حمل التوأم تعالوا بلـــــيز

السلام عليكم

بنات انا سألت كذا مره محد رد علي

احاتي وابي اجابة شافيه

انا سويت سونار بالاسبوع الخامس يعني هالاسبوع

والدكتورة شافت بالسونار جيسين واحد صغير وواحد كبير وفيه بينهم مسافه مو لاصقين

قالت انا مش عارفه ده توأم والا ايه !! لان كانت مستغربة عشان الجيسين مو لاصقين يم بعض
تقول المفروض يكونون لاصقين .. صج هالكلام لمه سويتو كانو لاصقين والا صار معاكم مثلي بعدين بين توأم ؟؟؟

وقالت ماراح اقولج انهم توأم لان مو واضح الجيس الثاني شنو وقالت انا مو اختصاصي سونار
وحولتني على قسم السونار عشان اتأكد

رحت بتأكد ما كان واضح لان ما كنت محصورة عدل نفس السونار الاول وقالت مو باين الا جيس واحد

مع العلم انا يوم حللت تحليل منزلي بين معاي قبل خمس ايام من الدورة الخط الثاني و من الثواني الاولى ماشالله طلع خط واضح وطالعلي بطن من دخلت الاسبوع الرابع سبحان الله!

و انا حاليا بالثاني بس جني بالرابع او الخامس على الثقل مع ان المفروض الجنين بهالعمر ماله وزن بس اسأل مجرب ولا تسأل طبيب انتو صار معاكم جذي؟
واحس بضيق نفس لمه ابذل مجهود مع ان توني وتكرمون سالفه الحمام كل دقايق انحصر ولمه اروح الحمام جني مو رايحة من اسبوع مع ان ماشالله توني داخله من خمس دقايق .. هل صار معاكم جذي بالتوأم والا هذا عادي بالتوأم والجنين الواحد ؟؟؟

مافيني صبر اعرف بعد اسبوعين اذا توأم او لا

وابي اعرف نسبة الهرمون باول اسبوعين حمل التوام جم تكون انا كان لي اسبوعين حمل ونسبة الهرمون 60

وبالاسبوع الثالث صارت 479

مادري هل هذي نسبة عاليه والا طبيعيه انا اول مرة حمل ماكو خبره

ياليت تفيدوني خصوصا بسالفه الهرمون عشان اتاكد ؟؟

وياليت اذا تعرفون عياده سونارهم واضح موقادره اصبر خاطري اعرف

أأأأأأأأب يارب يكونو توأم

موشرط لاصقين

انا حملت بتوام مولاصقين بعيد عن بعض

الله يرزقج بالتوام

انا كنت توأم بس لاصقين في بعض مو بعاد الله يرزقج الذريه الصالحه سواء توأم او بروحه الله يسهل عليج

انا ما كانوا لاصقين كل واحد كان بصوب
الله يرزقج بتوأم ويكونون بصحه وعافيه
روحي عند دكتور أشرف في مستشفى السلام يسمونه ( ملك السونار) ممتاز ومعروف

حبايبي والله يزاكم الله خير
الله يرزق الجميع بالذرية الصالحه يا رب

بس ياليت تردون علي بنسبة الهرمون مع اني ما سويت هرموني لا بالاسبوع الرابع ولا الخامس اكيد الحين وايد ارتفع عن ال479 اذا كلام الدكتورة صج كل يومين يتدبل الهرمون المفروض باجر يكون تقريبا واصل 15328 اذا كان عندي طبيعي

حبيبتي روحي حق دكتورة ثانية و لا تحاتين

انشالله الله يسهل الامور

ما ادري بس لعيونج اب

اب اب اب
الله يرزقج باللي في باااالج

حبيبتي لاتحاتين ان شالله خير

اما بالمسلم حق التحليل الهرموني الدكاتره ما يعتبرونه دقيق و مو مقياس أنا سبوع الي فات كنت عند الدكتور وقالي تبويضج متأخر سبوعين يعني بدال ما اكون الحين يسبون الثامن اعتبر السادس معنى كنت مسويه تحليل هرموني يسبون الثاني و كانت التشبه مرتفعه 645 فقالي السونار اهو المضمون اما الهرموني تقريبيا بس *

مشكورين والله

الله يرزق الكل انشالله

حبيبتي الله يرزق بالتوأم ان شاء الله

اجمعين يا رب حبيبتي