خريجي الخدمة الاجتماعيه جامعه الكويت + سؤال

السلام عليكم

كل منا دش مجال يحبه في الجامعه، انا بالنسبة لي خدمه اجتماعيه، درسنا وتعلموا وتدربنا في ثلاث ميدانيات
تعلمنا كيفيه التعامل مع الحالات الخ، الكثير يتكلم بالسوء والاستهزاء بهذه الوظيفة ، اللي يقول نكاف واللي يقول ما نشتغل أو محد مقدرنا، ليش ننسى نفسنا إنا بشر إحنا نفرض احترامنا وبأول يوم وظيفه تطلب ورقه تعلمك شنو لك وشنت عليك، وتوضح دورك ، محد بيقدر عليج لأنج واعيه عارفه وظيفتج ووضعج، وعندج لسان

هالشي حيل حبيت أوضحه للبعض حتى لو من تخصصات ثانيه ،

حاليا تم قبولي في وزاره التربيه ، شنو الإجراءات اللي نسويها وشنو المكان اللي يحدد مكان المدرسه، ؟
وسمعت عن فترة تدريب قبل الدوام اللي عنده معرفه بالموضوع اتمنى يشاركني وشكرا من القلب

ما عندي فكره أتمنى يفيدونج البنات

مشكوره أم إبراهيم

اتمنى مساعده ولو بسيطه تفيدني

عندج خيارين اما اخصائية اجتماعية او معلمة والي يحدد مكان المدرسة المنطقة الي تسكنين فيها الى حد ما يعني مو شرط على الوزارة لكن يحاولون ان تكون المدرسة قريبة من منطقتج والاجراءات المتبعلة للتعيين تروحين الوزارة معاج كتاب القبول من الديوان وتقدمين الكتاب للشئون الادارية وراح يطلبون منج بعض المستندات وصور شخصية وعمل بعض التحاليل الطبية وبعدها تروحين للمنطقة التعليمية التابعة للمحافظة الي تتبعينها مثلا منطقة السرة تتبع محافظة العاصمة وهناك يقولون لج الاماكن الي فيها نقص وبعدها تراجعين الوزارة لاستكمال باقي الاجراءات ويصدر قرار وزاري من وكيل الوزارة بمباشرة العمل

يعطيج العافية ، اقدر لما يقررون المدرسه ممكن تكون مكان بعيد اقدر ارفضها ؟ واطلع من التربيه ؟