خايفة من الفحص اللي سويته اليوم طمنوني

السلام عليكم ورحمة الله وبركاته

خواتي اليوم رحت موعد عند القابله قلتلها ان الافرازات تعبتني وخايفه لا يكون فيني التهاب او فطريات قالت راح اسويلج فحص من تحت

دخلت حديدة شوي تعورت منها .. بس الحين وايد ندمانة وخايفة

خواتي صج هالفحص يوسع ويفتح الرحم

؟؟

انا بعدني بالسابع وصج خايفة

ماأتوقع فيه ضرر عليك
لوكان منه ضرر كان ماسوته لك الدكتوره
لاتاخذك الأفكار وتجيبك..

والله مادري
انا سويت من قبل حق الافرازات بس هذوا مني مسحه
بعود اذون او شي جذي

بس اتوقع اهيا عارفه شغلها
ان شاءالله ماكو الا العافيه

ماعندي فكره بس شنو قالتلج بخصوص الافرازات لان انا للحين معاي من حللت اني حامل وهي معاي!!!

يارب الله يسمع منكم ومايوسعني او يفتح الرحم

قالت الافرازات طبيعية

ياقلبي لا تحاتين ان شاء الله ما فيج الا العافيه

عادى يقلبى بس نامى على ظهرج وريحي نفسج

لا تحاتين هذي اداة معروفه للفحص

أنا بعد من دريت اني حامل وعندي افرازأ بس الدكتورة قالتلي عادي افرازات حمل

لا حبيبتي هذي يسمونها مسحه يعني يحللون الافرازات عشان يعرفون التهاب والا لا
انا سويتها بالخامس والحمدلله

ان شاء الله مافيج الا كل خير

والافرازات كل شهر راح تزيد وهذا شي طبيعي غير اللي فيها حكه وريحه

جزاكم الله كل خير على ردودكم طمنتوني حبيباتي

ايه صح كلامك ، هذا اللي صار لي بعد
بس لا تحاتين ماكو الا العافية بعد هي دكتورة وادرى ان شاء الله بشغلها