خاص لامهات البنات المراهقات

بسم الله الرحمن الرحيم

ودي استفسر من امهات البنات المراهقات

شلون تبدين تمهدين للبنت عن امور البلوغ والاستعداد النفسي والجسدي لها؟ والاحكام وغيرها
ومن اي عمر تبدين (8 ولا تسع مثلا)؟؟

هل انتي تفاتحينها ولا تخلين طرف ثاني من الاهل او دورات ولا شلون؟[/FONT]

والله يحفظ لكم بناتكم

وشاكرة لكم :bal[/COLOR]o:[/SIZE]

اخت كنوز الله يعطيج العافية انا الصراحة ماعندي بنات بس خواتي عندهم بنات بعمر 8 و9 10 تقريبا لم فكرت اختي تفاتح بنتها بالموضوع اتضح انها تدري وناطرة اهي وباجي الشلة هاليوم بفارغ الصبر بنات هالوقت كل شي يعرفون ويمكن يعرفون اشياء ماتخطر على بال الأم التلفزيون والأفلام والمسلسلات ماخلت شي …… بس أعتقد لازم أمهم اللي تكلمهم بهل مواضيع تبدين بالعناية والنظافة الشخصية بالجسم وتدخلين بموضوع الدورة عشان بعدين ما يتفاجأون. وان شاء الله ربي يصلحهم ويهديهم لج

شكرا يا ام التوت وربي يحفظ بنوتاتكم بعد

وصح كلامج لازم معرفة هالامور تجي من الام ومن مصدر صح احسن من ان تسمع من برة

وبانتظار بقية الاخوات امهات واخوات الصبايا

اتوقع انه الموضوع لازم يكون في القسم العام حسب فهمي لان البنات ما يدخلون قسم التربيه يدخلون العام و غيرها ..
و ان شاء الله بتستفيدون منهم اذا كانو صغار او كبار او امهات ..

ما عندي فكره كلش بناتي كلهم صغار ..

انا اتذكر امي قالت لي ان امي قالت لي ان الوحد لما تكبر يتغير شكلها وتسير بنوته اكثر يكبر صدرها واتغير اشياء فيها يطلع لها شعر بأماكن كذا وكذا وهذا دليل انها بدت تكبر وبعدين في شي اسمه فترت المحيض واهو نزول دم مثل البول عزكم الله بس ما انتحكم فيه لمدة سبع ايام واني اذا صار معاي هالشي لازم اعلمها عشان تعلمني اشياء ثانيه بعد وتقصد لبس الكوتكس والاغتسال
يس كانت امي شاده حيلها وانا كنت اعرف الموضوع كله من طأطأ لسلام عليكم بس مأدري ليش كنت مسويه نفسي بريأه يحليل امي كانت واهي تشرح لي منحرجه
<<< كانت شاقه الارض وطالعه

اتمنى فدتج واتمنى بنتج تكون قطوه مغمضه بس ترى هذا الموضوع يشرحونه بثانيه متوسط وبثالثه بالتفصيل انا اتذكر المنهج القديم

بنت باباتي الله يخلي لج الوالدة يااااااااااااارب

والله انا بناتي بريئاااااااااااااااااااااااااااااااااااااااااااااا اااااااااااات لدرجة مو طبيعية ما يعرفون هالسوالف مثلي قبل بس احس بنات جيلهم يعرفون كل شي ومحتارة مادري اقول لهم على خفيف والا لا بس يسالوني ليش ماتصلين مرات اقول لهم المراة تصير لها اوقات كل شهر الله يعذرها ماتصلي انتو اذا كبرتو وصار فيكم هالشي لازم تتحجبون ولازم تهتمون بنظافتكم اكثر يعني اطعمهم بشغلات بسيطة بس الي حواليهم مشكلة حيل حيل واعيين وماودي ياخذون المعلومات منهم الله يحفظهم ويصلحهم يارب وانا عن نفسي تعلمت من المدرسة كل شي

شكرا ام جانا وجاوا

بنت باباتي مشكورة على نقل التجربة والله يحفظ لج الوالدة يعني عادي الواحد يعطي تفاصيل

قلبي ابيض شكرا عالمرور

القران ربيع قلبي… تقديمج لهالموضوع حلو وبالتدريج

مفروض في دورات او دروس دينية للبنوتات الصغار من لهالعمر بحيث تصير التوعية مناسبة وتشمل جميع النواحي

بس انا اعتقد الام لازم تبدا مبجر لان ما تدري اي شهر يحصل هالشي في بنات من اقل من 9 وفي بنات الى ال13 وال14 فلازم تكون متحضرة عشان مثل ما تفضلتوا ما تسمع جهات غلط يخوفونهم وللا شي

وشاكرة لكم جميعا

بالنسبة لي انا بنتي من كملت 9 سنين

علمتها ان البنية لي كبرت يتغير شكلها و جسمها

ووصفت لها شيصير

و قلت لها عن الدورة

و كل شي

عاد عقب هالسالفة بسنة يتني جان تقول لي يما

النيرس بالمدرسة سوت لنا محاضرة شلون البيرود و شلون نلبس الباد

و اللي تتفاجأ فيها بالمدرسة تروح للنيرس تساعدها

و تقول :

يما راوتنا الباد بو جوانح بس ما عجبني صعب احس

عاد لما بلغت يات و قالت لي جنها ما سمعت عن الموضوع كلش

بجي و صياح منهارة البنت

اقول لها اشفيج تبجين

تقول لي واي يما يخرع

ما توقعت جذي

خخخخخخخخخخخخ

كسرت خاطري عاد

هديتها و فهمتها

و الحين عادي الوضع صار بالنسبة لها

و حبت بو جوانح

اختي اسمي ام جنى و جوى و استفدنا منكم بناات .. ان شاء الله ننتظر الباقي

(اعتذاري للخظأ الغير مقصود في اسم العضوة العزيزة)

والف شكر على تجاربكم جميعا