحنا اصلا بشر وانتاثر بالمؤثرات الخارجيه اكيد

وبعدين هالنوعيه مو مال تعطينها دعاء
هذي مال اتكوفنينها وتلزقينها بالطوفه

والله لوما اني كنت خايفه ان ريلي يزعل من تصرفي جان كلمتهم وبلغت عنهم

قطيعه وين قاعدين

واااااااااااي فشله