|
|
مرحبا خواتى كل اللى يشتغلون فى التربية المساكين للى كل الناس ذبحوهم على هالوظيفة كاه هذا حالنا الحين من سىء الى اسوأ … بس اذا الشعب يوما اراد الحياة فلابد ان يستجيب القدر … والله لا تضحكون على احنا لازم نعترض ولا نخليهم يطبقون هالقرار أو وحطوا تحتها خط احمر وهذا من باب العدل اذا زادوا وقت الدوام يزيدون المعاشات خصوصا لان هالشى حرام واحنا مو مثل امريكا يا ناس لازم يتفهمون الفروق بين الدول احنا جونا ما يساعد وشلون المراة ترد تنظف بيتها او تدرس عيالها او تعطى ريالها حقه وتعطى نفسها حقها او تعطى اهل ريلها يومها كله بيروح يعنى مافى قيلوله ولا فى راحه شنو ماكينة شغالة اربعة وعشرين ساعه؟ هذى الموظفة مو ام وزوجة وبنت وين الروابط العائلية جذى كل واحد بيصك على بيته الباب ولا يدرى عن جاره ولا يزور احد ولا حتى بيصير وقت حق الزوارات او التنزه والترفيه وراح تصير الويك اند زحمه بكل مكان فكروا فيها احنا مو معقوله اى شى يسوونه نسكت عنه ترى هذى مو خوش سالفه حاسديننا على هالمعاشات؟ غيرنا معاشاتهم ماشالله ومافيه مثل تعبنا ووزارة التربية تظل تعاملج كانج طالبة يعنى تدخلين طالبة فيها وتظلين طالبة فيها ليما تقاعدين والله احنا لازم نسوى مظاهرات او نجمع توقيعات وللى عندها احد من مجلس الامه تحاجيه واذا ما قدروا لان هذى سالفة كبارية والكبير الله تعالى فلازم احنا نوقفهم عند حدهم اذا طبقوه نسوى حملة احتجاج يعنى الوافدين احسن منا؟ اى شى يبونه يسوون احتجاج ويتم على كيفهم؟ احنا عيال الديرة ولنا حق نرتاح فى ديرتنا ولاحد يقارننا بغيرنا انتوا شوفوا مستوى التدرين شلون صاير عندنا وامكانيات الوزارة شلون ضعيفة؟ كل شى على اموظفة هذى وين صارت؟؟؟؟؟؟؟؟؟؟؟؟؟؟؟؟؟؟؟؟؟؟؟ هذى بعد سالفة ما ينسكت عنها احنا شكو نقط بالوزارة هالمناقصات ياكلونها الكبارية وتطيح براسنا قطى يا ابلة وسوى يا ابلة اصلا صارت للى ما تقط مو متعاونة يا بنات احنا بايديننا نغير الواقع والله لا تسكتون انا اصلا حاجتنى مدرسة سورية تقول انا اول مرة اشوف هيك احنا هناك كل شى توفره الوزارة والله يعنى يا بنات هذى بالعقل مو للحين تقطون منو تعبكم وشقاكم؟ مو انتوا شايفين شلون الكل قاعد ينهب وياكل فى المواطن المسكين شايفين الغلا والدنيا حتى المستشفيات ما صرتى تقدرين تعالجين الا عند خاص ومع ذلك خدماتهم مو هلكثر هذا تأمر على مصلحة المواطن الكويتى ؟ تبونه يطفش من ديرته؟ ولا يبوننا نشتقيل عشان يوظفون الوافدين عشانهم ارخص ؟؟؟؟؟؟؟؟؟؟؟؟؟؟؟؟؟؟؟؟؟؟؟ وزارة التربية الان صارت تستخدم سياسة التنفير واحنا والله مو على كيفهم ولازم نعترض عطونى افكاركم وحطوا ايديننا بايدين بعض ونوقف هالقرار الظالم
انتظركم
الحين اللى حط القرار تتوقعووووووووووووووووون يايبته خبط لزق ولا من راسها لما وافقوا عليه لا فى ناس اعلى منها اهم اللى راضين يصير جذيه , عشان بالنهايه يشقى الشعب ويراكض بالشوارع فى القوايل , واخر شى يقطون نفسهم على مطاعم على مايووصلون الا مافى صار ليل ويااالله ناموا …..
