|
|
السلام عليكم ورحمة الله وبركاته
خواتي بقول لكم قصتي مع زوجي وياريت تفيدوني
زوجي سبق له الزواج ونصيحه مني للي ماتزوجو انهم ما يتزوجون رجل سبق له الزواج لانه العيش معاه جحيم سعر
والله تاعبني دائما يذم فيني ويذكر محاسن طليقته مع ان طليقته فيها مساوئ ونادر ما يمدحني
انا ولله الحمد متوسطة الجمال
تخيلوا انه يقول عني جيكره
خذاني لانه يبي وحده ملنزمه وانا ملتزمه ولله الحمد وايام الخطوبه كان يقول لي اهم شيء عندي الأخلاق لكن بعد الزواج ظهر على حقيقته وهو انه يهتم بالجمال وبس والدين عنده شي ثانوي
حاولت اغير من لون شعري واهتم بنفسي اكثر بس ما يبين بعينه ومو بس جذي
يقول لي انتي ما دشيتي قلبي قلت له لان تونا متزوجين ما يصير تحبني من اول دقيقه ولا لأني مو جميله مثل ما تقول لي ما دشيت قلبك
والله اطيعه في كل شيء واحاول اسوي الي يبي حتى لهجتي حاولت اغيرها واتكلم مثله لان لهجتي مو عاجبته
لما اتكلم يعيب على كلامي ويقول كلامج مو حلو
انتي ما في فايده منج احنا لازم نفترق
وحيل تعبانه منه انا احبه وما ابي اتطلق واهو كلمة الطلاق عنده سهله وايد
حتى لما اطلع وياه السوق يقول شوفي هاذي مو احلى منج
واقوله ما يصير حرام لا زم تغض بصرك ما يصير تغطيني من فوق لتحت وتخز بالحريم احس انه يفكر بجمال المراه فقط
ساعدوني خواتي بحل مريح
ابي ا كتشف شخصيته واخليه يحبني وما ابي لان عندنا بعايلتنا مافي بنات يتطلقون
والله تعبت حيييييييييييييييييل
وادعو لي انه احمل منه يمكن اقدر اربطه بالعيال ويحبني
كيفه الله معاه وبعدين ترى الجمال مو كل شي
لو الجمال بينفع بشي تلقين كل البنات يسون عمليه تجميل
وهذا دام ان جذب عليج يعني اهو ما يبيج
وانا خيتج الي ما يبيج لا تبينه انتي مو ناقصه لا ايد ولا ريل
باجر لو يأخذ وحده حلوه بيتمرمر وبيرد لج يبجي
وانا ما انصحج بالحمل اقولج صبري شوي يمكن تكون خيره ولما يتعدل معاج حملي
علشان لا تتحسفين بعدين
وسوري على الطواله
وتقبلي مروري ..
اذا اولها جذي ينعاف تاليها ………………. حدج غلطانه قاعده مع واحد تفكيره وعقله وعيونه مو معااااااااااج
بس شوفي أختي شكله لما الحين جاهل بحسب العمر يعني أختي شخصيته يبي لها تعامل خااااااااااااص
دشي أنماط الشخصيات وراح تعرفين شلون تتعاملين مع شخصيته هذا ينقص أشياء بحياته لانه مايرضى بلي عنده وراااااايح يشوف بره وأنسان ضعيف الشخصيه سهل التعامل وياه لكن بالحكمه والعقل تقدرين تكسبينه الله يهدي سركم وأن شالله تبشرينا بتغيره وبشرينا عاد
ىاما بنات ماعندهم ذرة جمال بس تحسىن الكل ىحبهم ورجاجىلهم ىموتون علىهم
اذا قالج انتى مو حلوة قولىله كافى انى حلوة بنظرى ونظر كل الى حوالىنى
ومن هالكلام ىالغالىة
خلىج واثقة من نفسج
لازم تبينين له انه عندج ثقة بنفسج… يعني شنو يمشي يمي بالسوق وأشكره يقول هذي أحلى منج.. اذا سوا معاج هالحركات مرة ثانية قولي له لا أنا أحلى منها و حاولي تهتمين بنفسج أكثر.. خلج على طول كاشخة ولا تقطين نفسج عليه.. بيني له انه عندج كرامة واهو الخسران مليون مرة اذا هدج.. اهتمي بالتفاصيل الصغيرة الي اذا هديتيها ورحتي عنه راح يفقدج من خلالها .. والله يعينج عليه
و يسخره لج و يحبب قلبه فيج
بس يا حياتي لا تخلين نظرتج سلبيه
مو كل واحد مطلق نفسج ريلج
بس السؤال قبل الزواج مني يلعب دور
اما بالنسبة لنصيحتج للي ماتزوجوا انهم ماياخذون واحد مطلق ترى وايد رياييل عيال حلال والله ماوفقهم بزواجهم الاول ووايد يتعلمون من اخطائهم واصابع ايدج موسوا
كل ما يهددج بالطلاق قولي الله يعرف مصلحتي وان شاء اللله خيره لي كل شي كاتبه الله لي ولا تمسكين فيه وايد قولي الراي لك وانا لي
ربي. قولي بس تأكد اني استخرت لما وافقت عليك وسلمت نفسي لربي وربي ماراح يخليني اذا انت ناوي تعذبني وقهرني بأنك تغزل في بنات
الناس جدامي ف ربي ماراح يتركي لاني خايفه ربي وملتزمه الحمدلله ..
عطيه هالكلام يمكن يفوق من غفلته .
والله جم مره قلت له الحلا حلات الروح لكن مافي فايده
كله يحطم فيني ويقول مالت على حظي خذيت جيكره ما عرفت قيمة الجمال الا لما تزوجتج وزوجتي السابقه كانت حلوه وكذا وكذا حتى ما يراعي مشاعري
ولما يجوفني اتمكيج يقول ابي وحده جمالها رباني وما تحط مكياج
انا لازم اتزوج عليج
واشياء تعور القلب
والله احس ان الريال الي يقول الاخلاق اهم من الجمال جذاب
حتى اني دعيت وقلت ياربي خله يعرف قيمتي
وين كلام الرسول فاظفر بذات الدين تربت يداك
الرياييل عندهم فاظفر بذات الجمال تربت يداك
والله تعبت منه
المشكله اني ما ابي اتطلق احس الطلاق يحطمني زياده
وعلى الثقه تدرون دايما يقول لي من الاحلى انا ولا انتي
اقول له ما ادري
يقول لي انتي وايد واثقه من نفسج انج حلوه وثقتج مو بمحلها
اقول له انا ما قلت اني حلوه
بس الحلا حلات الروح
والله تاعبني
ادعو لي دعاء المؤمن في حق اخيه مستجااااااااااااب