حلم البشارة بالحمل من جربته فيكم .

مرحبا يا بنات

انا مؤمنة جدا بالأحلام وأصدقها حتى من يوم كنت بنية صغيرة حلمت ان مرت اخوي عطتني ساعه او عطيتها مو متذكرة وفسرت ماما الحلم وقالت مرت اخوج بتجيب بنت وصدق الحلم .

عاد كبرت انا وصرت مرة وتزوجت حلمت ان زوجي مهديني خاتمين ذهب وفسرت الحلم اني حامل بتوأم ولدين بس للأسف سقط جنين وبقي الآخر وكان ولد .

بعدها بسنة حلمت بساعه وفعلا جتني بنوته .

وهالمرة أختي حلمت ان عندي ذهب وحملت والله يسهل علي وأجيب ولد ان شاء الله انا الحين حامل بالسادس .

منو فيكم مرت عليها هالأحلام وصدقت معاها خلونا نسولف .

انا معاج دايمن تصدق احلامي حتى ريلي لمن اقوله حلمي اقولي الله يستر من احلامج
والله يرزقج ويرزقني الولد قولي آمين

انا الكل حلمان فيني اني حاطه كحل وشنو الكحل بالحلم مادري بنت ولا ولد بس درو فيني حامل الكل حلم اني حاطه مكياج ولا كحل بروحه والله يجيب الخير بس انا احلامي بالناس تصدق بس ماجربت احلام الناس فيني وانا حلمت ان اخت زوجي عطتني تلفونين واحد خربان و واحد زين صالح بس مو جديد ومافسرتهم والله يجيب الخير لي بهالحمال

انا لي فتره ماحملت
وسبحان الله قبل لااحلل حلت انه احد يعطيني جيس فييه ياهل نايم وحللت وطلعت حامل
بس مو كل مره تضبط صدفه