|
|
السلام عليكم احلى بنات مندى كويتيات حبيت اقولكم بمشكلتي البسيطة
انا سالكنة في بيت اهل زوجي والحمد الله مرتاحة بس ما تخلى هذي الحياة من بعض الامور مع اهل الزوج
انا تزوجت عن حب وزوجيي ايينن الله يحفظه ومدلعني حييل المشكلة انه عندي حماتي كانت مدلعة ويا دهينا لا تنكتين وريلها مسويلها الي ما حد سواه لزوجته واهيا من قبل واهيا تغار مني حيل مع انه اهيا حلوةو وريلها مدلعه بس الغيرة واهيا اكبر مني بعشر سنين يعني فرق بس شنقووول المشكلة الكبيرة الي صارت انها تطلقت من زوجها فجاةةة لاسباب بينهم وسكنت عندنه ولا تشووووفون الغيرة مني على كل شي على طلعتي على عيالي على كل شي حاطة دوبها دوبي واتشيش خالتي علي وتقولها شوفيها شسوت شحطت يعني مسويتلي مشاكل وريلي قام ينقث منها بس شسوي فيها اخته وانا ما احب اقوله بس تصرفاتها واضحة حتى جدام الناس
قولولي شسوي احس راح تخرب بيتي من عيونها ابي الحللللللللللللللل
ثم
طنشي
ثم
طنشي
وان شاء الله ترد لريلها وتفتكون من المشاكل
والله بنات سوالف طاف ما طاف ما تنفع وقفيها عند حدها وعيشي حياتج عشان تحرم مره ثانيه تتحجا ودام ريلج منغث منها اساسا قولي له يا ولد الحلال انا مو مقصره بس اختك لا تتدخل يا انت تحاجيها ويفضل اهو يا انا بحاجيها
واذا قالت له مرتك دزتك ولا اشكت لك خل يقولها اي اشكت وانا ياي اقولج بس وقفي بعد اهيا الحين مطلقه تلقينها بتغار دبل وتسوي مشاكل ابدا عليج راحتج ودام جذي انا اقولج لا تطلعين ولا تردين جدامهم ولا تنزلين عندهم وايد وخليج على جنب
انا لو خالتي ولا حماتي والله احط لهم حد شنو كل شي امه ولا اخته حقه اهو بس ماحب احد يتدخل بحياتي صراحه
نصيحه لا تنقلين الاحداث اللي تصير بينج و بينها حق زوجج لان مهما يكون ما راح يقبل و كثرت الحنه تتعب الريال و بيجي يوم و يكرهج ردة فعل لانج انتي بتتكلمين عن كل شي تسويه
روحي اشتكي لاختج او صديقتج او لنا و فضفضي بس ريلج لا يوصله شي
و اذا كلش في موقف جايد قوليله مسكينه فلانه كسرت خاطري احسها متغيرة بعد الطلاق يعني لا تكرهين زوجج فيها بالعكسلا سوي نفسج تسولفين و اهي كاسرة خاطرج
يعني مو اهيا البنت الي ها على ويه زواج لا يبا وقفيها عند حدها عشان تعرف الخط الاحمر ما تطوفه
قولي لها انا اهلي ما يعلقوني معاي جذي ولا ريلي فا حبيبتي رجاءا ماحب احد يعلق علي وايد
عمة عيالك ، وأكبر منك سناً ، وين بتروح مسكينة ، كان بيتها قبل لا تدخلينه..
نصيحتي عامليها بطيبك واستبعدي وساوس الشيطان بينكم ، وريها فن أخلاقك الجميلة بنية صافية .
مشكله
بس اقول الحقران يقطع المصران وان اختج
كافي عليها انها متطلقه
اختي لوسمحتي
حطي نفسج بمكانها يعني ودج مرت اخوج تقول عنج جذي!!!
انا اقول انج اتراعين نفسيتها وظروفها وادعيلها الله يرجعها حق بيتها وزوجها
بعد بيت ابوها كيفها وهذا بالاول وبالاخير بيتها وانتي ان شاءالله يطلع لج بيت!!
التمس لاخيك 70عذر!!
السموحه من الجميع..
عادي حبيبتي تحمليها شوي يمكن نفسيتها تعبانه من الطلاق ..واهم شي إنج ماتشتكين لزوجج منها
ترى صدقيني مهما كان هذي اخته وماراح يوقف معاج ضدها حاولي إنج اتخلين إذن من طين وإذن من عجين
والله يعينج عليها إن شاءالله ترجع لزوجها وتفتكين
انتو بالاصل بينكم هالشي
والحين الفرق انها صارت موجوده اكثر
الحل
تحاشي انج تقعدين وياها
لاتقلين عليها كلام
ولاتراددينا راعي نفسيتها
وقد ماتراعينها قد ماريلج بيراعيج لانها اخته لحمه ودمه وعمه عيالج ان شاءالله