السلام عليكم خواتي
شلونكم شخباركم انشاءالله بخير
حبيت اقولكم هالقصه الي صارتلي شخصيا
احنا قبل جم شهر وصلت لنا خدامه اندونيسيه صغيرونه باول العشرين
ماتعرف تتكلم عربي يعني كنا نفهمها بالاشارات
عاد ذاك اليوم بليل وانا قاعده بالصاله بريحاتي صخه ماكو حس >>> ولا اسمع صوت احد يون
انا حدي خفت لان سامعه عن الاندونيسيات لهم سوالف شعوذه وسحر وخرابيط
فقلت خل اصعدلهم اشوف هذيل شقاعدين يخبصون
والله و اصعدلهم على اطراف اصابعي ولما وصلت طليت عليهم بالغرفه ولا الاندونيسيه لابسه ابيض فابيض وماسكه بيدها كتاب صغيرون مشقق وقاعده تقراه
جان اقولها انتي شقاااااعده تسويييييييييييييييين ???
اهيا من الخرعه نقزت يوم شافتني داشه عليها جني خالتي قماشه مع الويه
المهم ماطول عليكم جان تقولي بالعربي المكسر انه هذي سورة ياسين يايبتها معاي ماعندي غيرها كل يوم اقرى منها
اثاااااااااااري المسيجينه قاعده ترتل القران (صج انه بعض الظن اثم) استغفر الله العظيم
قتلها انتي تعرفين تقرين عربي ! جان نقول انا اعرف اقرى عربي بس ما افهم الكلام اودي لو عندي قران مفسر ومترجم
تصورو يابنات انه احنا يالعرب يالمسلمين القران عندنا بكل زاويه من البيت وهاجرينه وهالمسكينه ماعندها غير سورة ياسين وتقراها كل يوم
والله اني قلبي حيييييييييل عورني ونزلت داري ابجي لاني حسيت انه ربي منعم علي بواااااايد نعم وانا حييييييييل مقصره بحق ربي وديني
ياخواتي ترى الدال على الخير كفاعله
وانا قلت هالقصه ممكن وحده من خواتي الكويتيات تقرى هالموضوع ويكون عندها خادمه او سايق او طباخ او اي مسلم تشتريله قران مفسر او كتب تعلمه تعاليم دينه وكل ماتعلم وعلم عياله راح تاخذين معاه اجر انشاءالله لانه هالشي يعتبر صدقه جاريه وشوفي الاجيال الي راح تستفيد من ورى هالكتاب
والله يابنات لاتستهينون بالموضوع ترى اجره عظيم عند ربي وكلكم يابنات عارفين اثر الصدقه فحياة الانسان من دفع البلاء وزياده في المال والصحه وحتى تيسيير الزواج والحمل باذن الله
وانشاءالله هالشي يكون سبب انه ربي يفتحها عليج وعلى عيالج ويحفظ بيتج غير جبال الحسنات يوم القيامه انشاءالله
قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِنَّ مِمَّا يَلْحَقُ الْمُؤْمِنَ مِنْ عَمَلِهِ وَحَسَنَاتِهِ بَعْدَ مَوْتِهِ عِلْمًا عَلَّمَهُ وَنَشَرَهُ وَوَلَدًا صَالِحًا تَرَكَهُ وَمُصْحَفًا وَرَّثَهُ أَوْ مَسْجِدًا بَنَاهُ أَوْ بَيْتًا لِابْنِ السَّبِيلِ بَنَاهُ أَوْ نَهْرًا أَجْرَاهُ أَوْ صَدَقَةً أَخْرَجَهَا مِنْ مَالِهِ فِي صِحَّتِهِ وَحَيَاتِهِ يَلْحَقُهُ مِنْ بَعْدِ مَوْتِهِ
وترى الموضوع مايكلف راح تلقين وايد مصاحف وكتب مترجمه بمكتبات حولي مثل العجيري وبسعر رمزي موغالي
وانشاءالله كل الفلو س الي بتدفعينها راح تردلج وتتضاعف
قال رسول الله : ( ثلاث أقسم عليهن ، و أحدثكم حديثا فاحفظوه : ما نقص مال عبد من صدقة …..)
ونصيحه يابنات خلو هالموضوع بينج وبين ربج لانه افضل الصدقه الصدقه الخفيه
قال صلى الله عليه وسلم " صدقة السر تطفىء غضب الرب"
سامحوني على الاطاله وعسى ربي يتقبل مني ومنكم صالح الاعمال انشاءالله
جـــــــــــــــــــــــــــــــــــــــــزاج الله خــــــــــــــــــــــــــير
الله يجعله في ميزان جسناتك
قصتج أثرت فيني حيل 
وتكفين ماوصيج ع اندونسيتكم << حبّتها
|
المشاركة الأصلية كتبت بواسطة !! الواصليّـــــة !!
 يآعيشتن قشره اجل فضختي قلبها !
قصتج أثرت فيني حيل |
والله حتى انا احبها حدها طيبه وحنونه ويها وايد سمح مو نفس الباجي اعوذ بالله من شرهم