|
|
اذا بتسألون ليش أمهات الأولاد والمدرسات بس
لأن انا مشكلتي مع ولدي.. ومن المدرسه
ومادري شسوي وشلون اتصرف لأن ماعندي أولاد غيره وما اعرف شلون التصرف السليم لمثل هالمشكله
ولدي بثانيه ابتدائي
وطبعا انا تربيتي حق ولدي مثل ما تتمنى كل أم تربي ولدها
أدب..احترام..نظافه..هدوء
على اساس اني ابي ولدي يصير احسن انسان بالدنيا
ماتوقعت ان في اشياء مانقدر نتحكم فيها
شلون يقايش ولدي ربعه بالمدرسه؟؟
شلون يتعامل مع أولاد كلامهم كله سب وقلة أدب؟؟
شلون يتعامل مع أولاد مايتعاملون الا بالطق والهواش؟؟
ولدي اليوم راد من المدرسه ويقولي ان ربعه قالوله(…….)
طبعا الكلمه اللي قالها لي مايدري انها كلمه وصخه وحتى الرياييل يستحون يقولونها وسألني عن معناها
انا حدي انصدمت.. خصوصا ان الكلمه يت جدام بنتي 
ويقول انه اذا رد عليهم يقولونله كلام أوصخ وأوصخ
وطبعا عقب ما قام ينطق كل يوم بالمدرسه ولما يقول حق الأخصائية والا الناظره ماكو فايده ويقولون عادي الصبيان هذا لعبهم
فقلتله اللي يطقك طقه
الولد استانس جني معطيته القرين لايت
وكل يوم يايني كافخ ومكفوخ
بس بالنسبه للكلام الوصخ واللي محد يرضى ينقال
شقوله؟؟ وشعلمه؟؟
اعطيه دروس مثلا بالكلام الوصخ عشان يرد فيه؟؟
والا ابلغ المدرسات أو الأخصائيه على وعسى يسوون شي؟؟
ولا اخلي ولدي كل يوم ينسب وينطق ويسكت علابو انه مؤدب ومحترم
والله حدي محتاره ومادري شسوي
ياليت اللي عندها حل من المدرسات تساعدني
أو أم مرت بنفس تجربتي تقولي شنو سوت
.gif "Eh S(14)")
اقوله عيب محد يقول جذي الا الولد الي مو متربي طبعا ولدي مايفهم شنو مو متربي عاد اقوله الولد الي مايحب امه وابوه يقول كلام وصخ ياويلك ان عدتهااا>>>>محمره العين
وبس انتي لازم تفهينه ان هالكلام وصخ ومايرد على الطلبه ياما وياما راح تشوفين حبيبتي ولازم تكونين صديق لولدج يعني فهميه بينج وبينه ان هالكلام ماينقاال
الله يخليه لج ياارب ويطرح فيه البركه
بس تاج الوفا ولدي عود والصبيان لاعنين خيره بالسب والطق وان سكت عنهم بيزيدون عليه مثل ماهو حاصل خصوصا ان ولدي حجمه قصيييير وعصل
مابي ولدي يرجع من المدرسه كل يوم مطقوق ويقولي الكلام اللي ما اتصور ان في يوم من الايام أسمع ولدي يقوله
ترى الكلام مو سب عادي
سب مخل بالشرف
ومادري شلون أهاليهم مربينهم اذا اعمارهم على سبع سنين يقولون جذي
لما يكبرون شبيقولون؟؟
ومايعرف شيقول لهم او شلون يتصرف مع هالاولاد….
ف علمته انه يحقرهم اذا قالوا مثل هالكلام الوصخ ومايلعب معاهم
ويقول لهم ان الله مايحب العيال اللي يقولون مثل هالكلام ومايدخلهم الجنه
وبجذية ارتحت شوي من هالمشكله واقنعت ولدي انه هو الصح وهم الغلط!!!!!!!!
الله يهدي عيالنا ويصلحهم
بس تهقين اذا قالهم ان الله مايحب اللي يقولون جذي يفيد معاهم؟؟
واخاف ولدي يصير مطقاقة بالمدرسة ان حقرهم
ما يحسون انه جبان اذا حقرهم؟
انا بحاول بطريقتج الحالمه وانشالله تفيد
بقوله باجر يقولوهم ان الله مايحب اللي يتكلم جذي
واتمنى ان اقدر اقنعه بهالكلام انه مايرد عليهم ويقدر يتحاشاهم
يارب لاتبلينى أب جذي أعيال ورزقنى الذريه الصالحه
شوفي حبيبتي غيري الصف أو المدرسه أو وديه خاص في كنترول أكثر من الحكومه مدارس الحكومه تشوفين الأبله أتسب وشتهقين من اليهال إذا سمعو كلام المربيه الفاضله
أنا أخو زوجي في أولى أبتدائي أمس راد والأبله كاسره قلمه وقايلتله الحين أرتحت لأن كان يكتب وحضرتهى تشرح إنزين هذا أولى يعني ياهل
ما أقول إلا ونعمه التربيه والتعليم
الله يعطيج العافية عالتربية السنعة
بس لااااازم يتعلم الياهل :
(لا تبدي ولاتغلط بس اللي يطقك طقه ولا تسكت عن حقك)
وعطيه من الايحاءات اللي تنمي شخصيته:
انت قوي، بطل،شجاع.gif "Eh S(13)")
انت مؤدب وخلوق.gif "Eh S(17)")
دايما كرري هالكلمات على مسمعه
هذا رايي وجل من لا يسهو
انا اعيالي صغار توه الكبير اولى روضه
بس سامعه بنات يشتكون عندنا بالدوام ان اعيالهم قاعدين يقولون كلام قوي وعيب وما ينقال وما يعرفون شلون يفهمونهم شنو هالكلام ؟
صج اللي يحر ان معقول للحين ناس يقولون كلام وصخ ويعلمون اعيالهم
يمكن اول اي بس الحين اعتقد الكل دارس ومتعلم
ما ادري شلون الامهات يسمحون ان اعيالهم يقولون هالكلام
يمكن اصلا ما يدرون عنهم
بس جد مشكله احنا نربي والمدرسه تهدم من هاليهال اللي مو متربين ؟؟
