|
|
بنات انا مو متزوجة بس ما عندي غيركم من بعد ربي حتى امي ماقدر اقولها
بنات انا قبل كنت ماخذه فكرة ان الريال حنون ويشيلني ونعيش حياة سعيده
بس انا عرفت حقيقتهم وطلعو كلهم مثل بعض ومايقدرون ووصخين خلاص مابي اتزوج .gif "Eh S(2)")
ساعدوني انا حدي خايفة احد يتقدملي مابي ولا احد حتا لو اتضح جدامي انه زين انا من كثر ماسمعت عنهم ادري انه راح يطلع موزين الريال مايحس بالمرة مادري ليش انخلقو بنات انا بقالي سنتين واتخرج من الكلية وخايفة احد يتقدملي انا مابي اتزوج مو لازم انا جذي مرتاحة بدال ما بعدين اتعذب مع ريال ماعنده مشاعر ولا احاسيس
.gif "Eh S(11)")
تكفون بنات متزوجات ادري انكم متعذبين مع رياييلكم والله يعينكم حبيباتي بس علموني شنو اسوي مابي اتزوج واذا كل شوي ارفض الرياييل وقتها امي واهلي راح يزوجوني غصب
اختي الحبيبه الزواج سنه الحياه
كل ما اجلتي فيه قلت الفرص لج
انصحج عشان تكونين مرتاحه بحياتج مع زوجج
احسني الاختيااااااااااااار
اختاري بعقلج
لاتنازلين عن صفه تبينها بزوجج الا مقابل ثانيه تعادلها او احسن منها
اختاري بيئه مناسبه وزوج مناسب وشخص فكري فيه كابو لعيالج وشايل مسؤوليه ويقدر يعيشج بالمستوي اللي تقبلينه علي نفسج
بعد ماتختارين
احسني العشير
عامليه مثل ماتبينه يعاملج
عاملي اهله مثل ماتبينه يعامل اهلج
حفظي اموركم الخاصه
عامليه زين وطالبيه بالمثل
كبري عقلج عن الامور الصغيره وخلي المركب تمشي بس اصري علي اساسيات التعامل والاحترام ولاتنازلين فيها
لاتحاولين ولاتفكرين تعطين بدون حدود اذا سويتي جذي لاتحاسبين الا نفسج
لاتنهين حياتج الخاصه لانج تزوجتي وتنهين صداقاتج وعلاقاتج مع البنات وحياتج االاجتماعيه عشان زوجج وبعدين تقولين خلاني اقطع علاقاتي وانهي حياتي واتفرغله وتاليتها لها عني ! بس هم لاتقدمين هالامور عليه خليج بالوسط
وبالنهايه حبيتي الحياه الزوجيه اهي مرحله من مراحل الحياه كل مرحله فيها صعوبتها ومشاكلها وحلاتها
والله يوفقج يارب
بالنسبة لي انا كنت مضربة عن الزواج ببداية مراهقتي لكن بعد ماتخرجت تغير شعوري ولما كملت ثلاثة وعشرين بديت احس بحاجتي للزواج سمعو لحد يفهمني غلط لايروح فكركم لبعيد خخخخخ
حبيبتي انتي فبيت ابوج او بحياتج بشكل عام عمرج ماتزاعلتي ويا امج ابوج خواتج ارفيجاتج بنات عمج بنات خالج وغيرهم ؟؟
ساعات يصير عدم تفاهم وساعات الواحد ماله خلق ويكون متظايق وساعات الطرفين يكونون مو متفاهمين ويحتاجون وقت عشان يتعلمون على بعض ..
صلي عالنبي ولاتوقفين نصيبج وحياتج وباجر لي كبرتي تتحسفين وتتحسرين منو بيبقالج بعد عين امج وابوج الله يطول بعمرهم ماتبين زوج وعيالج يشيلونج وتكونين اسره وحياه نفس باجي الناس ؟؟
أبوي كان جداً سيئ وزوج أختي وغيره وايد امثله بحياتي وضليت لي ٢٤ سنه ما تزوجت
وبعدها الحمدالله الله رزقني بريال الله لا يحرمني منه من كثر ماهو حنون ويراعيني
وعلي نياتكم ترزقون والله ارحم وأكرم منه مافي ادعي لنفسج دائماً ان الله يرزقج بالزوج والذريه الصالحه
انا شوفي ابوي زين معاي وطيب بس اخوواني عكسه وكل شوي يهاوشوني وجذي
بس الله رزقني بريال ماخلا علي قاصر الحمدالله وسيم وكريم وحنون وكل شيء فيه ومعيشني حياة ثاانية
انا اقول كلمة يتلج فرصة انتهزيها ترا الفرصة ماتجي الا بالعمر مرة وحده
والله يوفقج
لا توسوسين و لا تفكرين بهالموضوع .. خليه يجي بوقته احسن وافضل لج
وخلج دوم متفائله لا تكون نظرتج سوداويه
اهو صج الريايل ما يستاهلون , بس انتي ماجربتي عشان تحكمين عليهم
انتي سمعتي من فلانه وعلاتانه هذا كله رااح يشوه صورتهم اكيد في عينج ويبأثرعليج وايد ترا مو شوي
والله يرزقج الزوج الصالح الحنون الي يخاف ربه فيج
ومو كل الحريم مو زينين
سالفه الزين ومو الزين مالها شغل بجنس الشخص لها شغل بالاخلاق والتربيه
باجر لا صار عمرج ٤٠ سنه لا عيال ولا زوج ولا بيت ملكج واخوانج وخواتج كل واحد بيلهى بحياته واسرته مو دايمينلج ومتفرغيلج طول العمر
وامج وابوج باجر يروحون عن هالدنيا الله يطول باعمارهم بس كلنا بنموت
تقعدين مع منو وقتها !!
تروحين لمنو ؟ الكل بيكون لاهي بحياته مع عياله واحفاده حتى رفيجاتج ماراح يفضولج
لازم الزواج عشان الواحد يعيش وهاذي سنه الحياه عشان تستمر
عاد لوخليت خربت ولو ان فعلا هالرياييل ماعليهم حسوفه
بس لازم تجربين نصيبج
اصابعج مو سوا
و مثل ما في الزين في الشين و انتي بشطارتج تقلبينه