|
|
السلام عليكم خواتي
انا تركت المانع من مده 3 شهور وكان المانع طبيعي توقعت اول شهر اتركه احمل لكن ما الله اراد الشهر الثاني جتني اعراض حمل و قبل موعد الدورة شرفت الدورة .. الشهر الثالث جتني اعراض مبكرة الم بظهرررري شديد و الم بجهة اليسار اسفل بطني ..
تاخرت الدورة علي 35 يوم فرحت و رحت حللت طلع لي ويك بيوزتف حمل ضعيف قالوا لي تعالي بعد اسبوع وسوي التحليل ان شاء الله يكون بيوزتف وبعد اسبوع طلع لي بيوزتف
بعد 3 ايام صار ينزل عندي ماء ودائما احس بهالمنطقة رطوبة قلت يمكن من الاجهاد و التعب ريحت لكن زاد الم ظهري
الدورة الحين منقطعه عني ستة اسابيع كاملة بيوم اللي كنت بروح اسوي تحليل وسونار جاني الم كانو طلق وموقادرة امشي من قوة الالم الدكتورة شافتني كذا ع طول قالت سونار مهبلي ساعتها وهي تسوي السونار اغمى علي من قوة الالم بعد ما فقت قالوا لي انو حمل خارج الرحم و انتي بتحملي قنبلة موقوته ممكن تنفجر بأي وقت صحت صياح مو طبيعي ليش يصير فيني كذا قالوا لي يا ابرة كيماوي او عملية نشيل الانبوب و الحمل ..
اخترت الكيماوي لاني ما ابغي العمليه خير شر
كان هرمون الحمل 1228
حاليا الهرمون 774 .gif "Eh S(2)")
و لو مانزل من الممكن يعطوني كيماوي مرة ثانية
بنات طمنوني ممكن احمل مرة ثانية و اللي مرت بهالحاله متى احملت 
علما عندي 3 اطفال و حلم زوجي البنت لكن مالله اراد
للمعلومية خواتي هذي ثاني مرة يصير لي الحمل خارج الرحم
استشيري اكثر من دكتور والله يسهل غليج
بس حمل خارج الرحم عادي ممكن تحملين عادي بعدين مو شرط
دام حملتي من قبل طبيعي
كل يوم اقري على بطنج سورة مريم و توكلي على الله
انا صار معاي حمل خارج الرحم شهر ٢ اللي طاف
كان هرمون الحمل عندي ٨٠٠
عطوني ابرتين ونزل
وليما الحين ماحملت مادري ليش مع انه فحوصاتي كلها سليمه وماكوو شي
عندي بنت وحده حملت فيها اول ماتزوجت طبيعي وتمينا انا وزوجي عزل طبيعي
واول ما قررنا اني احمل الحمدلله بنفس الشهر حملت بس مثل ماقلتلج طل خارج الرحم ومادري شنوو السبب
وانا خايفه يتكرر معاي
انتي اول حمل خارج الرحم متى صار معاج ؟؟ قبل عيالج او بعد ؟؟
|
المشاركة الأصلية كتبت بواسطة نبض السعاده
 اي تحملين عادي الله يصلح لج ذريتج يرزقج
|
|
المشاركة الأصلية كتبت بواسطة om_hobi
والله ماعندي اي فكره الاطباء ابخص
استشيري اكثر من دكتور والله يسهل غليج بس حمل خارج الرحم عادي ممكن تحملين عادي بعدين مو شرط دام حملتي من قبل طبيعي كل يوم اقري على بطنج سورة مريم و توكلي على الله |
متكلة على الله بس ما ابغيهم يشيلون الانبوبه
مو شرط خلل من الانبوب
بس لان لما تلقحت البويضه ظلت بالانبوب ما راحت الرحم
الحمل الياي ان شاءالله طبيعي
انا خرعوني قالولي انتي 6 شهور لا تفكرين بالحمل
بنفس الشهر حملت
الله القادر فوق كل شي
و اعرف اكثر من وحده عندهم عيال و حملوا خارج الرحم و بعده حملو باكثر من واحد طبيعي
الحمدلله على كل حال
|
المشاركة الأصلية كتبت بواسطة shai6ona19
استغفر الله صاير منتشر حيل حمل خارج الرحم
انا صار معاي حمل خارج الرحم شهر 2 اللي طاف كان هرمون الحمل عندي 800 وليما الحين ماحملت مادري ليش مع انه فحوصاتي كلها سليمه وماكوو شي عندي بنت وحده حملت فيها اول ماتزوجت طبيعي وتمينا انا وزوجي عزل طبيعي واول ما قررنا اني احمل الحمدلله بنفس الشهر حملت بس مثل ماقلتلج طل خارج الرحم ومادري شنوو السبب انتي اول حمل خارج الرحم متى صار معاج ؟؟ قبل عيالج او بعد ؟؟ |
منتشر وايد ربي يفك كربهم و يغير حالهم الى احسن حال وفيه حريم مساكين ما استجابو للكيماووي
ربي يخلي بنتك و تربى بعزج و دلالج اهم شيء لا تخافين انو يتكرر لان له تأير التفكير ومن الممكمن انو يصير
خلي املك بالله كبير و ان شاء الله اللي ذقناه ما يذوقه لا عدو ولا صديق
انا صار لي هالحمل بعد اولادي
* تدري اللي خلاني اكتب هالموضوع حجي و كلام الامهات الكبار يقولون يا انج مستضرة او عين وانا ابد ما فكرت بها التفكير بس كلامهم خلاني ما انام و افكر كثير وما ودي الجأ للطب الشعبي
|
المشاركة الأصلية كتبت بواسطة sweetpink1990
انا اول حمل لي كان خارج الرحم الحمدالله على كل حال وغززوني كيماوي ونزل الحمدالله لازم تحملين بعدها ب6اشهر عشان يروح مفعول الكيماوي من جسمج الحمدالله بعدها حملت طبيعي بس صح وايد كان عذاب والم
|
الحمل خارج الرحم عذاب نفسي و ارهاق و الم بمعنى الكلمة تدري بعد الكيماوي يتني حاله نفسية من الهستريا صرت اصيح
.gif "Eh S(11)")
طول اليوم بالمستشفى و جاني ضيق بالتنفس وطول الوقت الوم نفسي ليش خليتهم يغزوني هالأبرة لان الدكتورة واهي تغزني لابسه ملابس خاصه تقولين كأنها داخله معمل كيماوي فما ب جرعه كيماوي داخله جسم يالله ايام لا تعيدها
الحمد لله حملتي طبيعي وربي يتمم لج على الف خير
|
المشاركة الأصلية كتبت بواسطة # غنوجة بيبي #
الله يرزقج بالبنت اللي تتمنينها
مو شرط خلل من الانبوب بس لان لما تلقحت البويضه ظلت بالانبوب ما راحت الرحم الحمل الياي ان شاءالله طبيعي انا خرعوني قالولي انتي 6 شهور لا تفكرين بالحمل بنفس الشهر حملت الله القادر فوق كل شي و اعرف اكثر من وحده عندهم عيال و حملوا خارج الرحم و بعده حملو باكثر من واحد طبيعي الحمدلله على كل حال |
خلي ايمانج قوي وبالعكس هذا اختبار من ربي
وكل تاخيره فيها خيره حبيبتي
ربي يرزقج كل خير