حياتي صعبه صارت مع هالريال

السلام عليكم خواتي اشلونكم اليوم مو انا وياكم اليوم صديقتي الي تبي تشارك و تكتب لكم مشكلتها لانه انا شرت عليها تكتب لكم و تسمع رايكم و غير جذي الكتابه زينه و تريح النفس .. المهم بخليها وياكم الحين واهيا راح تكتب لكم …

*************************

انا متزوجه صارلي 5 اشهر و حامل صارلي 3 اشهر تقريبا و شوي, زوجي شاب صغير توه و فيه ليما الحين طيش الشباب … حملت بسرعه و قلت الحمدالله لكن ما تهنيت بحياتي مع زوجي إلا الشهر الاول من حملت وانا معاه بمشاكل ورا مشاكل لاني قادره اتفاهم وياه ولا اهوا قادر يفهمني …

حياتي كل يوم تصير صعبه مو متقبل فتره نساتي مشكلتي اني تنسيت فيه و بريحته و احسه مو طبيعي علاقتي الجنسيه معاه من ناحيتي شبه معدومه ما ابي يلمسني كلش احس مالي خلق و اهوا يبيني و انا مابي قام يحط هالسالفه في باله ويهددني اذا ما نمتي وياي راح اتزوج عليج وانا حدي هلكانه انام معاه بالقصب و بعدها اقوم ارجع و اتعب زياده و تطورت السالفه كل يوم تزيد و تزيد ..

وصلنا لي مرحله انه نسينا انه احنا متزوجين وعبالنا انه احنا اعداء بعض مثلا لو اسولف وياه عادي اقوله باجر مثلا البس التي شيرت الفلاني او اشرايك يعني تسوي هالشي يقولي والله مو شغلج انتي ما تآمريني <<< كله عباله احنا قاعدين نتحدى بعض مع انه كان الوضع عادي مو تقولين متهاوشن وانا اطلب منه بس لو شنو صار ما يسمع مني..

زاد الوضع اكثر واكثر و كبرت المسافه بينا اكثرصار كل يوم يبيني ادلعه و اهتم فيه و اداريه و اذا يوم واحد ماسويتله شي لاني انشغلت عنه او شي تنقلب الدنيا و ما تقعد و يقول (( ليش تقعدين تشوفين تلفزيون ليش ما تتحرشين فيني …؟؟ ليش ما تيين تقعدين يمي ..؟؟ ليش ما تبوسيني ..؟؟ انا تزوج عليج انا بروح اخربط انا وانا …))

كله يبي نفسه اهوا اهوا و اهوا دلعيني و كلميني و شوفيني واذا زعلت انا اتمنى يراضيني واذا تعبت اتمنى يقولي اسم الله عليج ماكو .. و اذا قلت له اهتم فيني يقولي انتي انانيه ويقعد يصفف كل شي سواه لي و يقولي انا ابي مقابل

انا تعبت من هالحياه الي وياه كل يوم على نفس الموال محد فينا قادر يتنازل حق الثاني وانا ابيه يحس فيني

هذي سالفتي ويا ريلي و ابي رايكم ما ادري ابي نصيحتكم يمكن لانه تونا متزوجين و ما عندنا تجارب فيدوني ونصحوني او شورو علي شسوي معاه

ههههههههههههههههه ياحلااااتج والله
ياحياتي هذا كله بسبب النساة والحمل
لما تولدين تنتهي كل مشاكلكم وتبدأ مشاكل جديدة مالت البيبي
تعلموا تدورون نقطة التقاء بالحوار بينكم
الرجال بيبي كبييييييير مايكبر مهما تحاولين يبيج تدلعين وتدارين فيه
تحملي ووسعي صدرج
واحد فيكم يكبر راسه عاد
احلى شي بالعمر اول سنة زواج
فاستمتعوا فيها وخلوا عنكم العناد

ابتسمي وفكري بالبيبي الجاي بدال ماتفكرين انه هالرجال صعب
وخري تفكيرج عنه وفكري بالنونو ملابسه استعداداتج له صحتج مراجعاتج
لاتفكرين بزوجج نهائي دام تتنسين عليه
وصدقيني بس تولدين راح تردون تحبون بعض حيل
والحمدلله انه في نونو بالطريج يجمعكم من جديد للحب وينسيكم تعب الحمل والنساة
ويلا عاد ابتسمي بلاش هالتبويزة عالصبح

حبيبتي اول شي مبروك عالحمال..

وهذا يمكن عشان توكم ببداية الزواج ولا تنسين انج قلتي فيه من طيش الشباب يعني بعده مو متفهم النساة وغيره..

وانتي حاولي انشالله اذا ارتفعتي وخفت النساة انج تعوضينه لان يمكن ما تهنيتو بزواجكم على طول حملتي ونساة وعفسه ومزاج.

وانشالله اول ما تولدين بالسلامه بيرجع يعوضج ويحس انه خلاص صار ابو ومسؤل عن بيت وولد..

