خـــــــلاص تـعـبـت واللعب بالنـار شـغال عـندهـآ

مراحب بنات انا وااايد متضايقة اظن من قبل قلت لكم سالفتي مع زوجة اخو زوجي

مو راضية تشيلني من بالـها تركتها تولي عندي صرت ماطلع من غرفتي اتجاهلها

صابره على هالبلوه هذي الحين صارت ادز الخدامة علي تخيلوا

انا مو مقصره مع الخدامة اشتري لها كرت تعبئة وملابس واعطيها وعطورات وفلوس

مدلعتها عشان بس تخدمني انا مثقله ولا لي بارض حق شي

الحين غيرت الخدامة علي صارت لين تجي غرفتي ماتضرب الباب على طول تدخل
كم مره اقول لها ضربي الباب قبل ماتدخلين معناها مشتغلة بقطر والسعودية وتعرف الذرابة

حسيتها متغيره اكلي تحطه لي من غير نفس اتناظرني بغضب صرت اكره اكل من بيتهم شي

اخاف شي يضرني او يضر اللي في بطني ملابسي يا بنات فكرت نفسي اتوحم اشم ريحتهم
طباخ وديتهم حق زوجي يقول ريحتهم طباخ قلت انا مادخل المطبخ وش منه لهم ريحة خااايسة

سكت رحت غرفة الغسيل الا ثيابي يا بنات مع فوط المطبخ تتغسل عشان بس تسببب لي حساسية !!

خدااااااااااااااامة مضره صرت ماكل ولا اخليها تغسل ثيابي والمشكله حمامي اتكرمون صغير

مافي مكان حق غساله تعبت تعبت ادري وحاسة انها مطرشة من هذيك الخبيثه لي

لانها تعبت تسوي فيني حركات خذت لها فتره راحة وخلت الدور على الخدامة صارت تسكر الكهربا

عشان الصبح ماروح الدوام باب الحديقة كهربائي بتقولون شدراج الكهربا صوب قسمها واهي تتحكم وانا متأكده

عشان اتعبني بس واستخدم الكراج وارفعه لكن مارفعته انا حامل والخادمة كله تقولي اوف واوف

صرت ماكلم الخادمه ولا اطلب منها شي كارهتني ودها تذبحني

مابي اجلس عندهم دقيقة وحده صح زوجي ماله ذنب بس انا ماستحمل هالعيشة المتعبة هذي

تخيلوا امس فتحت بابي بدوم ماتضربه وانا زين بدلت قلت لها ماتعرفين تضربين الباب عصبت وسكرت الباب والحل والححححححل

لاحول ولاقوة الابالله شوفي
1- قولي لزوجك
*-ادهني سير الخادم وقولي لها ليش صايره كذا( أنا أعرف هالأشكال بدقيقه يبيعون مبادئهم)
3- كملي شهور الحمل ببيت أهلك.
4- قيمي الليل وادعي عليها الدعاء سلاح المؤمن وانت مظلومه.
5- اذا على الباب عارفه السلسله اللي تنحط على الباب علشان مايقدر احد يدخل
قفل باب السلسلة – arabic.alibaba.com

ربي يكون بالعون كرونا وكيد نساء وقهر رجال يامغيث أغثهم وأغثنا لاحول ولاقوة إلا بالله.

اخذي ملابسج وغسليهم انتي بالغساله مالتهم
او وديهم بيت امج غسليهم
او المصبغه
كلكم نفرين ماتوقع عندكم وايد قش

بصراحة هل من السنع
ملابسج تخلين خادمة حمولتج تغسلها!!
ماتدرين وين محطوطة
منو يطل ع الغرفة حتى لو بالصدفة ويشوف
الداخليات!!
حتى لو مقتنعه
انه عادي
حزة الغسيل انزلي اوقفي واشرفي ع الغسيل

مع ان الاحسن والابرك والاذرب والاسنع
تاخذين لج غسالة
حتى لو مافي مكان بالحمام
لي بغيتي تغسلين دخليها
وطلعيها بعدين من الحمام

وبدل لا تاخذين دور الضحية والمسكينة
دشت الخادمة
بلا استئذان
بدل لا تفكرين منو ورا الحركة
زفيها
ياخادمة ممنوع تدشين بلا استئذان
وتأفف الخادمة منج
مو دليل مرت حماج وراها
معناها
زهقت من الشغل
چم بيت بتشتغل فيه

