|
|
شلونكم بنات
وانا تصفح مواقع الانترنت لقيت موضوع عن خطابة كويتية وقريت تعليقاتها … ضحكت واستغربت في نفس الوقت من تفكير بناتنا في هالزمن …
اسم الخطابة ام فهد شوفوا شنو كاتبة:
يا بنات الخليج شدو حيلكم عيالنا صارو يتزوجون من بره بسبب خجلكم اللي تبي تتزوج لا تستحي تضيفني على المسنجر وانا اشوف لها الشخص المناسب بس كل البنات يبون يتزوجون الوليد بن طلال ما في بنت تبي رجل على قده ويستر عليها
ترى هذا سبب العنوسة
انا صج اعرف شخصيات واغنياء بس ما يبون الا نفس طبقتهم وشرطهم جميلات بعد
جد في بنات انا ازعل على تفكيرهم بس شسوي لهم ساكته وحزنانه على تفكريهم (( يبون اغنياء ومعروفين وقصور وملايين وووو )) واذا طولت ما رديت عليهم زعلو مني وحسبالهم كاشته فيهم
على اي حال هذا تنبيه لكم يا بنات اللي مو متزوجه تزوج قبل لا يطوها القطار بعدها تكون اجرمت بنفسها بسبب تفكيرها
XXXXX
——————————-
وهذي قصة واقعية تنقلها لنا عن احدى الزيجات:
نصيحة يا بنات لازم تسعون للرجل لا تنامون لا مستحى ولا شي اسعوا لهم عيالنا باردين وحنو عليهم للزواج اذا في بنت تعرف رجل محترم وتجمعهم علاقة محترمة مافي مانع انها تضغط عليه ان يتزوجها افضل من انها تستحي وساكته وهو بعد نفس الشي لازم تشجعونهم على الزواج
الاحظ ان البنات تبي الرجال مفصل عليها تقول ثوب لا طبعا ارضي فيه بعيوبه احس من بكره محد يرضى فيك بعيوبك وهو الكبر
اسئل الله ان يهدينا ويهديكم لما فيه الخير
اعرف بنت رضت تتزوجت شخص كبير بالعمر وكان مصارحها وقايل لها انه مديون وعليه مشاكل مالية كبيرة واي لحظة ينسجن ولكن كانت نيتها طيبة وسليمة وباره والديها وافقة على الزواج منه مع ان عمرها كان 28 سنة وهو 60 سنة بعد الزواج تعب وحب ينفصل منها علشان لا يعذبها معاه وقال لها بنفصل سامحيني وهذا شيك لك هدية وكانت غير راضية على الطلاق ولكن اجبرها عليه ، بعدها راحت البيت وشافت الشيك الا كاتب لها 10 ملايين دينار كويتي !! قالت هذا مسكين من وين له هالمبلغ اتصلت عليه قالت له الله يهديك تضحك علي قال لها الحين روحي البنك صرفي الشيك وبالفعل راحت والا استقبال من مدير البنك والبنك انقلب كله عليها المهم تم ادخال مبلغ وقدرة 10 مليون دينار لها وهي ما زالت على ذمته قبل طلاقها رسميا بيوم واحد ، بالليل توفى هذا الزوج حيث الانشغال بالتشييع وخلافه وبعد التشييع دخلت رسميا بالتركة كونها زوجة وتملك الثمن من نصيب الارث الزوج ، وبعد توزيع التركه حصلت على مبلغ 100 مليون دينار كويتي اى 330 مليون دولار وهي كما قلت بنت مسكينة بدويه على باب الله ابوها راعي وانيت وبيت قديم ولكن ابتسمت لها الدنيا لان نيتها طيبه وسليمة والكل كان يظن ان الزوج قد افلس وبالواقع كانت امواله بالخارج
بنات اليوم ما يتزوجون الا الغني وعنده فلوس يمكن تتزوجون شخص على قده والله يرزقه ويمكن العكس يكون غني ويفلس خلوا نيتكم طيبة خاصة بالزواج مثل هالبنت المسكينه اللي الله سبحانه رزقها وكانت تظن انه مفلس بل مهدد بالسجن وللعلم ان بنات التجار بالكويت رفضوا الزواج منه ظنهم انه افلس وخلاص ما عاد في عنده فلوس
ومحد منكم ميت جوع والله الحافظ وصفوو النية والله الرزاق
XXXXX
—————————-
يوم عيزت من بنات الكويت و من طلباتهم …. كتبت لهم تعليق عشان تشجعهم على القبول بالنصيب … شوفوا شنو قالت 
والله ان شباب الكويتيين ذابحيني يبون سعوديات حظكم قايم اكثر من بناتنا ، وهذا الشي بصراحة اعتبره من زود السنع فيكم والجاذبيه بلا تنقيص طبعا من الكويتيات وبنات الخليج
XXXXX
—————————-
وآخر شي كالعاده …. الناس تسعى بالخير و دايما تلقى شر ….. ام فهد حاولت تسوي شي فيه خير وتجمع بين الناس لكن الد اللي حصلته كان حيل قاسي 
…. تقول:
بعد التحية والسلام
لسبب ظروفي الخاصة والمشاكل التي نجمت من اثر البحث والتوفيق بين راسين وكذلك من زوجي العزيز والمضايقات التي تعرضت منها في السعيي الى توفيق راسين بالحلال وكذلك التزاماتي الأسرية قررت إيقاف نشاطي كخطابة و للعلم سوف يتم بيع النقال (( الجوال )) بعد أسبوعين من تاريخ هذا الاعلان حتى يعلم الكل ان رقمي تم بيعه ولا احد يتصل عليه لعدم الاحراج
والمعذرة لكم واتمنى لكم زواج سعيد ان شاء الله
والسلام ختام
————————-
النتيجة اللي طلعنا منها …. ان احنا الكويتيين وايد حساسين … وايد متزمتين ووايد ما نرضى على كل شي … مصعبين الحياة على انفسنا مع ان الحياة وايد سهله …. حياتنا كلها رسميات و مظاهر والتزامات و مواجيب وغيره وغيره !!!
