|
|
السلام عليكم.. موضوعي مثل ماشفتوه بالعنوان
يوم الاربعا عندي مقابله شخصيه بوزارة التربيه للوظيفه وانا خريجة شريعه تخصصي اصول فقه وماااني عارفه شنو طبيعة الاسئلة اللي يسألونها لي
فيدوني جزاكم الله خير والله حدي متوهقه وخايفه
موفقه اختي انا سعوديه تخصص دراسات اسلاميه قابلت مرتين بس للاسف مانجحت الاسئله سهله ماتحتاج بس الحياء والخوف ولارتباك نسيت كل شي كاني اول مره اسمع الاسئله ان شاء الله بجيب اسئله لك
بغيت اسالك اختي انتي سعوديه ولا كويته …؟
واذا تعرفي عن تقديم السعوديات فتح بالوزاره او لا …؟
والسوال الثااني اكملي الحديث وكاان قوله صلى الله عليه وسلم عجبا لامر المؤمن ان وجد خير….))
والسوال الثالث صح او خطا
السوال الرابع ميزي بين المكي والمدني من خلال العبارت الاتيه … بيان العقيده …..قصص الامم السابقه
السوال الخامس كان عللي
هــذا بالنسبه لامتحان الاوراق ….
اما المقابله تكوون بعد الامتحان مباشره …..
كان رجالين وحرمه ….اولا شي قريت سورة الجن طبعا مع التجويد لانهم مدققين حيييل ع التجوويد …
سالوني ….اسئله المقابله سهله وبسيطه وكانت……
ماهي انواع الاهداف…؟ماالهدف من الهدف الوجداني …؟
بماذا عاقب الله الذين يسترقوون السمع …؟
ماهي اركان الصلاه….؟
هل يعتبر التشهد الاول من اركان الصلاه….؟
من اين ناخذ حديث الرسول صلى الله عليه وسلم ….؟((يقصد الكتب السته))
اسم كتاب قراتيه عن السيره…؟
ماانوع التوحيد…؟ توحيد الله بافعاله من اي انواع التوحيد…؟
قوله تعالى …((قالوا ان…))ما الحكم التجويد فيه ؟
. والله يوووفق الجميييع يااارب …
سبحان الله والحمد لله ولااله الا الله والله اكبر…
روحي الوزاره نفسها مبنى 2 اعتقد وتأكدي منهم يفيدونج ان شاءالله
ومشكوره ياقلبي عالاسئله الله يوفقج وان شاءالله تنجحين بالمقابله الجايه يارب
انا باجر مقابلتي الله يستر
يا ليت تحطونها انا بعد متوهقة حدي خايفة من الأسئلة ..
تكفون مو تطنشون -_-
واكملي الحديث ان الله يبسط يده بالليل…..
وبعدين اسئلة صح وخطأ واختياري وبس
عقب دشيت المقابله كان في حرمتين وريال
قالولي عرفي عن نفسج
وبعدها خلوني اقرا سورة الجمعه وسألوني بأحكام تجويديه فيها
ادغام بغنة الناقص وبغير غنه الكامل وسألوني شنو حروف الادغام وليش قلتي ادغام ناقص
وكلمة ان كانو والحكم اخفاء حقيقي وحروف الاخفاء
وسألوني عن آداب يوم الجمعه وبس
الحمدلله سهالااات
بس اهم شي عندهم التجويييييييد ادا شافوج شاطره بالتلاوه والتجويد خلاص يمشونج
والله يوففج حبيبتي
الله يطمنج يا حياتي كنت احاتي حيل
بس المشكلة التجويد ما أضبطه إلا على اللي حافظته -_-
يعني الاجزاء الأخيرة الثلاثة أخاف يجيبون من غيرها
تهقين يجيبون من غير الاجزاء الثلاث الاخيرة ؟؟؟
الله يوفقج يا حياتي ومبروك مسبقاً ع الوظيفة
الله يعطيج خيرها ويكفيج شرها يارب ^_^
قريتي سورة الجمعة عن غيب ولا فتحتي المصحف ؟؟؟؟؟؟؟
من سابق تجربه
الله يوفقكم بنات بالمقابله وتجتازونها بكل سهوله ويسر باذن الله …
ياارب يفتح تقديم السعوديات قريب ياارب بنات اللي تعرف اي معلومه عن التقديم تفيدنا جزاها الله خير …
شنو اللي خلاج تفضلين وزارة التربيه على الاوقاف ؟؟