خاص وسري بأمهات التحدي والصبر

السلام عليكم ورحمة الله وبركاته

هذا الموضوع أدري بتكون مشاركاته قليله .. لكن بصرااحه كلنا إجتمعنا على قلب واحد
وطيبه وحده .. بالرغم من كل الصعوبات والمشاق والآلام اللي تربطنا وتقيدنا بعيالنا .. إجتمعنا
وإن شاء الله يتحقق لنا اليوم اللي كلنا نلتقي فيه مثل ما باقي أقسام المنتدى إلتقوا في بعضها

بصراااحه ترددت وااايد بكتابة الموضوع .. لكن أتمنى ألقى التفاعل الطيب منكم

بنتعارف بشكل شخصي ونبي نقرب أنفسنا في بعض أكثر وأكثر .. حتى نلتقي

وأنا ببدأ الأولى لأن أدري محد راح يتشجع إلا بهالطريقه

7
7
7
7
7
7
7
7
7
7

7
7
7
7
7

معزمين تعرفون منو أنا
7
7
7
7
7

أنا أم عزوزي
عمري 30 سنه والحمد الله محنا مآخذين عمرنا وعمر غيرنا
وأم لأربع أولاد ولله الفضل والمنه
عزوزي الثالث بينهم
كويتيه وساكنه في ضواحي جنوب السرة الصديق
هوايتي المفضله : كانت القراءه وصارت منتدى كويتيات والجريده صارت ديكور بالبيت
أممممم وبس لحد هني وحمدوا ربكم بعد
مواصفاتي الخاصه : أحم أحم شقرا ومدحدحه خخخخخخخخخ أقص عليكم مو تصدقوون

يا الله بشوووف منو اللي بيلعب معاي جرأة … ترى كل وحده لها حرية الإختيار باللي تبي تفصح عنه
يعني مو شرط باللي كاتبته أنا بالضبط وبعطي الموضوع مهله حتى رمضان وإذا ما كو مشاركات
مسموح للست الناظرة بإلغاءه <<< فديتها أنا

ست الناظرة قصي الشريط بارك الله فيج … يا حبي لج

سلام عليكم
انا ام علي
وعمري 23 سنه وعمر علاوي حبيبي 3 سنين
وصارلي سنه متخرجه بس ما اشتغل لي الحين
مجابله علاوي

وووشنو بعد ياربي
بس انشالله نستفيد من تجارب بعض
ومشكورة ام عزوز على هالفكرة الحلوووة

الصابرة المحتسبة
ام عبدالله
عمري توني بدش الأربعتش<<<<<<41

يسوفي الخامس
امممممم بعد شنو بيتنا على البحر >>>>>>>>شاليه ههه
مواصفاتي : فل اوبشن بس تعيبينه شوي هالأيام يبيلي سيرفس
ثانوية عامة
هواياتي منتدى كويتيات والقراءة بس هالأيام قلت شوي.

مشكورة يام عزووز على هالموضوع.

يا حبايبي ما شاء الله عليج لا قلنا مبدعه -مبدعه
من زمان كنت حابه اتعرف عليكم اكثر
اسمي ام عبدالعزيز
واسكن القيروان-جنوب الدوحه سابقا-عمري 37
عندي نعمه من العيال لاني تزوجت صغيره16
7 اسم الله عليهم ويوسف السادس بينهم
هوايتي كانت الجريده الصبح والمطبخ ايام ماكان ندي خدامتين الحين انحاش منه-الحين -منتدانا الله يديمه وما اقطع عنه
بعد-بعد شنو نسيتربة بيت وما اسووووووق سياره
الالوان المحببه كلها
احبكم -احبكم

عليكم السلام ورحمة الله وبركاته
يا زين أم علاوي والله .. عسى الله يبلغج بره يا الغاليه .. ويعطيج طولة العمر
والعفو فديت عيون اهل السعوديه

العفو يا الغاليه .. ويازينها من ريوووق على البحر
ويا حلاتها الفل اوبشن .. كح كح
ويا عساج العمر كله وانتي بصحه وعافيه يا أحلى وأخير صحبه في حياتي أنتي

يا زين شمرمر يا زينها .. من زينج خمطوج من عمرج 16 خاف تطيرين من اديه الريل
وأنا بعد أحب المطبخ بس عزوز خفف دخولي له ..
يا حلاااااات الواضحين يا حلااااتهم .. كل الألوان صج انج فرااايحي
قولي بعد قولي

