خريجات كلية العلوم الاجتماعية تكفون جاوبوني؟؟؟

السلام عليكم ورحمة الله وبركاته
بنات فيه سؤال محيرني حيييييييييييييييييييييييييييييييل وابي اجابه اكيده يعني الي مو متاكدة لا تجاوب لان حيل تعبت من كلام الناس
ابي تخصص علم الاجتماع اقدر اصير مدرسة تربية حياتية او وطنية
راح تقولون الاولويه للتربية بس ودي اتاكد ان في وحده خريجه من العلوم الاجتماعية وصارت مدرسه
تكفون ريحوني الله يريحكم

:eh_s(21)

مع تحياتي
القلب الرقيق

مدري والله بس دخلت عشان ارفع

الموضوع لج

لا ما يصير …… اعرف بنات حاولو بس رفضوهم الاولوية للتربية

يا بنات يا حلوات لا ما يصير

ريحو نفسكم اذا حابين مهنه التدريس دايركت روحي تربية .. عشان اظمنلج لا باجر يقولون لج مايصير او واسطه قوية او تفعدين بالبيت سنتين و3 بدون وظيفه

شـدعوى..!!

حآبه التدريس روحي التربيه..

وريحي نفسج..

صح .. حابه التدريس روحي التربيه ..

رفيجاتي اثنين توهم متخرجين معاي صاروا مدرسات
تخصصهم اجتماع علوم اجتماعيه
صاورا مدرسات اجتماعيات متوسط..
بس لأن في نقص بالمدرسات الحين..
مدري يمكن بعيدين يتيغر الوضع..

ادري من قبل لا تقولون ان التربية اضمن بس انا طالبة علمي ومستحيييييييييل ان انقبل بماده ادبية يعني ما ابي اتخصص مادة العلمية والوسيلة الوحيده الي تأهلني اصير مدرسة مادة ادبية العلوم الاجتماعية ولا ادري ان التربية اضمن بس انا الي سمعته ان تخصص علم الاجتماع تصير مدرسه عادي اذا اخذتي دورة منو عندها احد تخرج من العلوم الاجتماعيه وصارت مدرسه

فهمت عليج

من نخصصات العلوم الاجتماعيه

اضمن شي للتدريس الجغرافيا لان نادر و مرغوب فيه و تصيرين مدرسه جغرافيا حتى قبل بالثانويةفي نفص بمدرسات الجغرافيا

بس الاجتماع لاتضيعين نفسج .. عليه ضغط اهو و علم النفس

اصلا اي احد يتوهق بالتخصص يروح للاجتماع و النفس ..

وسالفه الدورة التدريبيه للتدريس هاذي سمعتها لما كنت بالاداب بس ما يتحاج اعرف ناس تخرجو اداب تاريخ سيده صارت مدرسه تاريخ

ياربي والله احس نفسي ضايعه انا نسبتي ماشاء الله دخلني اي كلية ابي بس انا تعبت نفسيا حيل من رابعه مع انها ما كانت حيل صعبه بس ما ادري ليش تعبت نفسيتي ودخلت كلية الهندسه وما ارتحت ابدا ابدا فقررت ان خلاص ابي ادخل كلية ادبيه واسهل شي لان اهم شي راحة الانسان ادري راح تقوولون حرام من هندسه الى شي ثاني بس لو مريتوا بالي مريت فيه جان قلتوا لا والله روحي اي مكان اهم شي الراحه النفسيه فالحين انا والله ضايعه مع اعرف وين ادش صج زهقت
ومشكورين على الردود

القلب الرقيق
الله يوفقج

القلب الرقيق

سبحاااان الله !!!!!!!!!!!! نفسسسسسسسس حآآآلتي

انا ابي تخصص ادبي علم اجتماااع بس مايصير بالتربيه فقالولي حولي اجتماعيه

قريت دليل الطالب مكتوب بوظائف اللي يتخرجون من الاجتماعيه وحده منهم التدريس وانا ابي التدريس لأنه اريح شي

وشكلي بروح التسجيل بالاجتماعيه اسألهم

أب
أب

يليت احد يفيدنا

امانه صج واخيرا لقيت وحده نفس حالتي بس انا الضغط علي اكبر لان ابوي كان يبيني ادش هندسه والله زهقت من المواد العلمية فودي ادخل علوم اجتماعيه

بس صج مستانسه لان في احد نفسي

تكفين ابي اتواصل معاج

وحبيت اسالكم يا بنات شنو التخصصات الي تعطي درجة الدكتوراه يمكن نصير دكاتره هههههه

امبيه انتي نفس حالتي بس انا كنت ابي تاريخ ومارضو يدخلوني وانا بالعلوم وودي احول ونفس الحاله علمي
والتربيه رافضين هالشي صج قهر حتى الدين مو راضين نكمله عشان احنا علمي
ولما رحت الاداب كلمتنى وحده سكرتيره لدكتور قالت مايفيدج وايد التخصص الا اذا كملتي ماجستير والماجستير برا الكويت ليما الحين ماتوفر ماجستير تاريخ بالكويت
ودي بماده ادبيه بس الحين قلت ان شاءالله الكورس الجاي احول تربيه انجليزي لاني مليت
استغفرالله مادري من منو الغلط من التوجيه والارشاد اللي مايفيدون بشي ولا من النسب السخيفه ولا من الغش يقولون دشو علمي وكل شي تبونه تقدرون تدخلونه ما استفدنا شي بصراحه

بخصوص سؤالج دشي موقع الدراسات العليا واهو يفيدج بس التربيه ماتكملين الماجستير الا اذا عندج 3 سنين خبره بالتربيه انا فهمت جذي
دشي الموقع وتاكدي احسن