<<<<< @@ خبال عيالنا بالسفر @@ >>>>>>

ديما عمرها سنتين ونص

اغراض جنطتها ,,
اللي بالطياره معاها

بامبرز+ كمبلها+ والبي اس بي + وجهاز دفي دي + طين (تحب تلعب بالطين ) + كراسه والوان + حلاو كاكاو

اللي راح ادخلها بالشحن

شرشفها وجيس مخدتها + ملابس الطلعه + بجامات بودينار ونص السالميه الحوش عشان اقطهم هناك + الادويه + مقياس حراره ضروري +كريم حفاضات + دلاقات + جوتي زياده واحد + داخلي شتوي واحد احتياط + هليلهوب ابيض واحد + جاكيت + فوطتها وشامبوها فرشتها معجونها

وبس

وطبعا مواقف عمتي ديما بالسفر

رحلتنا دايما تكون لندن او باريس يعني كله درب طويل
تكون دايخه وتبي تناااااااااااااااااااااام ويطوفها كل شي بالطياره

اما اذا قعدت شوررررررره نسرررره والكشه شكبرهااااااااااااااااا

ماما ابي انام حدنج طبعا تبي تنام بحضني على ما تصحصح
وعقب ما تصحصح ما يبقى احد بالطياره ما تروحله تسلم عليه وطردي ركض روحه رده
وحنه

بس صج الموقف اللي يضحكني صج بالطياره وانا داشه ممر الطياره ما بين الكراسي عشان اقعد

طبعا انا دايما اشيل جنطه سبورت بظهري
فما اقدر اشيلها لازم تمشي انا اروح جدام واهي ترد ورا تردني ولا تكون قابله للتفاهم ولا حق اي شي ثاني وتتسلقني غصب تتعلق فيني ويوقف الدوووور كله

اهني ما اقدر اتماسك نفسي يا اعصب يا اضحك بس شسوي اهدي الوضع واقلبها ضحك عشان ما يقولون بدينا بالعساره

وطبعا بالسفر الحمدلله ما تضايقني الا تالي الليل ما تنام لان تنام الظهر بس شكل هالسفره ما راح اخليها تنام الظهر
والشي اللي يقهرني قبل شهرين وديتها دزني وطاقه درب عشاتها واخر شي ابي اتصور مع الشخصيات افقعت تبجي تنوح وطول ما احنا بالالعاب نايمه واذا قعدتها تبجي تصرخ اففففففف صج بطت جبدي

هالمره الله يستر

بنات ابي نصايحكم انا شوي طبعي عسر ما اتحمل يهال شنو اسوي عشان استانس معاها وما اخليها تخرب سفرتي