لا يوقف

يا مبدعة المنتدى انتي والله كنت اتمنى ايي هاليوم ونقرب من بعض أكثر وأكثر 000000
بس عاد مو تخترعون باللي بقوله ولا تجاملون وانا ترى طول عمري صريحة 000طولتها ياالله لي قلت لكم منو انا يتعذروني على هالطواله
عمري 49 ههههها يعني اخت بعضكم وام بعضكم00متزوجة وعندي بنت وثلاث أولاد 00جدة عندي احفاد بنت وولد وان شاء الله اثنين يايين بالطريج بيتي بالقرين ووووو00أي صبروا قاعدة أتذكر00ايي ماني طويلة حنطاوية امشي على عكازتين امممم ومتقاعدة 00بس عاد كافي مو جذي

قوة ام عزوز
انا ترى كويتيه
مو سعوديه
ودشتيه بعد

مشكوره ام عزوز على الموضوع الرائع
انا سمسومه ام جود عمري 24سنه ثانويه عامه
ماعندي إلاجودي الله يرزقني بخوانها يارب
سعووووديه ساكنه في الرياض الله لايخليني منها ولا من أهلها
احب النت والفراره في المنتديات
بيتي وبنتي وزوجي والنت كل عالمي
وبس

يااا احلاااااااااااتج يالمبدعه ماشاء الله عليج عيني عليج باااااارد اللهم صلي وبارك على سيدناا محمد
انا ام اسوم شمس الضحى<<<احلفي هههههههه
مكرسه وقتي كله حق اسومتي
احب المطبخ والطبخ ونفسي حلو بالطبخ
دشيت الاربعينااات الله يعطيناا وياكم ياخواتي طولة العمر بس الشكل اصغر بواااجد ولله الحمد
عندي 4عيال بنتين وولدين اسوم هي الجعده
وصرت جده من حوالي سنه
شوي متبتبه مو واااايد اي هين<<<
يقولون اني حلوه هههههههه
الهوايات القراءة والطبخ وحاليا النت ومنتدى كويتيااات
احب ام عزووز واجد والصابره ومشاعل وكنديه وكللللللللللللل امهاات التحدي والصبر
واي سؤال انا حاضره لاني حيييل نسايه

عمري عقب 10 ايام راح يصير 32

ساكنه بالكويت وطن النهار ( جنوب السره)

اشتغل في وزاره الصحه و زوجي بعد معاي بس حاليا اهو في مصر يدرس الدكتوراه يعني انا ابروحي اهني

حمودي بجري و الحمدالله عقب 7 سنوات الله رزقني بفهد وشهد

هواياتي الطبخ …و اي شيء اسمه اشغال يدويه من تغليف هدايا الى تفصال ملابس او حتى صبغ البيت و الديكور على قوله بنات عمي

يسموني مارثا ستيوارت

و اهم هواياتي القراءه من يوم ما كنت بنت صغيره

حمودي اعاقته صفات توحد 29 في كارز هذا الكلام قبل سنتين و ان شاء الله برمضتن اراجع دكتورته فاطمه العوضي و نشوف شنو صار عليه

حمودي البركه اللي موجوده في البيت اللي كل ما اتعب فيه كل ما تحل البره و يحل الخير في البيت و اهو اللي غيرني و خلاني اتقرب من ربي

طبعا كلنا قبل الزواج كنا رشيقات بس من سوء استعمال ازواجنا الجسم اخترب و انا وحده من اللي جسمهم اخترب

اكثر شيء مشهوره يه اني صريحه و اقطها بالويه و ما اجامل و ان دمي خفيف و وايد ناس يحسدوني على هالشغله و يقولون لي اشلون تضحكين و انتي ظروفج مع ولدج جذيه ؟!؟!؟

مساكين يكسرون خاطري لان ما وصل فيهم الايمان ان الله ما يبتلي الا المؤمن و الحمدالله رب العالمين الله يقدر و يلطف

ربي قدر ان فرحتي الاولى حمودي يكون فيه صفات توحد بس لطف فيني لما طلعنا من اعيال هالديره الطيبه اللي امسهله كل شيء لنا تعليم مجاني

راتب للولد …الله لطف فيني لما سخر لي المدرسه و لما سخر لي ناس يساعدوني و لما سخر لنا بنت الكويت و افتحت قسم الاحتياجات الخاصه

علشان كل وحده فينا تعلم الثانيه تجربتها و كل وحده تسولف عن ضناها بدون ما تخاف من نظره الناس و من عدم تفهمهم

و يشرفني اني تعرفت عن طريق المنتدى على سنع و منع حبيبه قلبي و ناني سيكريت و ضحى اللي الصراحه خوات دنيا

و اخيرا و ليس آخرا الله يشافي اعيالنا و يبلغنا فيهم و يقر عينا يا رب

تشرفنا بمعرفتكم خواتي وياعسى ربي يعطيكم الصحة والعافية
[/

الله يعافيج ياالصابرة000شعليه البحر والنسيم العليل