الحين اللى بسوى اطالة دوام يفكر عدل
اجوائنا ماتسمح
المدارس مو مغطيه 100%
اذا بحطون اكل يحطون شى عدل من ربعهم امهات المطاعم " يجبر خاطرهم بمناقصه " يحطون بوفيهات عبارة عن وجبه متكامله العناصر الغذائيه مثل مايسوون فى المدارس الامريكيه عشان يقدر الياهل يكون له طاقه بعد الساعه 1 او 12 الظهر يكمل يومه , مايرجع يبى ياكل وياذى اهله والكل يحوووووووووووووس على لقمة
بعدين لازم اليهال يرجعوووووووووووون مو اكوام من الهوومووركات لا لازم يسهلووووووووووووون طريقة توزيع الدرجات يعنى يكون للواجبات الدرجات الاكثر مو الاختبار يحدد نجاحه وسقووطه , ليه صارت درجات الطفل نازله يعادله الاختبار " نفس المدارس الامريكيه " يعطونهم فرص للنجاح
المدرس يقدر ويكرم طول السنه مو يوم بالسنه
يسوون حق المدرسين غرف مناسبه للراحه
ايضا الفصوول تكون متكامله
بس ان شا ءالله القرار اندرس عدل وانتوا المدرسيين والمدرسات لازم لكم راى بالموووضوع " لا يكون الوزارة صدقوا تشتغلون عندهم "
جان زين لو يشيلونها ونفتك منها ومن قرارتها الفاشلة
والله نورية الصبيح ملاك قبالها
والف لا
توفير فصول مهيئة بكل الوسائل التعليمية الحديثة والمعينة على توصيل المعلومة
إعطاء المعلمين حقوقهم المستحقة وذلك بتحسين مستوياتهم
/الدعم المعنوي والمادي لكل مبدع ومبتكرفي مجال التعليم سواء من المعلم أو الطالب
التركيز على المناهج
تجهيز غرفة المعلمين بالاتي
1/ غرفة نظيفة
2/ أجهزة حاسب الي في نفس الغرفة لعمل أوراق العمل في المدرسة بحسب حاجة كل معلم
3/ طابعة لطباعة أوراق العمل والأسئلة وشهادات التفوق
4/توفير أدوات مكتبية ضروريه للمعلم في غرفة المعلمين
لا يتم تنفيذ أي قرار جديد يخص المعلمين إلا بعد عمل إستفتاء حقيقي يوزع على حميع المدارس ومن خلالة إما يتم تنفيذه أو إلغائه
اختى سيرين يعنى الحين هالوزيرة فكرت بس بالطلبه وبس ومافكرت فى حياة الموظفات الاجتماعية ولا يبون يسووننا نفس حياة امريكا تفكك اجتماعى واخر اليوم الكل تعبان ويبى يقط عمره وينام وبنهاية الاسبوع الواحد وين يلحق ولا على شنو يلحق؟ هذا ظلم احنا مو اجانب وحياتنا الاجتماعية تهمنا وراحة بالنا ضرورية يعنى هالشى يساعد عالتفكك الاسرى اكثر واكثر انتى شوفى الوضع الحين الاهل ما يدرون عن عيالهم عيل شبيصير لى طبقوا القرار الواحد بس يصير يفكر يرتاح اصلا شبقى من يومنا كله دوام النهار كله راح
يمه يا دلبى ترى المشكلة مو فى الوزيرات اهم كل وحدة تبى تثبت نفسها على حسابنا المشكلة فى للى يسكتون على كل شى
شوفوا الشعب الكورى لما زادوا عليهم فى فترة سعر البنزين اتفقوا وركبوا دراجات(بالكويتى غارى ) وبجذيه اضطروا غصب يردونه نفس قبل اقول اذا الشعب يوما اراد الحياة فلا بد ان يستجيب القدر لازم احنا نفرض راينا وقراراتنا بايدنا احنا
درة اهل الطولات لااااااااااااااااااااااااااااااااااااااااااااااااا ااااااااااااا من كل قلوبنا نبيها قول وفعل ونبى صوتنا يوصل
