حملة ضد زيادة الواتب

بنات كويتيات حبايبي إلى متى وحنا نطالب ؟؟؟؟ زيادة راتب

….اسقاط قروض ….بدلات …كادر …. ما راح يعبي عين ابن آدم غير التراب.

صدقوني نصرف اكثر من الزيادة ياناس بدل ما اصرف 100دينار على المستشفيات الخاصة خل نطالب نوابنا التعبانين(البعض وليس الكل) بفرض بناء مستشفيات أفضل!!!

بدل ماأدخل عيالي مدارس خاصة بآلاف الدنانير خل نوابنا التعبانين يطالبون بمدارس ذات مستوى عالي من حيث البناء والمختبرات والتجهيزات الحديثة وعمل دورات ذات مستوى عالي للمعلمين النايمين وعلى حساب الوزارة!!!

خل نوابنايعملون على فرض قانون يساعد على القروض التجارية لصغار المستثمرين وبدون فوائد (على ان تكون هناك رقابة من الحكومة ومؤهل علمي للمستثمر كشهادة ميكانيكا أو الكترونيات أوكهرباء أو فنيات التجميل أو مصممات الأزياء ).

ابي بنات الكويتيات الأصيلات يساعدوني في هذه الحملة.الرجاء التعليق!!!:eh_s(17]

حاميها حراميها
الفلوس ودخل الدوله من البترول في بطون الكبار والتجار واحنا المساكين لنا الله شنسوي نطالب باسقاط القروض وبزيادة الرواتب عل وعسا ينفع مع ان الكل متأكد ان لاحياة لمن تنادي علي قولة اللي بالفيديو حطوها تقول هذى الكويت صل علي النبي

وديت امي الاسبوع اللي طاف مستشفي مبارك لانها مريضه بالقلب وتعبانه حيل دخلت الطواري والله العظيم السستر قالت مافي سرير فاضى خليها عالكرسي تخيلوا مره جبيره وقلبها يعورها وصدرها متنك وتقول لج مافي سرير شتسوين بهالحاله

فكرت اشتري سرير احطه بدبة السياره للضروره عالاقل اصير مواطنه صالحه واساعد الحكومه ههههههههههههههههههههههههه الحمدلله والشكر ديرتنا صارت حارة كلمن ايدوو ايلووووووووو وعجبييييي

صح لسانج و الله

جزاج الله خير وفعلاً هذا اللي نبيه

بس للاسف النواب ما يهمهم الا الفلوس اللي تجيهم من تحت الطاوله بس المهم يصوتون ضد اي قرار

والله يكون بالعون

حبيبتي الحمدالله كل بنات الكويت اصيلات بس هذا ما يعني انهم ما يطالبون بحق من حقوقهم والنواب مو مقصرين منو قالج انهم ما يطالبون بتعديل وضع المدارس والمستشفيات بس لا حياة لمن تنادي وبما ان الأسعار نار والحكومه ما تسوي رقابه على المواد ا؟لإستهلاكيه من حقنا نطالب ونطالب لين الحكومه تلتفت لمعاناة الكويتيين وبعدين الحكومه مو شايفه وضع المستشفيات والمدارس ليش ما تتحرك شنو ناطره النواب يحركونهم

الحمدالله علي كل حال

ايه والله ماكو فايدة من الزيادة اذا الأسعار بالعالي يعني لازم يصير فيه كنترول على الأسعار المو طبيعيه
عيل الجمعيات التعاونيه صارت أغلى من مركز سلطان ؟ شدعوه ليييش نهيبه اهي

والا فلوسنا كله على المستشفيات الخاصه انا رحت مرة مصخنه وفيني ربو رحت المستوصف بالغلط بغوا يعطوني ابرة يذبحوني فيها لو ما الله ستر ويلومون الناس ليش تروحون خاص

يبتيها عالجرح

اي والله خل يسوونلنا مستشفيات مثل الاوادم …. خل يروحون مستشفيات الامارات الحكوميه يشوفون ماشاء الله احلى من مستشفياتنا الخاصه والعنايه والاهتمام … اصلا كل دول الخليج صارت اتفوقنا بمجالات وايده واحنا كلمالنا للأسوأ.

شوفي مركز طفل الانبوب يقولون 1900 حاله ينطرون الدور ونطري دورج بعد اسنيين لأن توهم بادين ابمواعيد سنة 2024 بذمتكم هذا كلام!

لو مو اهل الخير اللي قاعدين يتبرعون حق المستشفيات ويسنعونها والله جان انهدت على روسنا .. شنو هذا وين قاعدين لي هالدرجه دولتنا فقيره!!!!!

وبعدين ليش نتنازل عن زيادة الرواتب في سبيل هالاشياء آنا اقول من حقنا ان نعيش عيشه هنيه وديرتنا الحمدلله خيرها مغطي العالم واحنا اهلها من حقنا ان يزيدون رواتبنا ومن حقنا ان يهتمون فينا بكل النواحي الصحيه والتعليميه والاسكانيه وكل شي ليش ما نصير مثل الامارات ليش ما انصير مثل قطر ليش ما تنطور بدل ما احنا قاعدين نتأخر؟

صاجه والله

وكل الشكر لصاحبه الموضوع وكلامج عدل

كلامج صح ..

وانا بعد اتفق مع سبوج ..

شفايدة يزيدون الرواتب والتجار من الجهه الثانيه يزيدون اسعارهم!!!!!

والله ان اول امس طلبنا من المطعم وكنا شويه بس المبلغ كان وايد ! سألنا لييييش هالمبلغ!؟؟ جان يقول اي زدنا الاسعار ليش ان بيزيدون الرواتب

اهما خل يوافقون عالزياده عشان تزيدون اسعاركم .. ديرتنا ديرة بطيخ صارت كل شي للأسوأ الله يستر علينا ويحفظنا

للرفع

الله يعينكم :>

صااجة .. بس على قولتهم اقبض من دبش
لا من الرواتب و لا من المستشفيات السنعة و لا من الشوارع العدلة ..
و ربج كريم !!
اضم صوتي لج .. خصوصا ان زيادة الرواتب تعني زيادة الاسعار معناته راح تصرفين اكثر من اللي يزيد لج ..
لا يبه اقضب مينونك احسن

مشكوورة