حماي :( اول مره احش فيه بس ضاقت بي السبل

بسم الله الرحمن الرحيم

السلام عليكم ورحمة الله وبركاته

بنات انا من النوع ما حب اتشكا وايد عند الناس

بس في مشكله

ادري انها تافهه بس انا تعبانه منها

الا وهي
حماي اللي اصغر من ريلي

مافيه شي علاقتي فيه سطحيه جدا

بس من حملت وانا يمكن اتنسا بريحته اشم في ريحه ماقول خايسه حرام يمكن ريحته عاديه بس ماقدر اتحملها وماقدر اطرده

المشكله ان هو مايحب يطلع من البيت وكله قاعد معانا مع ان ريلي مو مثله يعني ريلي مايحب قعدة الحريم بس هذا مشاالله عادي عنده ما ينحرج

المهم الحين لما ازور اتأزم واحس يبين على ويهي ان فيني شي واستحي اقول هالكلام جدام اهل ريلي

واذا سولف حتى لو مو معاي احاول ما اسمع لان من اسمعه يسولف احس بلووووووعه مادري ليش
واحس اني شايشه عليه وهو شوي بعد ينكت وانا اساسا مو متقبلته يعني احس ودي اقوم ازنطه

ولا تقولون لي دلع والله تعبت وانا احاول اتأقلم بس والله ماني قادره

وخايفه اقول حق خالتي تقول قامت تتحجج
او يعني مثلا بتطرد ولدها على شاني

مادري شسوي يعني اللي عندها وصفه تخفف الوضع

تفيدني

وحده قالت لي شمي مره
ومانفعت

اذا عندكم حل نقذوني

؛
؛

حطي موضوعج بقسم الحمل يفيدونج

؛
؛

اصبري ولا قولي لريلج مثلا مشتهيه اطع وياك ولا نروح نتعشا سوى ولا قوليله مثلا بقعد ارتب الدولاب ولا قوليله بروح عند اهلي اشتقت لهم

يعني اي حجه
قولي بطبخ ولا اي شي

و اتمنى انج تردين على موضوعي لان يمكن عندج خبره بهذا الشي

تلاقينه بقسم الحياة الزوجيه اسمه (العلاقه بين الزوجين)

حبيبتي احنا نروح يومين بالسبوع بس زياره يعني من الظهر لي بالليل ومابي اهله يقولون تيي وهي مالها نفس

او نفسها شينه يعني تلاقيني اضحك واسولف من يدش ينقلب ويهي

؛
؛

عيل صبري لين تخلص نساتج يعني شبتسوين!

؛
؛

شكبره حماج ؟
شكله مراهق صح ؟

مسك انا وصلت السادس وماكو اي علامه تبشر بخير

داريني لا والله كبر عالمراهقه

يعني 21سنه

مو صغير يعني

عادي حروووم هاذي نساة قولي حق ريلج انتي مو مسويه شي غلط
على ماتروح منج النساة
انا حماتي كانت تتنسى بولدها ماتبيه ومحد لامها لانه فتره وتعدي

حبيبتي لا تجين الا لما تخلصين الوحام على الاقل

والا مو معقوله بتقولين انا كاره ريحت ولدكم الصغير

واذا انتي عندهم ساكنه لا تنزلين تحت بحكم النسات واللوعه

أنتي زين توحمتي بحماج أنا توحمت بخالتي معاي بالبيت كنت ما اواطنها ودي أذبحها تخيلي لدرجة لما تكلمني ما أحب أشوفها أطالع بالارض ومن أدخل بيتي أرجع لما تطلع روحي وقلت لزوجي ما أحب بيتنا خلني عند أمي وخلاني أروح عند أمي وبين فترة والثانية كنت أروح لبيتي ولما ولدت طلع ولدي نسخة خالتي copy بس رديت طبيعية بعد الولادة الحمدلله يعني عادي ما أكره خالتي

الله يعينك موضوع محرج اصبري

استحملي ولا تخربين علاقتج كلها شهور ويتعدل الوضع

انتي الحين بالسادس اسم لله عليج يعني خلصت النساه !

عموما لا تقعدين معاه اذا يا روحي الصاله الثانيه او ريحو المطبخ سوي روحج بتسوين حلو اتشربين ماي او اخذي وحدة من البنات زروحي صاله ثانيه وسولفي