عزيزتى ام طلال الناس درسوا بكيفهم وطبقوا بدون ما ياخذون راينا كل من يعمل بالمدارس من الحارس وادارى واصغر واكبر موظف يرفض وبشدة هالقرار وما نرضى فيه … وبعدين وين اللى تحجين عنه اصلا اهم للحين ذابحين بسالفة قطى وتعاونى هذا ابتزاز مو تعاون امانه مو كلكم تعانون من هالسالفه الناظرة ماسكتنا من ايديننا للى تعورنا للى ما تطلع وتسوى مشاوير برا او ما تقط فلوس او تروح تشتريلهم اغراضهم من السوق هذى مو متعاونة يعنى شنو احنا نشتغل عندهم انا ارفض اقط دينار وارفض اسوى شى مو شغلى والله الوسائل المدرسة مفروض توفرها لازم نتكلم يا بنات خلونا ايدين وحدة انا بحياتى ما شفت هالشى لا بلكويت بوزارات ثانية او بغير الكويت سالفة قطى من فلوس ليش وانا اشتغل عشان اصرف عليكم ولا فى وحدة فى وزارة ثانية تصرف عود وبخور عشان الدوامات ولا فى ناس بوزارة ثانية تغصبهم المديرة يقطون فلوس عشان ضيوف اهى عازمتهم واحنا شكو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ كله بهرجه وخرابيط عالفاضى اخرتها اخر من يفهم الطالب بدال ما تقطون يا ناظرات فلوس الوزارة فى مكاتب يديدة وصبغ وكشخه قطوها فى العمل ولا كل وحدة همها ان اهى تطلع توب والموظفات يصرفون على دروسهم ولا كيفهم؟؟؟؟؟؟؟؟؟؟؟؟؟ هذا كلام عقلانى هالحال ما ينسكت عنها
يا بنت شرق عدل هالكلام الردى فى الموظفات للى كل شى يقولون اى لازم نتصرف بسرعه قبل ما يجربونه حزتها ما راح ينفع هالاعتصام
انا مستغربه جم وحدة دخلت الموضوع محد تفاعل الا جم وحده احييهم واشكر روحهم ووعيهم وعقليتهم
انتظر تفاعل نبيها حملة قول وفعل لاااااااااااااااااااااااااااااااا لاطالة الدوامات ونعم لحقوق الموظفات فى وزارة التربية بالذاااااااااااااااااااااااااااااااااااااااااااااا ااااااااااات
خوااااافين
والله خوافييييييين لاتنكرووووووون هالشي
كل ما جيت بالدوااام اقول لزميلاتي خلونا نسوي اضرااب عشان نقص مدرسات وحدة او ثنتين معاااي والباقي خايفاااات
حيا الله موظفين النفط كل ما احتجوا اسمعوالهم
واحنااا ساكتييين وراضييين
انا أول وحدة بشااارك بالاضرابات والاعتصامات ولازم هالشي يبتدون فيه جمعية المعلميين النايمة
ونسوي اضراااب أمام مجلس الأمة واذا مستحية جيبي رجلج معاااج محرم
وانا ابى احتج كلنا من معلمين واداريين
كل العاملين بالمدارس
لا تقولين خوافين احنا قدها
عفوا للكل ( احنا مو ………. تقودونا على كيفكم وتوجهوونا وين ما تبون )
اشكر لج روحج المشجعه جداااااااااااااا بس لازم نحدد يوم حق هالشى شرايكم؟
يافطاحلة التربية ياللي قاعدين تقررون اذا انتوا عوانس او مطلقات وماوراكم مسئولية احنا ورانا عيال مو معقوله ارجع البيت الساعه 3 ومع الزحمه الساعه 4 متى بجابل عيالي ولاتنسون ان المدرسة هي الوحيده اللي تاخذ شغلها معاها للبيت هل ذنبنا ان صرنا مدرسات ولاذنبنا ان احناتزوجنا ويبنا عيال ياريت عباقرة التربية يجاوبوني.
حدنا للوحده نمر ناخذ عيالنا ومالنا شغل بالحصتين الاخريتين
بلتا حصه سادسه بلا سابعه
وشي ثاني بالدوام العادي الطلابات يفصلون على السادسه فما بالج لي الثلاث
حدها فاضيه الحمود هذي
بصوت عالى
لا
لاااااااااااااا
لااااااااااااااااا
لاااااااااااااا
باعلى صوتى
نبى صوتنا يوووووووووووووووصل شلون؟ حتى قبل ما يتطبق ما راح نسمحله يتطبق
اصحوا يا بنات وللى يعافيكم
لا المدارس تساعد
لا عادات مجتمعنا تساعد متى نرجع بيوتنا ومتى نقابل أهلنا ونشوف حياتنا
صار يومنا كله حق التدريس جنه ما عندنا التزامات ثانيه
القرار مرفوووووض بالعقل يعني ما يبيله
بس اذا اهم مصرين واتوقع هذا الي بيصير مراح يردون على أحد
لازم يهيئون المدارس تتغطى بالكامل عن الشمس والغبار الي ملازمنا
غرفة المعلمات تتعدل ومو غرفتنا الي جنها مخزن من صغرها وتكود الاغراض فيها والله ساعه على بعضها ما اتحمل اقعد فيها
خل يوفرون لكل معلمه كمبيوتر وطابعه تخلص شغلها بالدواااااام
والاهم من هذا كله يزيدوون المعاشات