خاص لمدرسات الفنيه وللى عندهم ميول فنيه .

شلونكم ياحلوين

بغيت طريقة الرسم بالماي (يعنى احط حوض ماي واشكل فيه بالفرشه والالوان شكل معين وعقب احط وورقه واسحبها تطلعلى الرسمه) ….

تكفون اللى عندها خلفيه تفيدنى وعساه بميزان حسناتها ان شاءالله
– طريقة الرسم
– شنو اخلط مع الماى وجم النسبه
– شاسم الالوان
– نوع الفرش

وجزاكم الله الف خير مقدما
ناطره بنات ديرتى المبدعات
يلا يافنانات ورونا شطارتكم

شدعوا بنات مافيه ولا وحده فنيه او حتى تعرف احد وتسأله

بليز حدى متوهقه ساعدونى عسى الله يجعلها بميزان حسناتكم

والله ما عندي فكرة

مرحبا حبيبتي
ان سويت الفكره هذي ورشه للمدرسات واعجبتهم بشكل ما تتصورينه
اشتي الألوان من مكتبه بدسمان عند وحده اسمها فرح بس تكون موجوده الصبح واسم المكتبه الفنون البدويه
واسم الألوان الماربلنج marbling
وتنحط عليها ماده تكثف الماي بعد عندهم ب1:250
وبعد تقدرين تحطين ألوان حرير روحي عند فرح وتعلمج كل شي

مشكوره دلول عالمعلومه الحلو
بس انا طبقتها بصبغ الرش
طشششششششششششت فيه ماي
ترشين فيه اللون اللي تبينه وا لونين او 3 الوان
وتغمسين الورقه فيه بسرعه وتطلعينها
راح تطلعلج تاثيرات حلوه

هاي حبيبتي
انا بعد سويت بالرش
بس ما طلع نفس تأثيرات ألوان الماربلنج
بالعكس هذي الألوان تخليج تنبهرين بالأشكال اللي تطلع لج)
جربيهم وراح تستانسن من النتيجه بصراحه انا سويت ورشه وكانت ابله قبلي مسويه ورشه بالرش
بصراحه اعجبتهم أكثر الألوان انا ما امدح نفسي بس انتي جربي وراح تشوفين الفرق بين الرش والألوان

اي انا اول مره اسمع بالالان منج
وان شالله بجربهم