حملة كويتيات وبس ~ للحد من مشكلة العنوسه

بسم الله الرحمن الرحيم
صراحه في قانون مطبق بالسعوديه عاجبني حيل وهو منع زواج السعودي من الخارج الا في بعض الحالات
شرايكم لو يطبقونه بالكويت لأسباب منها الحد من مشكلة العنوسه وعندنا بالكويت لو الكويتي يتزوج فلبينيه بعد جم سنه حالها من حالج خلاص جك بوم صارت كويتيه وغير المشاكل اللي مالها اول ولا تالي من الزواج من غير كويتيه مثلا العادات والتقاليد وغيرها … الحين جا دوركم ودي اسمع رايكم

حلو القانون

بس الردي ما ياخذ إلا رديه مثله

ولو يبي ياخذ مو كويتيه راح ياخذها راح ياخذها فليييييييييييش نظلم بنت الكويت مع واحد مايستاهلها

انا اقوووول خل يجنسون اللي مو كويتي ومتزوج له كويتيه ابرك

خوووووش حمله

استمرووووووووا

تسلمين والله عندي كلام اكثر بس ان شاء الله الجايات اكثر

تسلمين بس خليج ويانا

تسلمسن على المرور يعني هذا بشكل مبدئي وبعدين فيه تعديل وتنقيح

شلون بطبقون الحمله

بعدين الي مايبي بنت الديره هذا اكيد فيه بلا اللهم ياكافي والي مايبينا مانبيا

لافيه بلا ولا شي يمكن بس شاف اللي بالتلفزين قال ابي منهم جسم وجمال وكل شي

يالله الكل يشارك ابي اعرف رايكم وهل الفكره صحيحه ولا لأ

آنا ضد تدرين ليش؟
يعني انتي اذا ما زوجتي اللي يبي فلبينيه بتغصبينه على بنت ديرته؟ يبي فلبينيه كيفه بالعافيه عليه انا مابي واحد فباله فلبينيه ومغصوب علي يعني على قولت اهلنا الجود من الموجود .. ابي واحد يبيني لان مقتنع موعشان الفلبينيه وغيرها مو متوفره
السالفه موغصب ترى

صح هي حريه شخصيه كل واحد حر انه يختار شريك حياته
حتى انا اعرف كويتيات متزوجين اجانب مو بس الكويتي
انا مو مع ولا ضد الحمله

مع احترامي لكل البنات الي امهاتهم اجنبيات بس يريت هالقانون يتطبق عندنا لانه في جنسيات يقصون على شبابنا ويبون بس الجنسية ولا يخربون بيوت وااايد كويتيات ويوقفون نصيب الباجي

انا مو مع هالقانون
لانه اذا هالشي مو حرام بالدين ليش يحرمونه بالقانون ؟؟

قال تعالى : (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا)

وكل واحد وحر باختياره الزواج مو اجباري

up up up

انا بحرينيه و زوجي كويتي و احب الكويت قبل لا ربي يكتب لي نصيب بزوجي و اهو من قبل قايل ابي بحرينيه
يعني انا مالي حق اخذ جنسيه و اضمن حقوقي من ناحيه الصحه و النفقه و غيررررررررررررها ؟؟؟!!