حاولي تهتمين فيه حتى لو تغصبين عمرج عشان ما يحط في باله انج ما تحبينه لأن الريجيل ما يعرفون سوالف الوحام اهتمي فيه قد ما تقدرين

دلعيه وبسج تداحرينه
الريال ييبي الونيسة اللي تهتم فيه
مو يعني حامل تهملينه
شدي حيلج وتحملي وحطيه بعيونج يحطج بالاثنين
والف الف الف مبروك على حمالج يا امي
تذكري اني وايد بنات محرومين من هالنعمة والله عطاج اياها صوني ريلج وبيتج وعيشي كل لحظات الحب معاه
صدقيني هذي البداية اذا تعود بيتم جذيه
لا تعودينه على الزعل والهواش والمشاكل ياغلاي
انتي مرة فاهمة شوية دلع ما يضرون ياقلبي انتي
الله يهنيج ويقومج بالسلامة حبوبة

صباح النور حبيبتي عهود والله قالولي انه كله لانه نساه بس توصلين مرحله بس خلاص ما تبين تكملين و انشاءالله نتغير و ابي دعائكم……. واي متى اولد ببجي

اي والله انشاءالله يتغير لما اولد و يصير شوي مسؤول … والله قاعده اعد الايام علشان اولد و تخلص هالمشاكل.. كلمت توه صديقتي متزوجه صارلها سنتين تقول والله نفس مشاكلنا .. الله كريم و ادعولي

ان شاءالله الله يسمع منج والله اختي ما قصرتي على مرورج صج اول الزواج و حمل تخيلي مريت في فتره كئابه قمت ابجي و اقول مابي هالبيبي اعوذ بالله .. بس الحمدالله ان شاءالله ارتفع شوي من النساه و اصير احسن.. ذيك المره اقولهم اذا خلصت نساتي اصير زينه يقولولي لااااا وين يبدي معاج الثقل قلت واي تكفون قولولي شي زين عن الحمل تكفون كله محبطيني

اي والله صج ما يعرف ولااااااااااااااااااااااا شي و كله عباله ابالغ و او اجذب ولما اقوله تعبانه جنه مو فارقه معاه و لما واحد من ربعه يقوله تعبان يقوله ما تشوف شر و جذي وااااي قهر
ذيك المره قلت له يليت معدتك تعورك و تحس اشلون الم المعده اذا صار 24 ساعه اشلون المزاج يصير قصبن عليك خايس .. جان يصارخ تدعين علي انتي ما تستحين واااااااااااااااااااااااااااااااي بط جبدي

انا ما اداحره اهوا الي يداحرني
ام كشه شوي دلع ما يضر ادري بس 24 ساعه دلع و انتي متى تتدلعين ؟؟؟؟؟؟؟؟ و اذا مالج خلق تعبانه و تبينه يهتم و يدلعج تصيرين انانيه واي مأساه

الله يعينا و ياكم على هالحياه

شوفي اخذي الامور بهداوه وصبروانتي حامل الحين ومشاكلك كلها مرتبطه بالحمل وزوجك مو متفهم ؟؟؟حاولي تتقبلين الامور مثل ماهيه ولا تجادلينه ولا تناقشينه وطوفي والتزمي الصمت وبعد ما تولدين راح تتغير الامور كلها ويصير همك البيبي
ميخالف الوضع متعب وفيه شباب يتزوجون وما يبون يتحملون المسؤوليه بس انتي كبري عقلك شويه ومو لازم يدلعك ولا يهتم فيك اهم شي لا تفتعلين المشاكل وصدقيني الامور راح تهدا
وبالنسبه لواجبه الشرعي لازم تعطينه اياه والله يعينك ..تحملي الزوج والعيال والمسؤوليه كلها تبي الصبر وطوله البال والله يسهل امورك وولادتك

اتفق مع عهود الحب

والله يسهل عليج … وتولدين بالسلامه

الكلمه الحلوه …. مع شوية ابتسامه حتى لو مجامله تسوي شغل

ليش رضت فيه من البدايه اذا تعرف انه صغير وطيش شباب !!!!!!!

الله يتمم عليها ويسخرهم لبعض … ولاتنسين تقولين لها انه الحمل يعمل عمايلو بالنفسيه

وييه من صجج بعد ما طاح الفاس بالراس تقوليين جذي يا معوده اصلا الكل قالي انه اهوا صغير بالعمر بس مخه كبير و شكله كبير مو ياهل و يوم شفته والله ياهو ثقيل ياهو شخصيه و يوم سألنا عنه شنو قالو عنه و يمدحونه ما تصدقين بس الريال مع ربعه و اهله غير و مع مرته غير…

قولي الله يهديه و يعقله و ثقله (( اللهم اصلح لي زوجي و اصلحني له و ارزقني الذريه الصالحه برحمتك يا ارحم الراحمين))