حمود النومس او علي صفر ؟؟

مسااااء الخير بنات :*****

انا رحت استشاره للدكتور حمود النومس مبين عليه ان اذا عندج مشاكل بالتنفس راح يعالجها لج و شاطر فيها بس من كلامه ماحسيته شاطر من ناحية التجميل
قالي اضعف لج الارنبه بس ما اصغرلج الاجناب و انا خشمي لي ابتسمت فيه خنافر و يفرش قالي لا هذا من عضلات الخد انا ماقدر اسوي فيهم شي !!! :/
بعدين انا عندي تضخم بالقرنيات و الحاجز الانفي ملتف فقالي انتي عمليتج يبيلها 5 ساعات ،،،،!!!!! طبعا انا هني اخترعت و بالنهايه قالي تكلفت العمليه و المستشفى 3300 ،،، انا ماعندي مشكله مع السعر .. الي كان صادمني مدة العمليه و سالفة التجميل ،،، و توني شفت بلوقر مسويه خشمها عنده مادري حسيته مو مضبوط شكله و كبير ،،،

بعدين رحت حق دكتور علي صفر و فحصني و عطاني نفس تشخيص النومس و قالي عمليتج بالكثيييييير ساعتين او ساعتين و نص و عطاني وقتي بالاسئله و شرحلي كل التفاصيل و اخذلي صور حق خشمي و قالي انا اهم شي بالنسبه لي ان تنفسج يكون 100٪ انشالله بعد العمليه ولا تحاتين شكل الخشم انا اسوي طبيعي و الي يناسب ويهج و ملامحج ….

مادري محتاره بينهم مع اني ارتحت للدكتور علي صفر اكثر و وايد اسمع مدح عليه و شايفه جم بنت مسوين عنده و ماشالله بيرفكت … بنات انا قريت مشاركة عضوة كانت لها تجربة فاشله مع الدكتور علي ،، فيدوني بليز بنات الي يعرفهم او مسوين عندهم ،،، و ماقصرتو :****

الله يسهل لك واتمنى ماتستعجلين على العمليه وتأكدي من شغل الدكتور

ربي يوفقك

مشكوره قلبي غفوة على الدعوه الحلوه و اكيد مابي استعيل هذا شي مهم و بالويه يعني لو يصير شي لاسمح الله واااايد راح يأثر على النفسيه

و اذا كان شغل مضبوط و صح طبعا راح يأثر عليها بطريقة ايجابيه

))

بنات فيدونا بليز منو يعرف معلومات زياده عنهم

انا توني ماكملت شهرين سويت عمليتي عند حمود النومس وندمت لاني استعيلت وماخذيت وقتي بالقرار
بالبدايه عطاني كلاام وااو ان راح اسوي خشمج واعدلج الارنبه وراح اسويه طبيعي وعلى ملامح ويهج

ونفسسس حالتج قتله انا لمن اضحك خشمي ينفرش وابي لمن اضحك ما ينفرش وابيك تصغره
قالي هذي عضلات الخد ماله شغل
معن في دكاتره يسحبون الخشم بغرزه بحيث لمن تضحكين ما ينفرش

وضعفلي الحاجز الانفي حييييييييل ( العضمه الي فوق) وصار شكل عيوني مادري شلون مو متقبله ويهي تغير شكل عيوني
وتخيلي تشوفين الخشم من فووق ضعييييف ومن تحت مدور وعريض
يعني ويع ماكو تناسق ونفسيتي زفت حاليا حتى مالي خلق اروح الجامعه

رفيجاتي ناطرين يلا بنشوفج ومتشوقين وتعالي خنتريق اخر شي اندقرت ان الارنبه نفس الشي مو الي باحلامي ان راح تصغر ويصير الشكل واااو فمالي خلق ادقر نفسي ولا رحت شفت رفيجاتي وقلتلهم ان هذي عمليه علاجيه حق التنفس وبسوي التجميل بعد 6 اشهر شسوي اندقرت لوووول

صج تحسفت اني استعيلت لو رايحه بره مسويتها ابرك جان وفرت على نفسي وايد بدال عمليتين وعوار مرتين وتزرق بالويه مرتين غير التوتر الي قبل العمليه

بس اقولج ياها بسوالف التنفس اهو فاهم حمود النومس بس بالتجميل ماعنده حس ولا نظره ولا لمسه جماليه ابدااااااا

اما دكتور علي صفر للامانه ماعرفه ولا سمعت عنه

وانا سويت عمليتي واستعيلت بقراري واندفعت للدكتور بناءا على مدح المنتدى مطيرينه للسما لي درجة قلت خلاااااااااص هذا توب نمبر ون بالكويت لوول بسكم دعايات وايد معطينه كلام اوفر ومادحينه اوفرر شدعوه

كنت بروح حق الصبيح بس مايستقبل حالات الا ب2017 لووول صك على مواعيد الحكومه :d
عشان جذي رحت حق النومس

:/

..

