|
|
السلام عليكم
شلونكم بنات
بقولكم سالفة رفيجتى اهيا متزوجه وعندها بنت وولدين وعايشه ببيت حمولتها
وعندها حماها ومرته طالعين برا بس يوم اليمعه زوارتهم لبيت الحموله
شنو مشكلتها ؟
خالتها مره كبيره بس بصحتها
ورفيجتى هذى علاقتها مش ولابد مع مرت حماها يعني بس سلام طقة خد ومرت حماها تحاول بكل المواقف تحر رفيجتي وتستغل الخاله علشان تحر رفيجتى
رفيجتى تقول خالتها تحبهم وتغلي عيالها وتدلعهم بس متى ؟ لما يكونون بروحهم يعني لما تكون مرت حماها وعيالها مو موجودين
لما تكون موجوده مرت حماها وعيالها تقول اصير انا وعيالي صفر على الشمال حتى عيالي لما يبون يحبونها ويلمونها واهم متعودين على هالشي تقول ما تلمهم بقلب ولا تبين غلاهم جدام هذيج وعيالها
وتعالي شوفي غلات عيال مرت حماها التهلي والكلام الحلو والبوس والحضن وعيالها بس يطالعون بعيونهم.
مو مع العيال بس حتى مع رفيجتى
تقول المدح والسوالف لهذيج واي شي بسيط وتافه تسويه مرت الحما يا كبره ويا حلوه عند الخاله وتتذكر سوالف من زمان تعيد وتزيد فيها
ورفيجتى مع انها مو مقصره تقول المدح بالخش والدس تخاف لا هذيج تزعل عليها وانا وعيالي خاطرنا بالطقاق
رفيجتى تقول انا كلمت زوجي اكثر من مره بس الريال يشوف حب اليده للعيال اليومي بحكم انها عندهم بالبيت ولا عمره شاف معاملتها لعياله بحضور حماتها وعيالها وكله يقول انتي جذابه وتبالغين ومو كفو هالحب من امي
اهيا سكتت وماقامت تقوله لانه ما يصدقها
اهيا تقول الحين اتفادي يمعتهم ما احضرها لان كل ما حضرتها صعدت فوق مت بجي من الحره على نفسي وعيالي وهذيج تطلع مستانسه لانها شايفه فرق المعامله
حتى تقولي مع انها مسويه قرقيعان عيالها وتبي تعطي خالتها بس تقول شكلي بهون ولا راح تنزل بالقرقيعان ولا تعطي خالتها شي لان تدري انها ما يبين بعينها اذا هذيج موجوده وهذيج ما تطوف مناسبه الا موجوده طبعا وين تلقى هالمعامله والغلا حتى عند اهلها ما حصلت جذى
شرايكم ؟؟
انا صراحه هديتها بس ما عطيتها حل
شقولها ؟؟
اعيالها ماخذين الحب طول الاسبوع لاتصير انانيه
خل اليمعه لحماتها واعيالها
قولي حق رفيجتج لا تسوي حق نفسها مشكله من ولا شي
والله انا عيال عيالي غالييين واموت فيهم كلهم وبنت ولدي اللي ساكنين عندي ياكبر غلاها بقلبييييييييييي اعتبرها قطعه مني وولد ولدي اللي ساكن بره معزته عندي ماتقل عن بنت ولدي <<< ياخوفها اذا موفاهمينها هههههههه
يعني بالعربي اليده تحب عياال عيالها مثل ماقال راعي المثل … شأعز من الولد قال ولد الولد
بس لي صارت الزواره وكلهم متيمعين ماافرق بمعاملتي بين الجنااين يعني لي صبيت استكانة الجاي حق العوده لازم اصب حق الصغيره لاتستغربوون ايييييييييي اصب لهم الجاي وادلعهم ومارضا عليهم طبعي جذي مع ان الكل يقول لي لاتدلعين جناينج بس ليش مادلعهم واهما يبوسون راسي بالروحه والرده
ماعلينا نرجع حق اليهالووووووووووو"
عيالهم وقت الزواره اخليهم يتكافخون ماعلي منهم اللي يقرب يمي ابوسه واعطيه حلاوه واللي يلعب بعيد عني ماايشوف شر ولي تطاققوا استانس" اقول يازينكم وانتو تتكاافخوون والحمدلله يوم ربي بلغني وشفتكم خبلان وماتحشمون احد ههههههههههههه