وسالفة تسكر الباب
تلفون لزوجج
الو الباب مسكر
وهو يتصرف
منو السبب
خربان ولا احد يتعبث

تعوذي من ابليس
وشيلي المرة من بالج
حلي المشاكل بنفسج
بدل لا تبحثين منو وراها
ولو تجيبين لج خادمة خاصة احسن لج
ولاهل البيت

والله هالخدامة مسويه لها راس
خل تولي هالخدامة لا تعطينها ويه
حقريها
يبيلج خدامة لج
واذا ماتقدرين
كيفي نفسج بدون خدامة
والخدامة الي عندكم لا تكلمينها ولا لج شغل
فيها
شكلج وايد تعطينها ويه عشان تاخذ عليج
وتافف
لا تعطينها ولاشي واذا في خدم بالبيت غيرها
اشتري لهم ولا تعطينها خل تحتر

ليش ساكته على كل هالشي زوجج وينه لازم يدري عن هاللي يصير يا يطلعج بشقه يايكلم اخوه يوقف زوجته عند حدها

احسني الظن لاتقولين انه مرت أخو ريلج دازه الخدامه الحين خدامات هالوقت عسا ماقلتي لها سوي جذي هبت بوجهج حتى لو اكرمتيها

وتلقينها مكروفه بيت شكبره تشيل وتنظف فيه… من ناحية غسيل الملابس ييبي غساله صغيره واستخدميها وقت ماتخلصين طلعيها من الحمام

وحطيها بأي زوايه او آذا عندج مطبخ خليها بالمطبخ … الأفضل انج تغسلين ملابسج بنفسج او تغسلهم جدامج …. وإذا عالاكل الله ماكثر المطاعم عالاقل

انتي حامل وتشتهين آكلات. فطلبي اللي تشتهين…..ومرت حماج شيليها من راسج ولاتوسوسين انه حاطتج براسها وداحرج لمن تأكدين من هالشي ماتنلامين

بس انتي حامل لاتغثين عمرج بشي مايسوااا

حبيبتي الله يعينج

بالنسبه لخدامه في فلبن ايونج ثلاث او خمس ساعات بعشره اذا حامل ومالج قدرى ليش تنطرين من احد ايسوبلج انا بدال الخدامه بيت حولتي في ثلاث بس انا ما اطلب منهم شي واكلي بروح وغسيلي انا اغسله وكل شي علي
مرت حماج خليها تسوي اللي تسوي لا تكدرين روحج عشان شي في بيبي فبطنج انسيهم وخلج لحالج لا تنطرين من احد شي والخدام معاملتها خايسة وبابج قفليه مو عيب هاذا بيتج واذا ظروفج مع ريلج تسمح تطلعين طلعي والله يعينج حياتي

الله يعيينج

ياهلا اختي يسعدني وجودج أنا كلمتها كله تقول عادي عادي ما فيني شئ صرت مأكلمها ولا اطلب شئ منها

أي يا اختي هذا اللي بيصير

أنا يا اختي أغسل ملابسي الداخلية بروحي من يوم صغيره معلمتني أمي هالشي عيب
أنا اللهم أعطيها الدراريع وأما عن تسكر الكهربا الصبح زوجي يا نايم أو يكون دوامه ليل
سلون اتصل فيه !!!!

وعن المره أنا مؤ حاطتها في بالي ولا انتي تدرين أهي شلون مغرب لتبني فالبيت الله العالم فيني
وأنا مؤ مأخذه دور الضحية والمسكينه أنا صادقه باللي أقوله وماعرضت مشكلتي إلا أبي دعاء وحل
فلا تحكمين من غير ما تدرين شنو عندي من هم ومشكله أنا اعلم باللي يصير وشكرا على المرور

زوجي يدري ونزفها وقال بيجيب خادمه لي بعد ولادتي بإذن الله الله يصبر نئ

اشكر مرور كم جميعا وزوجي زف الخادمة وقالي بإذن الله اول ما أولد بتكون عندي خدامه ولا كل هالمشاكل

كل ويك اند خبرته بنام عند أهلي تعبت نفسيتي عندهم استغفر الله

لاحول ولاقوة الا بالله العلي العظيم

عورتي قلبي حاسه بمعناتج صبري وحاولي تتصرفيم بهدوء من تحت للتحت عشان زوجج لاياخذ فكرة عنج انج شريره تصرفي بذكاء