حبيبتييييييييييييييييييي والله قلبي عورني و انا اقرا تجربتج معاه :"(

من البدايه كان هذا شعوري انه شاطر في المشاكل العلاجيه لكن مو التجميليه
و فعلا الوحده لازم تعتمد على تجارب تشوفها مو بس تسمع قصص
بصراحه انا من شفة خشم البلوقر وقالي عمليتج 5 ساعات وانا كاشه و متخوفه منه

حليبتي انشالله تروحين عند احسن دكتور و يطلع خشمج احلا من الي ابالج بعد و بدون تعب و توتر
بس انتي ريحي هالفتره لان الخشم يبيله 6 شهور على ما تبين النتيجه النهائية و ماتدرين يمكن يفش و تطلع الارنبة حلوه و يصير متناسق و ماتحتاجين عمليه ثانيه
و طمنينا عليج ياقلبي

اشدعوه عليه 3300 دينار على عمليه ما يقدر يضبط فيها الخنافر؟؟؟!!

اذا عندكم امكانية روحوا لايران احسن لكم .. هناك في وايد دكاتره وكل واحد احسن من الثاني وعندهم خبره بهالمجال اكثر من دكاترتنا واسعارهم حيل رخيصه وما توصل لاسعار دكاترتنا اللي ما عندهم خبره وايد

وفي وايد شركات تنظم رحلات علاجيه لايران مثل عيادة بادرا انترناشيونال اللي بمجمع باناسونيك بالديره وبعد شركة دشتي للمصحات العلاجيه والسياحيه

انا ما اعرف شنو خنافر بس حسب كلامكم فهمت انه جوانب الخشم ينفرشون لما تضحكون .. في عضوه بالمنتدى اسمها zqertya كان عندها نفس المشكله وراحت للدكتور محسن روشني بإيران مدينة شيراز والدكتور سوا لها الخنافر وما قال نفس النومس انه ما يقدر يعدل الخنافر لانه المشكله بعضلات الخد

وهذا تعليق العضوه zqertya

وهذا موضوعها

تجميل الانف عند الدكنور محسن روشني
تجميل الانف عند الدكنور محسن روشني

وفي موضوع ثاني لعضوه سوت تجميل بمدينة مشهد بس مو ذاكره اسم الدكتور .. وخشمها تقريبا نفس خشم العضوه zqertya بالموضوع الاول .. يعني يمكن يكون عندها مشكله بالخنافر .. وهذا موضوعها

صور لأنفي وتجربتي تفضلووو
صور لأنفي وتجربتي تفضلووو

الموضوع الثاني يديد .. سألوا صاحبة الموضوع اذا عندها مشكله بالخنافر واذا الدكتور عدل لها هالمشكله

حبيبتي fana ماقصرتي على المواضيع الي حطيتيها بس للاسف انا ظروفي ما تساعدني اني اسافر ايران و محد من اهلي عاجبته الفكره ف مضطرة ادورلي دكتور زين هني …. الله يسهل علي انشالله و تسلمين على الرد :****

الدكتور علي صفر وبس
عن تجربة
سويت عنده انحراف وتجميل
شغله طبيعي وحلو والتنفس
صار سليم عندي ١٠٠٪

بعد عمرررررررري طمنتيني و مشكوره على الرد 😘😘😘😘

ممكن اسالج عن العمليه جم سؤال ….
اول شي شنو كانت المشاكل غير الانحراف ؟ شلون مكان الغرز مبينه او لا ؟
بعد شهر من العمليه تقدرين تطلعين عادي و تروحين مناسبات ولا يكون الخشم وارم بعده ؟
طلع خشمج حلو نفس ماكنتي تتصورين و عاجبج شكله ولا عاديه النتيجه التجميليه ؟

و مشكوره 😘 عاد اذا طرا ابالي سؤال واح اسالج بعدين 😄

مشكلة خشمي كانت انحراف شديد مع تقوس وكان على طول ينزف
سويت العمليه والحمدالله اموري صارت تمام
تالي بعد العمليه حسيت خشمي صار وايد عريض
راجعت الدكتور وطلبت منه تجميل وسويتها بعد العمليه الاولى بست شهور
ما طلبت منه شكل معين او رسمه معينه قلت له ابي خشمي يكون طبيعي ومحد
يلاحظ اني مسويه عمليه وكان عندي العظمه اللي قلت له يشيلها
لم خشمي من الاجناب وشال العظمه اللي فوق والخرز مالها اثر ابدا مع العلم
ان لم خشمي وكان خشمي مخيط من بره ١٤ غرز ه كل ٧ بصوب
وطبعا تم خشمي وارم فتره طويله اكثر من شهر وعادي تقدرين تطلعين وتروحين مناسبات مثل ما تبين
وبعد اسبوعين من العمليه تروح آثار الكدمات من الوجه
الحين اللي يشوفني ما يصدق اني مسويله عمليه الا اذا قلت لان شكله حيييييل طليعي ما يتلاحظ