وفوق هذا وذاك ولد ولدي اسم الله عليه العود صاير زعيييم يمشي ويطق اخوه وبنت عمه وصاير شيطااااان ماايطيع الحجي ويسوي حركات هبال واليهال يقلدونه عااد قلت حق جنتي الصغيره لي شفتيه يخربط شيلي بنتج وروحي بيتج علشان ماتقلده هذى ياهل وماتفتهم الصح من الغلط وهذا ولد ولعبه وشطانته مومثل البنت والحمدلله متفهمين الوضع وماكو اي مشكله
المفرووض رفيجتج ماتفكر جذي يمكن الخاله تعامل جنتها البعيده جذي علشان تكسبها وماتقطع منهم ترا مريت انا بهالمرحله وكنت احاول افرق بمعاملتي بين الجناين بس ماظبطت السالفه لاني ماعرف اتصنع ههههههههههههههه وكنت ابجي لاني ماشوف ولدي ولامرته ولاعياله والحين تبارك الرحمن عسا ربي لايغير علينا يمروني يتفطرون عندي يوم وترك وقبل رمضان يزوروني مرتين ثلاث مرات بالاسبوع
قوووليلها تسلم عليج ماماعوده نونو وتقوول لج وسعي الصدر وخليج خووش مره وكسبي خالتج ترا الحريم الكبار ماااينشره عليهم كلمه اتييبهم وكلمه توديهم وصدقيني دامها معاها بالبيت ترا اهيا العزيزه والغاليه واهياااااا الكل بالكل بس نوعية خالتها يمكن مو من النوع اللي يظهر المشاعر <<< اخ يامشاعر هههههههههه
ودمتم سالمين
انا رايي من راي الغاليه نونو
وخل تكبر عقلها وتطنش
اعيالها طول الاسبوع مدلعتهم فعيال حماها ادلعهم يوم بالاسبوع عادي
اهيا مو انانيه ولا تبي الغلا لها ولعيالها بس
المشكله عندها ان خالتها تتغير عليها لما تكون مرت الحما موجوده وتتغير حتى على عيالها
يعني اكيد ماراح تزعل ان اليده تغلي عيال ولدها الثاني مثل ما تغلي عيالها ويمكن ليش انهم برا البيت تزيد الجيله شوى بس مو لهالدرجه تقول كلش ما تعبرني ولا تقول شي زين لي والغلا والمدح لمرت الحما
حتى عيالها تقول والله حتى البوسه ما تبوسهم وتصير مرات تعلق على عيالها بشكل طنازه والبنيه تحتر
مرت الحما ناشره بكل مكان انها اهي العزيزه والغاليه ومن حقها لانها تشوف هالشي بعينها ولو تييب للخاله دراعه والا خام جنه يايبتلها ذهب الله يالمدح والشكر ورفيجتى ياما شرت ماشافت هالمدح والشكر
والحب لرفيجتى وعيالها بس لما يكونون بروحهم بس
رفيجتى حيل مضايقها ان مجاملات الخاله لمرت حماها على حسابها
زين تعاملهم مثل مثل والعيال اليده المفروض ما تتغير عليهم
حتى بنت رفيجتى عمرها 6 سنين لاحظت هالشي وتقول لامها ( ماما ليش ماما عوده تحب ………( بنت مرت الحما الي اهي بنت عم البنيه ) اكثر مني وتقعد بحضنها وانا لا )
فهمومها اهيا مو انانيه ولا غيوره وحسوده
بس صراحه انا فاهمتها وحاسه فيها البنت مقهوره من فرق المعامله من مجامله الخاله الاوفر للجنه
ياليت تفهمونها وتعطونها الحل
شتسوى ؟
تكلم الخاله ؟ بس اهي من النوع الي يستحي وما يتكلم ؟
انا قلتلها كلمي خالتج بس تقول الشي اذا ما طلع من القلب ومن خاطر الي جدامي مابيه
بس المسكينه تعبت
شالحل ؟
توقعت ارد القى الردود والحلووووووول
صراحه خاب ظني ؟؟؟
جاوبوني شقولها ؟؟؟؟؟؟؟؟؟؟؟؟
وهذى تقول ماراح انزل عليهم بيوم القرقيعان الله يهديها بس