|
|
السلام عليكم شلونكم وشخبارك ؟؟
معاكم سواري هذي أول مشاركه لي وأتمنى تعجبكم …
حبيت اكتب لكم عن خبره أمي بالنفاس وصدقوني اللي تمشي عليها بترد جنها بنت وأحسن بعد …
الاسبوع الأول من النفاس :
على الريق شويه مره مطحونه وتشرب معاها ماي بس مايكون بارد دافي البارد مو زين (المره بس بأول 7 ايام)
وبعدها تشرب حليب حار
وعقب تـأكل عصيده فيها حلبه وحبه البركه
وبعدها قلاص شاي
وحزة الغدا تاكل عيش ودجاج أو عيش ولحم
وحزة العصر قبل يجونها الناس تشرب قلاص شاي زعتر او جاي اخضر مع 4 ملاعق لهوم ( على فكره اللهوم أمي تشتريه من وحده نعرفها مشهوره فيه كل جماعتنا ياخذونه منها ويمدحونها تبيع القوطي بعشره يكفيج طول الاربعين ويزيد ) اللي تبي رقمها تقولي واعطيها ..
والفتره اللي يجونها الناس بس تشرب شاي او قهوه مو تخربط
وبعدها قبل العشا بشوي تاكل لهوم مع شاي اخضر او زعتر يعني تاكل اللهوم مرتين باليوم
وبعدين العشا ولازم يكون مبجر احسن على الساعه ثمان تاكل أشياء حاره عيش او مرقوق او جريش على دجاج او لحم او شوربه حاره مع فلفل اسود مو احمر ..
وتنقع بماي وملح وشوي ديتول مرتين باليوم أول ما تقعد من النوم الصبح وبالليل قبل النوم اول اسبوعين وبعد الأسبوعين (لما تتم العشرين يوم) تنقع بجفت وشويه ملح ومره شوي بماي دافي
لان الجفت حار على الوالده بأول اسبوع فعشان جذي تنقع فيه بعد العشرين والجفت يصحكر اللحم على قولت امي وينظف الجرح
بعد خمس ايام من الولاده تشرب مردود تلقونه عند الحواج بس لا تشربه قبل خمس ايام امي تقول مو زين تشربه على الريق مره باليوم مع حليب حار
الاشياء الممنوعه :
الاكل من المطاعم حتى لوكان الاكل حار المشروبات البارده مثل الماي البارد وماتشرب ماي واجد خلال الاربعين والابتعاد عن الروب او اللبن وتبتعد عن المشروبات الغازيه كلها مو زينه الغازات مثل البيبسي السفن الميرندا واهم شي مايكون تجوع أبدا ولاتكثر من الاكل تاكل بشكل معتدل لان الجوع مو زين لها ولا كثره الاكل زينه ..
اهم شي للوالده تمشي من اول يوم بالولاده مو تقول تعبانه لازم تمشي من اول يوم ع الاقل تمشي عشر دقايق لحد مايطيح خياطها
كثره القعده والنوم ماتنفع ولازم تلبس ملابس ادفيها عن البرد وتحميها عن الهوا…
والله إن مشيتي على هالطريقه راح تطلعين من الاربعين لا فيج هوا ولا ينزل معاج لا ماي او وصخ
امي مشالله قبل بنفاسها ونفاس خواتي الحمدالله ماتتم 13 او 15 يوم الا وهي نظيفه وخواتي بعد ..
اتمنى الموضوع يعجبكم لاني حبيت افيدكم بخبره امي ….
ماقصرتي
مسك الغرام مشكوره ع المرور
احلى كويتيه تسلمين حبيبتي
الاستاذه وشمس الوفا هذا رقمها ومشكورين ع المرور 6273898
Pink_girlفديتج
بيت الحزن تسلمين
يعطيج العافيه و خوش موضوع
وازيد على كلامج انا وحده من اول الاربعين لاخره اخذ مره منقوعه بماي ع الريج هذا يقلص حجم البطن وعن تجربه وحطي عنزروت مع قهوتج هذا يفيد بتقلص حجم البطن
وبدال ماتاخذين زعتر اخذي لج طبخه الغوري او دوا الغوري هذا عباره عن مجموعه اعشاب هذا الجي مالي طول فتره النفاس وبعدين انا دايما اوصي الدكتور انه ينظف رحمي عدل بعد الولاده من جذي بعد اليوم التاسع انظف وطول فتره نفاسي ماينزل معاي دم الا شوووووووووووووويه بس هذا للافاده فقط وادعوولي الله يهون علي
مع التحية…………………………………..
بنات حواء 2 مشكوره فديتج