خدامتي ،،الخبيرات ساعدوني بيلز،،

السلام عليكم ورحمة الله وبركاته..

اتمنى تكونون بخير جميعآ،،

حبيت استشيركم بما اني ماعرف ولا شيء بسوالف الخدم،،

خدامتي بتسافر الاسبوع الجاي <<اولا دعواتكم الله يرزقني احسن منها ويعيييييييني ويكون فيها خير لنا ولها

شنو اقص لها تذكره ابي تذاكر رخيصه،،
طيارتها ابيها تكون من الكويت الى مانيلا الى مدينتها لانها تبعد عن العاصمه ثلاث ساعات بالطياره فأبي خدمه رخيصه وحلوه،،

سؤال،،يختلف سعر التذكره اذا ذهاب وعوده او ذهاب بس،،
واذا يختلف جم الفرق تقريبا؟

قولولي كل شيء تعلموتوه او مريتو فيه،،
بخصوص روحتهم وردتهم

اللي جرب غير اللي ماجرب والله المستعاااان.

مشكورين وجزاكم الله خيرات.

شوفي انتي قصي لها تذكره ذهاب بس واذا اهيا تبي ترجع خل تحجز لعمرها وبس تردلج عطيها فلوس التذكره لان ما تدرين شنو يفكرون ممكن ترد بس ما ترد عندج تشتغل برا او بيت ثاني مطمعينها قولي لها اذا رديتي بزيدج عشره
وعن الحجز روحي مكتب السفريات احسن يشرحلج ويشوفلج الزين

بس لا تحجزين ذهاب واياب
لا بغت اتيي خل تحجز اهيا

السلام عليكم
شوفي اذا خدامتج بتجي حجزي لها روحه ورده أحسن علشان تضمنين ، وإذا على التذاكر لا تعبين نفسج روحي لمكتب سفريات بس مو مكتب واحد لا كذا واحد وقارني الأسعار وإذا عندج اطلاع على النت هم أحسن راح تلاقين أرخص الأسعار .

الاحسن انج تمرين مكاتب السفريات وتشوفين شنو الارخص والافضل تحجزين روحه بس لان ما تدرين اكثرهم بس حجي بنرجع وما يردون وخصوصا الفلبينيات اذا بترجع قوليلها انتي قصي تذكرة من هناك واذا رجعتي ارد لج فلوسج

شوفي حبيبتي الفلبينيات لازم تروحين سفارتهم قبل ما تسافر تسوين لها ورقة من هناك بدون هالورقة ما تقدر ترد الكويت لأن يوقفونها بالمطار بمانيلا ليس اهي تسويها بديرتهم وهذا صعب أن الخدام معظمهم من القرى
تروحين تاخذين الطلبات من عندهم وهم في تأمين للسفر تدفعينه بمكتب تأمينات بحولي شارع تونس
اسم الورقة
balik mangagawa
لو دقيتي عالسفارة يقولولج
الأفضل حجزي لها عن طريق الإمارات أو القطرية لأن الكويتية دايركت بس ارخص
ذهاب بس ولا ذهاب وعودة ترجعلج
لأن الفلبينيات بالذات وايد عندهم حركات تروح وما ترجع انا صارت فيني مع خدامتين عقب ما عدت اجيب فلبينية
موفقة