خريجات الحقوق

بنات بغيت اسألكم انا خريجة حقوق ومعدلي عالي والحمدلله ولكن ماطلع اسمي ليلحين حق الوظيفة وودي اتوظف بالتحقيقات او بالفتوى والتشريع ما تدرون متى يبطلون وشلون طريقة تقديم طلب الوظيفة واللي يعرفون لا يقصرون معانا واللي عندها اي معلومات عن تخصصنا وعن فرص عملنا ووين ممكن ان نتوظف ب معاش قوي ياريت تفيدنا و لها الأجر ان شاءالله

التحقيقات والفتوى يبيلهم جم سنه

لان التحقيقات توها قابله دفعة يديده

والفتوى باخر تعيين خذو 160 جنه و15 بحكم قضائي

شوفي القطاع الخاص ، شركات وبنوك وشركات الاستثمار وعندج النفط بعد

اذا حابه الوزارات روحي العدل في اقسام عندهم معاشاتها اعلى من الباجي والتقديم بروح مو خلال الديوان

وعندج الماليه يمدحونها اعرف وايد يدابجون يبونها

اذا تقدرين كملي ماستر لاتوقفين

وزهبي واسطتج حق كل مكان المعدل مايسوي شي

حبيبتي انا الي اعرفه ان الفتوى والتشريع تقدرين تييبين كتاب ترشيح عشان تتوظفين عندهم

تقدرين تييبين كتاب ترشيح حق الفتوى

واتعينين كباحثه قانونيه مو كمحامية دوله والمعاش والمميزات وااااااايد راح يفرقون

شتان بين الاثنين

كل مكان يبيله واسطه مابي احبطج …. المعدل مو شي اساسي ….. كملي ماستر لا توقفين ونطري الديوان

والتحقيقات تلاقينهم ينزلون اعلان بالجريدة اتوقع ينزل على شهر 5 او 4 الياي والله يوفقج

مابي احبطج

بس شهادتج ( شهاده الواسطات ) من الاخر

بمعنى الى جانب المعدل ( لازم عندج واسطتج ) : وهذي حقيقه

رفيجتنا بالدوام تشتغل بالشئون القانونيه – متخرجه من جامعه الكويت كليه الحقوق ونسبتها 88,7 جيد جدا

توها عادت رابعه ثانوي ( هي خريجه علمي ) عشان تكون شهادتها جديده والحين تو مقدمه عالتطبيقي ( بتختار تربيه اساسيه – او – هندسه كيميائيه ) بتفرغ دراسي

الحقوق راتبج 900 بالوزارات بس المهندسه راتبج مو اقل من 1400 ,, فرق 500 وبدون واسطات ولا عوار راس

وكادر المعلمات صج البدايه مثل الحقوق بس مع الوقت كادر المعلمات اقوى من القانونينات

وتقول ( مالها بالمحاماه ) وعالاماكن مثل النيابه والتحقيقات يبيلها واسطه جايده

وبالنسبه للفتوى والتشريع ( تقول ان كل 10 سنين يبطلونها وتو مسكره سنه 2024 )

والاماكن مثل العدل والماليه ( فرق 100 دينار عن الوزارات العاديه لا غير وكراااف : فتشتري راحتها بهال 100 دينار الفرق )

هذي الحقيـــــــــقه المره لشهاده الحقوق بالكويت للاسف حبيبتي

الله كريم ان شاءالله الله يفرجها يارب

الله يسهل ان شاءالله

للاسف انه تخصص الحقوق مظلوم بالكويت

في وظائف معاشهم خيالي مثل الفتوى والتشريع والنيابة العامة والتحقيقات ومحامي البلدية والنفط هالاماكن كلهم اول مربوط 1800 كويتي

اما الوزارات بيكون المسمى باحث قانوني مبتدئ والراتب بيكون 955 والتامينات يقصون 54 يعني باجي 901 دينار صافي كل شهر

وزارة العدل فيها ادارات الرواتب تبدي من الف دينار مثل التنفيذ الجنائي والتقديم يكون عندهم بمجمع الوزارات الدور الثالث قسم التعيين

اختي مابي احبطج لكن كلام الخوات صح مهما كان المعدل عالي لازم لازم واسطة خاصتا الاماكن القوية اللي ذكرناها

وايظا الخارجية كدبلوماسية تقدرين تقدمين عليها بشهادة الحقوق

ومثل ما قالوا الخوات اذا في مجال تكملين ماستر لاتوقفين

وموفقه خير

الله سبحانه وتعالى فوق كل شي وما يضيع تعب احد و اهل البيت بعد ويانا وماراح يقصرون

طبعا اختي انا قلت الواقع

ولكن هذا ما يمنع انه الانسان يجرب كل شي ويجتهد ويسعا والباجي على ربه

وعالاقل تطيبين خاطرج وما تخلين شي بنفسج تقدمين على كل شي

وموفقه خير

تسلمين ياعمري ما تقصرين

الله يكون بالعون