خريجات الصيفي متى يتعينون؟

سلام عليكم ابلات
خريجات الصيفي متى يتعينون ؟ ماعندكم خبر ؟ يتاخرون ؟ لازم يسجلون عن طريق الديوان ولا عالوزارة ومشكورين

هلا حبيبتي فطومه

لاتحاتين ولا شي معلمات الرياض بسرعه يتوظفون

انا سجلت بالديوان وطلع ترشيحي قبل لايطوف علي شهر

فلا تحاتين

مشكورة حبيبتي ماتقصرين

والله ما عندي فكره بس قلت ارفع لج الموضوع

مشكورة حبيبتي ماتدرون متى يفتحون التسجيل في الديوان؟

ماعندي فكره بس آآب لعيونج

مشكورة حياتي ناطرة الرد

السلام عليكم:

انا بعد خريجة صيفي وناطرة ديوان الخدمة المدنية يفتح عشان أسجل.

راح يفتح ان شاء الله من يوم الجمعة 17/سبتمبر/2010 حتى الجمعة 1/أكتوبر/2010

حبايبي انتوا ماتنطرون الديوان راح اتكون اهناك فتره استثنائيه حق خريجين التربيه ابجر من هذي الفتره وعلى طول يوظفونكم انا العام كنت خريجة صيفي وتعينت 13 – 9 يعني بسرعه لاتحاتون بس انتوا كل يوم شوفوا الجرايد عشان الفتره الاستثنائيه الي راح يفتحونه واذا مافتحوها سجلوا مع التاريخ الي حاطه الديوان بس صدقيني لكم فتره استثنائيه لانه اهم يسون جذي

امممممم يعني بنات عشان نتعين لازم ننطر الديوان ولا نروح الوزارة
لاني سمعت ناس قالوا اول 9 نراجع الوزارة وبصراحه انا ماعندي احد بالتربيه عشان اسأله وحدي محتاره من استلمت اوراقي من الجامعه وانا متوهقه
والديوان مايفتح إلا 179 واهيا فتره استثنائية لخريجي الصيفي

عفيا ابلات اللي تعرف شي لاتبخل علينا

اذكر لما تخرجت سجلت بالديوان
وآخر شهر ٨ تعينت وداومت مع الإبلات
لا رحت وزارة ولا شي

حبيبتي الديوان فتح بس اللي بعرفة اذا سجلت اسمي متى اتعين بالمدرسة وابي اخذ دورة المعلمات الجدد

حبيبتي التسجيل اللي الحين لي يوم الاربعا قبول فوري يعني بس تسجيل اليوم اللي بعده تروحين المنطقه التعليميه تسوين اوراقج مايحتاج تنطرين لان الوزاره محتاجه لمعلمين بأسرع وقت قبل بداية الدوام

بس متى يشتغل السستم هذا اللي ماندري عنه
وانا اليوم بروح للديوان وبشوف شنو يصير

كولولوش باركولي انقبلت بالديوان ترا السستم فتح واخيرا الحمدللة كثيرا وسبحه بكرة وأصيلا تعبت سهرانه ابي انام