حياتنا مكلفة واحنا السبب … نحب البذخ بدون حساب … نحب المظاهر بشكل غير طبيعي …. كل المواضيع عندنا حساسة … وعندنا خطوط حمرا فوق ما نتصور لازم ما نتخطاها …. عندنا كل شي خارج عن المألوف إلا الاشياء اللي احنا نعتبرها انها طبيعية فهي المقبولة مع انها ممكن تكون غير طبيعية !!
حياتنا معقده فوق ما نتصور …. وراح تتعقد اكثر اذا ظلينا على تفكيرنا الحالي
اسفة بنات لكن هالكلام طلع من قلبي لاني مقهورة على بنات ديرتي و اللي صاير لهم
________________________
تم التعديل من قبل مشرفه القسم
Dancing^Queen
.gif "Eh S(6)")
حبيبتي والله بنات الكويت الحمدلله شايفين نعمة و خير صراحه و اكثرهم يبون الستر و الريل الصالح هذا اللي شفته صراحه اشكثر حسنا و احنا نخطب حق اخواني انا و امي والله نادرا ما نلقى الناس اللي تتفلسف والله الشاهد على كلامي …
ويع على فلوسه ههههههههههههه
ريال مزواج شنو لنا فيه
شكله اصلن يرفع ضغطي
وانا من اصحاب شعاار على البساطه البساطه
وربكم اهو الغني
الغني بيه يوم ويصير فقير ويتنتف
والفقير ربكم بيوسع له ان شالله
اصج حلوه الفلوس بس القناعه بالي انتي فيه
واذا الريال يستاهل الفلوس مالها اي لازم ههههههههه
بس وين الي يستاهل 
اهم شي
وايد بنات يبون يتزوجون وقاعدين يرضون بالبدون عشان الستر
الله يستر عالجميع
وماشاء الله اللي حصلت هالخير الله يهنيها فيه
ماشاء لله
و مثل ما قلتي احنا وايد محددين حياتنا و خصوصا مسالة الزواج بسالفه الاصل و الشهاده و المظاهر
و مستوى اهله و فلوسهم…يعني لو نفكر شوي بالريال اللي نحس انه راحتنا معاه راح نفتك من عوار الراس
مشكورة على الموضوع
حلوه سالفة .. اللي قاها أنا مديون و بأي لحضه . . أنسجن و خذته و عمره 60 ..؟؟ لوووووووووووول ..
ولأنها طيبه وباره بأهلها .. طلع ملياردير …
ليش الملياردير ما يبين عليه ..؟؟ ولو نفرض جعصص .. الجعص يعيطي .. 10 ملايين ..؟؟
وبعدين بسكم يبا أفلام وأكشن ..
كلنا عيال قرية . وكلن إيعرف أخيه .. يبا الكويت مترين .. بمتر وربع … شنو ملياردير.. عنده 100 مليون ورث زوجته .. فقط .و تعرفون لام يدش رجال بالورثه يعني .. نصيب المره ما يجي شيء.
نقول عنه نص بليون ..؟؟ وله منهم 100 مليون ..؟ ههههههههههههههههههههه ..
والله من صجكم ..؟؟ حبيبتي لا تنقلين أي شيء … لازم تنقلين اللي مقتنعه فيه ..
مقتنعه بالقصص اللي نقلتليها..
وحلوه سالفه لاتستحون . إلي تعرف واحد .. أخلاقه زينه وتربطهم فبعض علاقه محترمه .. تحثه عالزواج فيها..؟؟ <<< شتقوله . مثلا ..؟؟
تقط نقزات .. ما تبي إتزوج …؟؟ ما لقيت بنت الحلال .؟؟ ههههههههههههههه
يمكن أهي تستحيو أهو يستحي .؟؟ <<< والله رجال يستحي .. بلاش منه .. ماله عازه ..
صج 2024
مو خطابة
هههههههههههههههههه