|
|
السلام عليكم بنات …
شلونكم شخباركم ,, انشالله تمام ,, وعالبركة حق كل عروس على وجه زواج ….
اليوم حبيت أفضفض لكم شوي و اخترت هالقسم لانه الانسب حق اللي بقوله ، وأتمنى إني أسمع آرائكم …
أنا متزوجة من سنتين والحمدلله ، بس يابنات يوم تزوجت تزوجت سكاااااااااااااااااااااااااااااااااااااااااتي لا عرس ولا حتى ملجة ولا شي ولاشي ولا سفرة ولا شي .. !!!!!! أدري بتقولون شدعوة ليش ؟
أنا أقولكم حصل لنا مشاكل عائلية وظروف صعبة شوي خلتني اتزوج بهالطريقة
والحمدلله على كل حااااااال
بس يابنات والله العرس كان بخااااااااااطري و الفستان الأبيض والطرحه شريتهم حتى ما أجرتهم وقطيتهم بالزباله من القهر …… !!!!!!!!!!!!!!!!
يابنات منو فيكم مرت بظروف نفسي أو بظروف مشابهه ؟؟؟؟
وهل تعتقدون إني أقدر أعوض نفسي الحين ؟؟ لاني سمعت انه اكو حريم مايسون عرس بس بعدين تلبس هي وزوجها واتكشخ واتمكيج وتصور عن الخاطر ؟؟
احس حلمي تبخر يابنات ……….
والحمدلله الف مره
وأحب أسمع منكم شي ينسيني الحلم اللي راح .. و اقتراحاتكم ….
وشكرا لكم
نااااااااااااااااااطرتكم لا اطنشووون
بس ولا يهمج ونسي عمرج .. واذا بخاطرج صج … اذا حملتي وولدتي سوي استقبال ولبسي بدله بيضه وصوري مع زوجج مافيها شي ..
وسافري مع زوجج واستانسي وكل سفره معاه اعتبريها شهر عسل
الله يعوضج ياارب
امبلا اجري بدله وصوري انتي و زوجج لايصير شي بخاطرج حبيبتي
بقوولج فكره حلوه بما انج ماسويتي عرس نطري على عيد زواجكم
وروحي اجري بدلة عرس وحطي مكياج بالصالون وتسريحه وجذي وصووري مع ريلج
الله يهنيج
انا لو منج اروح بأي مناسبه اجر احلى بدله واحجز احلى بدله ومصوره واحجز ليله بفندق وعشا رومانسي واسوي الي بخاطري
اذا عندج عيال خليهم عند امج ,او اذا حملتي وطلعتي من ال 40 صيري جنج عروس لا تخلين شي بخاطرج مثل ماقتلج 
ومشكووووورين
|
المشاركة الأصلية كتبت بواسطة q8lady
 يعني عادي اذا لبست الفستان الابيض بعدين يعني محد بينقد علي ؟؟؟
ومشكووووورين |
لا حبيبتي ليش ينقدون عليج .. انتي حره هذي حياج …
الله يهنيج ياارب
ان شاء الله تعوضينه
اخذي الدنياا سهالات روحي اجري لج نفنوف وحطي مكيااج ولبسي الطرحه وحجزي المصوره وليله بالفندق
واذا قدرتي ساافري لويومين يعني شهر عسل واذا مااقدرتي مولازم السفر بس اهم شي تلبسين الابيض عن خااطرج واذا عندج عياال خليهم عند امج
واذا احد سألهم ليش انتو هني خلي يقولون عرس امناا وابوونا
ولاتخلين شي بنفسج ومااعليج من اللي بينقدون اساسا محد رااح ينقد هذي حيااتج ومااعليج من احد
وشنو ترسين عليه قوليلناا
آنا أقولج شتسوين ..
أجري نفنوف أبيض موشرط يكون فخم وشغل أهم شي ناعم وأبيض واحجزي فندق وكلمي كوافيره هم موشرط مكياج عروس غالي لا لو ب15 مومشكله أهم شي ماكياج ناعم وزاهي عليج ..
جهزي كل هذا الحجوزات قبل بفتره ووودي العيال عند أهلج وقعدا بالفندق واستانسوا انتي وزوجج ياقلبي وسوي كل الي بنفسج ومالاداعي تلمين خلق الله أهم شي انتي وزوجج وسعادتكم فوق كل شي ..
وأنه أعرف وحده فاتحه مشغل عندها نفنوف ناعم ورخيص أجاره اسمها أم عبدالله ورقمها 24671304 وسوي الي تبينه ماعليج من الناس والله يهنيج يارب ويوفقج دعواتج حياتي ..
سوي اللي تبين محد بكلمج
لبسي وحجزي ميك اب ومصورة وحجزي شاليه او فندق واستانسي
لاتخلين شي بخاطرج
وانشالله اول ما اقرر بقولكم
يباا مالج شغل بالناااس استانسي ولبسي النفنوف الابيض وحطيمكياج وصوري انتي وريلـج
واحسن شي تحجزين شاليه جم يوم عشان تحسين انج بشهر العســل واذا قدرتي تسافرين سافري وانشالله تستانسين آخر وناسه