خالد العبد الجليل .في مؤتمر السعادة

اشلونكم بنات …
قبل جم يوم كان في مؤتمر في ريجنسي "مؤتمر السعادة " كانوا مستضيفين بعض الدكاترة و العضو الصانع نسيت اسمة الاول و نخبة من الناس و منهم المحامي خالد العبد الجليل , تكلم عن المجتمع الكويتي و ابرز القضايا الي عندة و كان من القضايا في سوو احصائية عليها في جامعة الكويت اهوية ان…………..خمسة………..من ………….كل ………….ريال ………..منطك" مطقوق" من قبل زوجــــــــــــــــــته

؟؟؟؟؟؟ ادري انصدمتو مثل ما انا انصدمت و فجيت حلجي بس هذا الي صاير بنات تخيلو لي وين وصلنا نحن يا معشر النساء اصلا فشلة شنو احنا في المانيا الحمدلله و الشكر … ومن القصص الي قالها ان في ريال يركض في الشارع طرق الفانيلة و المكسر الفريج كله طلع اشوف اسالفتة و لا مرته لاحقتة بشوزن !!!! و الي ريلها اعاييها بالبنات الى في التلفزيون وراحت كتت علية ماء حار و الي كفخت ريلها بالعصا اهية و ختها و سوولة عاهة مستديمة لان تزوج عليها بعد ماسوت عملية تجميل لخشمها علشانة اهوة كان يبيها اتسويها…………. عجايب والله
بنات و الله ماادري شلي صاير بس انا الي اشوفة ان مهماكان الريال غلطان و اكيد المرة ماوصلت الى هذة الدرجة الا وهيه شايفة الويل من ريلها بس هم المفروض مايسوون جذية عيــــــــــــــب و الله عيب .

يلله تعاليقكم بعد الصدمة

ههههههه حدها قويه ,,, عيل ما سمع بالل تنطق من غير سبب ,,,

أشوووف ما سوووا مؤتمر عن البنات المساكين اللي يتكفخووون و ينطقووون و يتحملوووون علشان عيالهم ,,

والله الريال لو هو ريال ما خلاها تطقه ,, الحمدالله و الشكر ,,

و برايي ان الريال اللي ينطق و يسكت هذا مو ……. و فيه خلل ,, خليروح يعالج نفسه لأنه اعتقد انه فيه مشكله نفسيه و يستمتع بالطق

هذا مؤتمر ضد المرأة شلووووووووووووون يدافعون عن الريال وكل مشاكل المرأة سببها الرجل

شوفي شنو مسوي الريال علشان المره تلحقه بالشوزن اكيد مسوي شي جايد

والا المره ما تستغى عن انوثتها الا شايف البلاوي

ويييييييييه عاد الي تطق ريلها مو بنت حموله وصج صج هيلقيه

قطع

قطععععععععععععع وين الشخصية

اذا ما يدش البيت وهزه هز بصوته الرجولي ولا فلا

حلاته برجولته وتحسين ان وراج ريال سند

هذا ياخيخي يا سكانه مرته ويييييييييييع

الحمدالله والشكر

لاحول ولا قوة الله لاتبلينا وارفع عنهم (رجال وحريم ) قولوا امين

يستاهلووووووووووووووون شوفي شنو ابدع و لا المره ما تعيل علي ريلها بدون سبب . ياما سمعنا حريم دشو مستشفى الميانين و السبه رياييلهم تزوج عليها و لا باق افلوسها و لا طلقها و خذا اعيالها

بس ما سمعت ريال دش المستشفى الميانين علشان مرته سوت في شي . الرياييل قطاوا بسبع ارواح ما ينخاف عليهم .

مشكاهم لله

انا ودي ولكن ما حصلي .

ومستعده اشربك واصفق واصفر وايبب حق هالحريم

الله يعينهم….بس والله مصيبه كيف بتكون صورته جدام عياله بتنهز صورته وبتكون ماله شخصيه ولا بيقدر عليهم..

((قبل جم يوم كان في مؤتمر في ريجنسي "مؤتمر السعادة " كانوا مستضيفين بعض الدكاترة و العضو الصانع نسيت اسمة الاول و نخبة من الناس و منهم المحامي خالد العبد الجليل , تكلم عن المجتمع الكويتي و ابرز القضايا الي عندة و كان من القضايا في سوو احصائية عليها في جامعة الكويت اهوية ان…………..خمسة………..من ………….كل ………….ريال ………..منطك" مطقوق" من قبل زوجــــــــــــــــــته ؟؟؟؟؟؟ ))

بنات اقروا المقدمة عدل انا ما قلت انة المؤتمر امسوينة لهذي القضيقة او الموضوع مستضيفين ناس ومنهم المحامي خالد و تكلم على هالموضوع…….وانا عارفة ان الرياييل الســـــــــــــــبب عيل في مرة طبيعية اتسوي جذية و ريلها زين معاها ……..يس الصراحة هذا مو حل ان اتمد ايدها و ين ربها اولا و اخوانها ,ابوها , عمامها , خوالها معقولة ان ما في ريال اوقفة عند حدة … وانا اشوفكم جنكم امايديين الموضوع لو احصلكم اطبقونة بعد ))
بنات انا برايي عيب لو مهما يكون و موحلوة بحق نفسح قبل ماتكون بحقة اهوة و لا رجولتة .

والله الصراحه على قولة الكتورة فوزية الدريع في رياييل اهم يبون حريمهم تطقهم يعني اهم سلبيين والا في ريال عاقل يرضى مرة تمد ايدها عليه هذيلي اكيد قلة وفيهم اسقاطات من الصغر يعني اكيد امهم كانت متسلطة وكانت تطقهم حتى وهم اكبار وسبحان الله يتزوجون من حريم من نفس الفئة فخلاص يتعود الريال على المهانه والطق .
الحمدلله والشكر لله اللهم لاتبلانا الا بلاءا حسن

دبدوبه
والله اي رجوله اذا اهوه رجولته تسمح له انه ما يدري عن البيت وامسويه فندق
الرجوله ان المره تروح الجمعيه
الرجوله المره تودي المدارس
الرجوله انه مخلي البيت للخمده
الرجوله مجابل ربعه
الرجوله انه يخلي مرته اهيه ريال البيت
الرجوله يخلي مرته اهيه حق المستوصف
الرجوله يخلي المره تجابل كل شي اصلا انتي لو بطالعين حتى لو ايي صباغ البيت المره تجابله
الرجوله عنده بس اخر اليوم يحس برجولته بفراشه مال من يشوته اهوه وفراشه
لا واخرتها ما يعجبهم العجب

ال رجوله آل

خل تنفعهم رجولتهم
وانا من اكبر مؤيدين الموضوع لو يحصلي ارد الزمن لي ورا اني ما اتزوج اصلا

ههههه

هالكلام كله قالة في برنامجه اللي على الراديو قناة الكويت العامة كل يوم سبت الساعة 2

يا جماعه الرياييل و الحريم في منهم الزين و الشين ..و كله على التربيه و البيئه اللي نشا منها ..و احيانا الظروف تحد المره تسوي بالريال اللي تسويه و ساعات الريال هم تحده الظروف يسوي بالمره اللي ما يتسوى ..و عموما خالد العبدالجليل اشووووي يبالغ بالاسلوب و طريقة طرح الموضوع ..و عش رجب ترى العجب

اصلا اهوه متحدث شاطر .. بس بصراحه ما اصدق كل كلامه وايد فيه افلام اثاره