خبر عاااجل تأجيل الدوااام المدرسي

هاااااااااااااااااي
حطيت هل العنوان عشان اجذيكم

تخيلوووو مصر داوموو اليوم والدوام عندهم نسبة 30 من 100
واحنى 90 بالميه وجذب طبعااا

وتخيلوو شلون طبيعة الدوام عندهم يوم وترك يعني 3 ايام في الاسبوع يداومون
ليش احنى مو مثلهم اهما خايفين على شعب واحنى لا قصب داوموون حتى سعودية اهلنا عطلو والبحرين عطلو مرتين شمعنا احنى لا خل يقلدونهم ولا وفوق كل هذه انا داومت يومين بس وثاني يوم داومته كنت تعبانه بموووت حدي تعبانه
رحت بدق على امي جان تقول الوكيله اذا تعبانه قعدي بيتكم لا تين وماخلتني ادق وين الاهتمام كله جذب بجذب بجذب

ومعاناا جم بنت يكحون ومراضه بصف الوكيله جوفهم عااادي يعني اخذيهم جيكي على سلامتهم
وتخيلو ماكو احد حاط كمام ولا شي ولا معقمات ولا هم يحزنون وصاكين الباب والدرايش شلون يجدد الهواء
والي يمرض يغيب 10 ايام
تخيلو لو واحد يمرض بيام الامتحانات واحنى عندنا الامتحان المؤجل مثلا يكون عربي مع احصاء يعني تمتحن امتحانين بوقت واحد شذنب الطالب

وبالجريده كاتبين نسبة الغياب في الخااص وايد واحنى يقولون الي يغيب ينفصل ليش اعيال المدارس الخاصه على راسهم ريشه ولا احتى عيال البطه السوده والله ولد خالي خاصه راح مريض فحصو على ودقو على اهله ياخذونه يرتاح بالبيت خايفين عليه واحنى يقولون اذا تعبانه قعدي بيتكم طيب انا تعبت عندكم
وشي ثاني وزيرة التربيه انسانه طيبه وااايد وشخصية وااايد حلو بس مادري ليش احس مو اهيا الي تتخذ القرارات احس منى الوغاني وتماضر الصيدراوي** سوري اذا الاسم غلط ** اصحاب كل القرارات

انتو شرايكم لو يكون دوام 3 ايام بالاسبوع ؟؟
وشرايكم بوزيرة التربيه هل اهيا الشخص المناسب بالمكان المناسب

وتحياتي

لا بالعكــس شنو نظاام اللي على مصر ..

يعني انتو لهدرجه خاايفين من المرض "" وما يصيبنا الا ما كتبا الله لنا ""

هذا انتم تروحون المجمعات وسينمات ومسرحيات ومطااعم ليه ماخفتوو ..
والله مو عذر لكم اللي يقوول احنا خايفين من المرض ..

انا عندي نداوم وناخذ الاحذر والاحتياط واهتمي انتي بنفسج احسن ..

وتقبلي مروري ..

والله شوفي بالنسبه لي ما تفرق لانه القرارت راح تكون للمدارس بس وانا بالجامعه فـ مراح يجيني شي

لكن اذا كان الدوام 3ايام بالاسبوع شيفرق خمس أيام !! يعني نفس الشي بس راح تتأخرون بالدراسه اهو المفروض

يأجلون الدراســه وبالنسبه للاداره المدرسيـه صراحه يبيلها رقابه ! شالاهمال ويــن يقولون زهبنا كل شي من معقمات

وغيره وغيره ….. شوفو اهم ما راح يحسون بهالشي الا لمـا يطيح جم طالب ويروحون يستجوبون وزيرة التربيه !!

الله يعيــن ومشكوره حبيبتي

صح كلام البنات شالفرق بين 5 ايام و 3 ايام

وبجذي بنتأخر حيل عن الدراسه

انا اقول انداوم واللي يصير يصير

حلووووووووووو

انا اقول صح السانكم يا بنات قل لن يصيبنا الا ما كتب الله لنا
وثاني شي ما مليتي من البيت
انا طقه جبدي منها وحتن اذا طلعت نفس الشي كل يوم

3 ايام شويه انا اقول نداوم احسن عشان ما نتأخر
تعالوو الوزاره ما لغت الطابور؟؟

احنا داومنا والحمدالله ماصار شي
فليش التأجيل